युहन्‍ना 5:36 - बान्‍तावा राई

³⁶ देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

युहन्‍ना 5:36 ပူးပေါင်းရင်းမြစ်များ

मत्‍ति 11:4

येसुआ मोचि म़लासुलोचि, “खानानिन्‌आ त़एनुम्‌ओ खोन्‍कि त़खाम्‌ओ य़ङ्‌चि युहन्‍ना खाएत्‍तानुम,

लुका 2:49

खोन्‍कि येसुआ खोचि म़लोचि, “खानानिन्‌आ अ़ङ्‌का देकि त़लाम्‍निङ्‌निओ? अ़ङ्‌का अ़ङ्‌पापाओ अ़चुखिम्‌दा युङ्‌मादोत्‌निओ य़ङ दि खानानिन्‌आ मान्‍सिन्‍त़दोम्‌योम कि?”

युहन्‍ना 10:25

येसुआ मोचि म़लासुलोचि, “अ़ङ्‌का खानानिन खाएत्‍नायुङ्‌नाचिन्‍नानिन, मेन खानानिन साकोङ्‌छ़ङ त़मुन्‍मिन। अ़ङ्‌पापाओ अ़चुऩङ्‌दा खाक्‍को म़दोम्‍दाओ काचिचि अ़ङ्‌का मुङ्‌योङ्‌च़ङ, मोचिआङा अ़ङ्‌सालुम्‍स़ङ अ़प़।

युहन्‍ना 11:37

मेन खा-खाक्‍कोचि म़य़ङा, “दि दोप्‍म़क्‌ओ अ़म़क कानुआ ओ म़नाछाङ स़मादाङ्‌का लेन्‍मा मान्‍ऱदोओ कि?”

युहन्‍ना 15:24

साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 17:4

खाक्‍को काचि खानानिन्‌आ अ़ङ्‌का मुमा त़प़नि, मो तासुङ्‌लोङ्‌कि हेन्‍खामादा अ़ङ्‌का आम्‍नुओ ऩङ लोङ्‌सुङ्‌युङ्‌सुङ।

युहन्‍ना 2:23

खोन्‍कि खोक्‍को काक्‍माखात्‍मा चानुचाओ ग़रि यरुसलेम्‌दा म़युङाङाहिदा खोक्‍कोसाआ अ़मुवाओ म़दोम्‍दाओ काचिचि म़खाचिकि ब़द्‍धेसाआ खोक्‍कोएदा साकोङ्‌छ़ङ म़मुवा,

युहन्‍ना 3:17

निनाम्‍हाङ्‌आ हेन्‍खामा लाहि पाक्‍माओ निम्‍पाङ अ़चुछा हेन्‍खामादा मान्‌य़अ़दा, मेन हेन्‍खामा खोक्‍कोलाम्‍पा लेन्‍ने निकिना अ़य़सा।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 4:34

येसुआ मोचि म़लोचि, “अ़ङ्‌का काछुत्‌ओ अ़चुमिन्‍मावा च़मा खोन्‍कि खोक्‍कोसोओ अ़चुकाचि तामालामाङा अ़ङ्‌चामायु ओ।

युहन्‍ना 5:32

मेन अ़ङ्‌तुक्‌वादा सालुम्‍स़ङ काप़ निङा म़युङ्‌याङ। खोन्‍कि अ़ङ्‌का सिन्‍तुङ्‌योङ, अ़ङ्‌तुक्‌वादा खोक्‍कोसाआ दियाको सालुम्‍स़ङ अ़प़, मो सालुम्‍स़ङ्‌ओ अ़लुङ मेत्‍तु।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

१ युहन्‍ना 5:9

आन्‍कान म़नाओ अ़सालुम्‍स़ङ लोउम्‌नालो निनाम्‍हाङ्‌आ म़पुवाओ अ़चुसालुम्‍स़ङ तोक्‍पो मुयाङ। देकिनालो ओ निनाम्‍हाङ्‌ओ अ़चुसालुम्‍स़ङ ओ, खोक्‍कोसाआ अ़चुछाओ अ़तुक्‌वादा सालुम्‍स़ङ अ़पुवायुङ्‌सा।