युहन्‍ना 5:37 - बान्‍तावा राई

³⁷ अ़ङ्‌का काछुत अ़ङ्‌पापाआङा अ़ङ्‌तुक्‌वादा आप्‍पि सालुम्‍स़ङ अ़पुवायुङ्‌सा। मेन खोक्‍कोसोओ अ़चुय़ङ खानानिन्‌आ देम्‍खाछाङ मान्‌एन्‍त़युक्‍तुम, खोन्‍किना खोक्‍कोसोओ अ़चुङाइवा देम्‍खाछाङ मान्‍खाङ्‌त़युक्‍तुम।

युहन्‍ना 5:37 ပူးပေါင်းရင်းမြစ်များ

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मत्‍ति 3:17

मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

मर्कुस 1:11

खोन्‍कि निनाम्‍मादुङ्‌का अ़क्‌तात य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

लुका 24:27

खोन्‍किना मोसाओ अ़छाप्‍लाखा खोन्‍कि नि झारा निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का अ़पुङ्‌साकि झारा साम्‍कालिन्‌दा येसुओ अ़तुक्‌वादा म़छाप्‍ताङाओ य़ङ्‌चिओ अ़चुतुप्‍माय़ङ्‌चि मोचि म़फोङ्‌सुप़चि।

लुका 3:22

खोन्‍कि सेङ्‌लावा साप्दुकुत्‌वावात्‍नि खोक्‍कोएदा म़धान्‍तान्‍चिन। खोन्‍कि निनाम्‍मादुङ्‌का अ़क्‌तात ओवाको य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

युहन्‍ना 14:9

येसुआ अ़लासालोवा, “फिलिप, ओन्‌तारि अ़ङ्‌का खानानिन झाराएनान युङ्‌ङाङा खोन्‍नुछाङ खाना अ़ङ्‌का त़सिन्‍ऩङ? साङ्‌आ अ़ङ्‌का अ़खाङ्‌युङ्‌साङ, मोसाआ अ़ङ्‌पापा खायुङ्‌सु, मेन देकि खाना त़य़ङ्‌याङ, ‘आन्‍कान्‍का पापा निनाम्‍हाङ खाङ्‌मेत्‍नि’?

युहन्‍ना 15:24

साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 5:32

मेन अ़ङ्‌तुक्‌वादा सालुम्‍स़ङ काप़ निङा म़युङ्‌याङ। खोन्‍कि अ़ङ्‌का सिन्‍तुङ्‌योङ, अ़ङ्‌तुक्‌वादा खोक्‍कोसाआ दियाको सालुम्‍स़ङ अ़प़, मो सालुम्‍स़ङ्‌ओ अ़लुङ मेत्‍तु।

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

युहन्‍ना 8:18

अ़ङ्‌तुक्‌वादा अ़ङ्‌का आप्‍पि सालुम्‍स़ङ प़ङ, खोन्‍कि अ़ङ्‌का काछुत पापा निनाम्‍हाङ्‌आछाङ अ़ङ्‌तुक्‌वादा सालुम्‍स़ङ अ़प़।”

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

१ तिमोथि 6:16

खोक्‍को ओन्‍ङा अ़धुन काह़ङ्‌युङ म़युङ्‌याङ, खोन्‍कि खोक्‍को साम्‌दा म़याक, खोक्‍कोसोओ अ़चुसाम्‌दा साङ्‌छाङ खात्‍मा अ़ऱन्‍मिन। खोक्‍को साङ्‌आछाङ देम्‍खाछाङ मान्‍खाङ्‌युक्‍तु माङ्‌लो साङ्‌आछाङ खोक्‍को खाङ्‌मा अ़ऱन। खोक्‍कोसोओ अ़चुसाऩङ्‌वा लिने खोन्‍कि खोक्‍को अ़धुन सावापोरिओ म़मुने! मोवात्‍निङा लिने।

१ युहन्‍ना 4:12

साङ्‌आछाङ निनाम्‍हाङ देम्‍खाछाङ मान्‍खाङ्‌युक्‍तु। मेन आन्‍कान अ़क्‍छा निएदा सोमातुक्‍मुन्‌नालो निनाम्‍हाङ आन्‍कान्‌एदा म़युङ, खोन्‍कि खोक्‍कोसोओ अ़चुसोम्‍तुक्‍मा आन्‍कान्‌एदा ताला।

१ युहन्‍ना 4:20

साङ “अ़ङ्‌का निनाम्‍हाङ सोमातुक्‍तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्‍तुक्‍कादाआ मान्‍खाङ्‌युक्‍तुओ निनाम्‍हाङ सोमातुक्‍मा अ़ऱन।

१ युहन्‍ना 5:9

आन्‍कान म़नाओ अ़सालुम्‍स़ङ लोउम्‌नालो निनाम्‍हाङ्‌आ म़पुवाओ अ़चुसालुम्‍स़ङ तोक्‍पो मुयाङ। देकिनालो ओ निनाम्‍हाङ्‌ओ अ़चुसालुम्‍स़ङ ओ, खोक्‍कोसाआ अ़चुछाओ अ़तुक्‌वादा सालुम्‍स़ङ अ़पुवायुङ्‌सा।