युहन्‍ना 5:19 - बान्‍तावा राई

¹⁹ येसुआ मोचि म़लोचि, “अ़नुछ्‍याङा अ़ङ्‌का खानानिन लोनानिन। अ़चुछाआ आप्‍पि दित्‍छाङ मुमा अ़ऱन, मेन अ़चुपाआ दि अ़मुओ खोसाआ खा, अ़चुछाछाङ मोवात्‍निङा च़।

युहन्‍ना 5:19 ပူးပေါင်းရင်းမြစ်များ

मत्‍ति 26:39

खोन्‍किना खोक्‍को अ़क्‍चित ह्‍यात्‍नि म़खाराकि बाखादा म़बोम्‍सान्‍चिन खोन्‍कि याम़मारा, “आपो, लिमा ऱनालो ओ दुखाओ लाङ्‌चोक्‍खुङ्‍ओ दुखा अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

लुका 21:15

देकिनालो अ़ङ्‌का खानानिन चेप्‍मा सिवा खोन्‍कि ताया प़नानिन्‍कि खाक्‍कोछाङ आम्‍नुओ ङेङ्‌चिआ ना आम्‍नुओ य़ङ लामा अ़ऱ, ना आम्‍नुओ दुम क़प्‍माङा अ़ऱ।

युहन्‍ना 10:18

साङ्‌आछाङ अ़ङ्‌कादाङ्‌का अ़ङ्‌ह़ङ्‌म़ङ खात्‍मा अ़ऱन, मेन अ़ङ्‌का आप्‍पि अ़ङ्‌मिन्‍माआ अ़ङ्‌ह़ङ्‌म़ङ प़ङ। अ़ङ्‌ह़ङ्‌म़ङ प़मा पाङ अ़ङ्‌काएदा याक्‌याङ, खोन्‍कि लामातोक्‍मा पाङ्‌छाङ अ़ङ्‌काएदा याक्‌याङ। ओ लोमाय़ङ अ़ङ्‌का अ़ङ्‌पापाएदाङ्‌का तोक्‍तुङ्‌युङ्‌सुङ।”

युहन्‍ना 12:49

देकिनालो अ़ङ्‌का अ़ङ्‌आप्‍पिओ पाङ्‌दाङ्‌का मान्‍चेप्‍ङा, मेन अ़ङ्‌का दे य़ङ्‌मादोत्‌ओ खोन्‍कि दि चेप्‍मादोत्‌ओ, अ़ङ्‌का काछुत पापा निनाम्‍हाङ्‌आ अ़ङ्‌का ऩलोवाङ्‌युङ्‌साङ।

युहन्‍ना 12:50

अ़ङ्‌का सिन्‍तुङ्‌योङ, खोक्‍कोसोओ अ़चुलोमाय़ङ्‍आ अ़लुक्‍निन्‌ओ ह़ङ्‌म़ङ्‌दा म़तित। खोन्‌ओसा अ़ङ्‌का दि चेउङ, पापा निनाम्‍हाङ्‌आ अ़ङ्‌का ऩलोङाओ ओन्‍ङा चेप्‍ङा।”

युहन्‍ना 14:10

अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।

युहन्‍ना 2:19

येसुआ मोचि म़लासुलोचि, “ओ निनाम्‍हाङ ब़क्‍खाखिम भुङ्‌साखाइसानुम, खोन्‍कि अ़ङ्‌का सुम्‌कालेन्‌दा ओ मुङ्‌चिउङ।”

युहन्‍ना 3:3

येसुआ मो अ़लासालोवा, “अ़नुछ्‍याङा अ़ङ्‌का खाना लोना, म़ना अ़ऩङ्‌वा लिकि अ़लानिन्‍लिनिन्‌नालो मोसाआ निनाम्‍हाङ्‌ओ अ़चुहाङ्‌होन खाङ्‌मा अ़तोक्‍तुन।”

युहन्‍ना 5:21

देकिनालो पापाआ म़सुवादाओचि देत्‍नि म़खोन्‍तुलोइसुचिकि मोचि ह़ङ्‌म़ङ म़प़चि, मोवात्‍निङा अ़चुछाआछाङ साङ प़मा स़, खो अ़लुक्‍निन्‌ओ ह़ङ्‌म़ङ प़।

युहन्‍ना 6:38

अ़ङ्‌को आप्‍पिओ अ़ङ्‌मिन्‍मा तालासि अ़ङ्‌का निनाम्‍मादुङ्‌का धाङ्‍ओ माआङ, मेन अ़ङ्‌का काछुत्‌ओ अ़चुमिन्‍मा तालासि धाङ्‌ओ।

युहन्‍ना 8:28

खोन्‌ओसा येसुआ म़लोचि, “खाउग़रि खानानिन्‌आ म़नाओ अ़छा धाना त़थेन्‍तुम, मोन्‍ग़रि अ़ङ्‌का खोक्‍कोङा ओ निकिना खानानिन्‌आ त़सिन्‍तुम। खोन्‍कि अ़ङ्‌का अ़ङ्‌पाङ्‍आ दित्‍छाङ अ़मुऩङ, मेन अ़ङ्‌पापाआ ऩचिन्‍ताङ्‍ओ य़ङ्‌चि ओन्‍ङा चेउङ्‌च़ङ।

युहन्‍ना 9:4

अ़ङ्‌का काछुत्‌ओ अ़चुकाचि अ़खोलेन्‌ङा आन्‍कान मुमादोत। देकिनालो अ़खाखुत तायाङ खोन्‍कि साङ्‌छाङ काचि मुमा अ़ऱनिन।

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

रोमि 6:4

खोन्‌ओसा बप्‍तिस्‍मालाम्‍पा आन्‍कान खोक्‍कोएनान अ़क्‍नि खुम्‍तिन। देत्‍नि निनाम्‍हाङ पापाओ साम्‍स़रिओ अ़चुसावालाम्‍पा ख्रिस्‍त म़सुवादाओदाङ्‌का म़खोन्‍तालोन्‍ता, मोवात्‍निङा आन्‍कान्‌छाङ अ़ऩङ्‌वा ह़ङ्‌म़ङ्‌ओ लाम्‌दा कोलिन्‍ने।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

१ कोरिन्‍थि 15:12

म़सुवादाओदाङ्‌का ख्रिस्‍त म़खोन्‍तालोन्‍तानि खालुसुम्‌कानालो खानानिन्‌एदाङ्‌का खा-खाक्‍को देत्‍नि म़सुवादाओचि ऩखोन्‍निन्‍लोन्‍निन्‌नि य़ङ्‌मा त़ऱन?

२ कोरिन्‍थि 4:14

आन्‍कान्‍का सिन्‍तुम्‌योम्‍का, हाङ्‌पा येसु अ़ह़ङ कामुआ, आन्‍कान्‍काछाङ येसुएनान अ़ह़ङ ऩमुन्‍का, खोन्‍कि खोक्‍कोसाआङा आन्‍कान्‍का खानानिन्‌एनान खोक्‍कोसोओ अ़चुबुदा ऩतारिन्‍का।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

एफिसि 2:5

खोन्‌ओसा आन्‍कान हेवादा स़न्‌दान्‌ओनुछाङ खोक्‍कोसाआ आन्‍कान ख्रिस्‍तएनान अ़क्‍नि अ़ह़ङ म़मुवा। निनाम्‍हाङ्‌ओ अ़चुसोमातुक्‍मालाम्‍पाङा खानानिन ऩलेइसिन्‌युङ्‌सिन।

एफिसि 3:16

अ़ङ्‌का यामात्‍ङा, निनाम्‍हाङ्‌ओ अ़न्‍नुनु तोक्‍पो सायाआ अ़चुलावाओ सावालाम्‍पा आम्‍नुओ कोङ्‌हुत्‌दा त़छोसिन्‍लो ऩमुन्‍ने।

फिलिप्‍पि 3:21

खाक्‍को सावालाम्‍पा झारा खोक्‍कोसोओ अ़चुक़म्‍मादा तात्‍मा म़ऱचि, आन्‍को अ़ऱनिन्‌ओ स़दाओ पोक खोक्‍कोसो आप्‍पिओ अ़चुसाम्‍स़रिओ पोक्‌वात्‍नि लिसि अ़फान।

फिलिप्‍पि 4:13

साङ्‌आ अ़ङ्‌का सावा ऩप़ङा, खोक्‍कोलाम्‍पाङा अ़ङ्‌का झारा य़ङ मुमा ऱङ।

कलस्‍सि 1:11

खोन्‍कि खोक्‍कोसोओ अ़चुसाम्‍स़रिओ सावावात्‍नि खानानिन दियाकोछाङ दुखादा ऩङानुमाआ हुङ्‌याङ्‌सा आङ्‌मा सावा ऩप़न।

कलस्‍सि 1:16

देकिनालो निनाम्‍मादुओ खोन्‍कि हेन्‍खामादाओ, म़दात्‌याङ्‌ओ खोन्‍कि ऩदात्‍निनिन्‌ओ झारा सामाचि खोक्‍कोलाम्‍पाङा म़मुयाओ। लावामि सावाचि, हाङ्‌युङ्‌मिताङ्‌चि, हाङ्‌काचि कामुचि, खोन्‍कि पाङ्‌चि, ओ झारा य़ङ्‌चि खोक्‍कोलाम्‍पा खोन्‍कि खोसोओ निम्‍पाङ अ़मुयाओ।

१ थेसलोनिकि 4:14

देकिनालो येसु म़सुवादा खोन्‍कि म़लासाखोन्‍तालोन्‍ता निकिना आन्‍कान साकोङ्‌छ़ङ मुन्‌नालो मोवात्‍निङा, येसुलाम्‍पा निनाम्‍हाङ्‌आ साङ-साङ म़सुवादाओ खोक्‍कोएदा म़तारुचि।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।