युहन्‍ना 5:34 - बान्‍तावा राई

^34-35 युहन्‍ना लेराङाओ खोन्‍कि छेङ्‌छेङ्‌छेङ्‌वाओ कुपिवाको मुवाङा, खोन्‍कि खानानिन खोसोओ अ़साम्‌दा थुत्‍मेत्‍लो ऩङानुमा त़छेन्‍तुम। खानानिन त़लेरिन्‍ने निम्‍पाङ अ़ङ्‌का ओ य़ङ खाएत्‍नाङ्‌नानिन। मेन अ़ङ्‌का खानानिन त़तुप्‍तुम्‍नेनि मिन्‍ङाङाओ सालुम्‍स़ङ म़नाओ माआङ।

युहन्‍ना 5:34 ပူးပေါင်းရင်းမြစ်များ

लुका 13:34

यरुसलेम, यरुसलेम, खाना निनाम्‍हाङ्‌य़ङ खाकालुचि त़सेरुचि खोन्‍कि खानाएदा छुत्‍तुङ्‌च़ङ्‌ओचि लुङ्‌ताक्‌आ त़कोउचि! देत्‍नि वामामाआ वाइछेत्‌चि अ़लाप्‌हुत्‌दा कोउचि, मोवात्‍निङा देम्‍कादु अ़ङ्‌का आम्‍छाचि कोप्‍माचिनि मिनाङ, मेन खाना त़छुन्‍ता।

लुका 19:10

अ़ङ्‌का म़नाओ अ़छा ना म़माखाराओचि लाम्‍सि खोन्‍कि लेइसि ताङ्‌ओ।”

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 5:32

मेन अ़ङ्‌तुक्‌वादा सालुम्‍स़ङ काप़ निङा म़युङ्‌याङ। खोन्‍कि अ़ङ्‌का सिन्‍तुङ्‌योङ, अ़ङ्‌तुक्‌वादा खोक्‍कोसाआ दियाको सालुम्‍स़ङ अ़प़, मो सालुम्‍स़ङ्‌ओ अ़लुङ मेत्‍तु।

युहन्‍ना 5:41

अ़ङ्‌का म़नाचिएदाङ्‌का साऩङ्‌वा अ़लाम्‍ऩङ।

युहन्‍ना 8:54

येसुआ म़लासुलोचि, “अ़ङ्‌का आप्‍पि अ़ङ्‌ऩङ लोङ्‌सुङ्‌नालो अ़ङ्‌ऩङ लोङ्‌माय़ङ सोज्‍जे लि। अ़ङ्‌ऩङ कालोङ अ़ङ्‌पापा म़युङ्‌याङ, खोक्‍को खानानिन्‌आ ‘आन्‍काओ निनाम्‍हाङ’नि त़लोम्‌योम।

रोमि 10:1

ब़ब़, नाना खोन्‍कि निछाचि ओ, अ़ङ्‌को अ़ङ्‌साकोङ्‌वादाओ अ़ङ्‌मित्‍मा खोन्‍कि इस्राएलिचिओ निम्‍पाङ निनाम्‍हाङ्‌एदा अ़ङ्‌यामात्‍मा ओङा ओ, मोचि म़लेन्‍ने।

रोमि 10:21

मेन इस्राएल्‌ओ अ़तुक्‌वादा यसैया म़य़ङ्‌याङ, “नाम्‍प़क्‍लोङा नामान्‍ल़क खोन्‍कि फित्‍चि कामु म़नाचि अ़ङ्‌काएदा म़ताने निकिना अ़ङ्‌छुक फेयाङ्‌सा हुङुङ्‌युङ्‌सुङ्‌च़ङ।”

रोमि 12:21

अ़त्‍लोदाङ्‌का हारा मान्‍लिदानिन, मेन अ़नुवाक्‌आ अ़अ़त्‍पा हारा चात्‍तानुम।

रोमि 3:3

मेन मोचिएदाङ्‌का खा-खाक्‍कोचि निनाम्‍हाङ्‌ओ अ़चुय़ङ सोम्‍कुवा मान्‍मुचिहिदा दि निनाम्‍हाङ्‌आ अ़चुहिप्‍माय़ङ अ़काक्‍ता?

१ कोरिन्‍थि 9:22

मान्‍ऱकादाचि तात्‍माचि निम्‍पाङ अ़ङ्‌का मान्‍ऱकादाचिएदा मान्‍ऱकादाचिवाङा लिसाङ। झाराकापाराआ झारा म़नाचि लेन्‍मा ऱङ्‌च़ङ्‌ने निम्‍पाङ अ़ङ्‌का झाराकापारा चुवाङ।

१ तिमोथि 4:16

आम्‍ह़ङ्‌म़ङ्‌ओ अ़तुक्‌वादा खोन्‍कि खाना त़चिन्‍तुचिओ अ़तुक्‌वादा चाप्‍चेत्‍तान्‍चिन। मोचि मुयुङ्‌सुचि। देकिनालो ओवात्‍नि त़च़नालो खाना आप्‍पि खोन्‍कि आम्‌य़ङ काएन्‌चिछाङ त़लेइसुचि।

१ युहन्‍ना 5:9

आन्‍कान म़नाओ अ़सालुम्‍स़ङ लोउम्‌नालो निनाम्‍हाङ्‌आ म़पुवाओ अ़चुसालुम्‍स़ङ तोक्‍पो मुयाङ। देकिनालो ओ निनाम्‍हाङ्‌ओ अ़चुसालुम्‍स़ङ ओ, खोक्‍कोसाआ अ़चुछाओ अ़तुक्‌वादा सालुम्‍स़ङ अ़पुवायुङ्‌सा।