युहन्‍ना 4:6 - बान्‍तावा राई

⁶ मोदा याकुब्‌ओ अ़कुपारि याआङा। येसु कोन्‍माआ होत्‍तुकि मो कुपारिओ अ़च़क्‌दा म़युङा। आप्‍फात अ़दाक्‌वालेन लिसायुङ्‌सा।

युहन्‍ना 4:6 ပူးပေါင်းရင်းမြစ်များ

मत्‍ति 27:45

हान बार साङादाङ्‌का सुम्‌काकोम साङातारि झारा हेन्‍कोप्‌दा कुन्‍चियाधेक्‍धेक लिसा।

मत्‍ति 4:2

खोक्‍को चालिस्‌काखोलेन खोन्‍कि चालिस्‌काखाखुत मान्‍चामाङ म़युङा, खोन्‍किना खोक्‍को साम़सुवा।

मत्‍ति 8:24

मोन्‍ग़रिङा धियाङ्‌वामादा क़माकात्‍तुओ कुह़क्‍मा बाना, खोन्‍कि चाक्‌वाओ अ़लोङ्‌वात्‌चिआ नावा भेप्‍मा पुङ्‌सु। मेन येसु म़इम्‍साङा।

लुका 2:7

खोन्‍कि मरियम्‌आ बुयाओ दुवाछा तोक्‍तुकि तित्‌आ फेप्‍तु खोन्‍कि पित्‍खुङ्‌दा इप्‍तु। देकिनालो खोचिआ खादाछाङ याक्‍सादा युङ्‌खा मान्‍तोक्‌चि।

लुका 9:58

खोन्‍कि येसुआ मो अ़लोवा, “हाप्‍सुचिओ अ़चुयुङ्‌खा बुक्‍ताङ्‌चि खोन्‍कि नाम्‍छ़ऱदु कापेन छोङ्‌वाचिओ अ़चुयाङ्‌चि म़याक्‌याङ, मेन म़नाओ अ़छाओ ना अ़ताङ नान्‍खाछाङ मात्‍द़ङ।”

युहन्‍ना 11:9

येसुआ मोचि म़लासुलोचि, “दि अ़क लेन्‌दा बारकाकोम अ़याक्‍निन कि? अ़खोलेन काकोन अ़धुङ्‌निन, देकिनालो हेन्‍खामादाओ साम याक्‌याङ।

युहन्‍ना 4:12

दि खानानिन आन्‍सुन्‍तुम याकुब्‌दाङ्‌काछाङ तोक्‍पो त़मुन्‌येन? खोसाआ आन्‍कान्‍का ओ कुपारि ऩमेत्‍तिन्‍प़न्‍काकिना खो आप्‍पि, खोन्‍कि खोसोओ अ़छाचि खोन्‍कि खोसोओ अ़सायाम्‍पोक्‌चिआ ओ कुपारिदाओ चाक्‌वा अ़दुङा।”

युहन्‍ना 4:5

खोन्‍कि खोक्‍को सामरियाओ सुखारनि लोवाङाओ सहरादा म़तादिसा। मो सहरा याकुब्‌आ अ़छा योसेफ प़ओ व़क्‌ओ अ़च़क्‌दा छुक्‍ताङा।

युहन्‍ना 4:7

अ़क्‍छा सामरि मेत्‍छामा चाक्‌वा भात्‍सि मोदा ता। येसुआ मो मेत्‍छामा अ़लोवा, “अ़ङ्‌का चाक्‌वा दुङ्‌मा पुवाङ।”

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

हिब्रु 4:15

आन्‍काओ मुलो काब़क्‍पा आन्‍माऱदामाचिदा सोमामान्‍तुक्‍कादा ऩमुनिनिन। मेन आन्‍कान्‌वात्‍नि खोक्‍को झारा य़ङ्‌दा हेवादा धान्‍मा अ़लाप्‍ताहिदाछाङ खोक्‍को हेवादा मान्‍धान्‍दान्‍चिन।