युहन्‍ना 4:53 - बान्‍तावा राई

⁵³ खोन्‍किना येसुआ मो “आम्‍छा ह़ङ”नि अ़लोवाओ ग़रिदाङ्‌काङा नुवाओ निकिना अ़पाआ सिन्‍तु। खोन्‌ओसा खो खोन्‍कि खोसोओ झारा अ़खिम्‍लुम्‍पा साकोङ्‌छ़ङ म़मुवा।

युहन्‍ना 4:53 ပူးပေါင်းရင်းမြစ်များ

मत्‍ति 8:13

खोन्‍कि येसुआ मो कप्‍ताना अ़लोवा, “खारा! देत्‍नि खाना साकोङ्‌छ़ङ त़मुयुङ्‌सु, मोवात्‍निङा लि।” खोन्‍कि मो कप्‍तानाओ अ़काफा मोन्‍ग़रिङा नुवाखारा।

लुका 19:9

खोन्‍कि येसुआ मो अ़लोवा, “अब्राहाम साकोङ्‌छ़ङ मुवाओवात्‍निङा ओ म़नाआछाङ साकोङ्‌छ़ङ मुवाओसा आय़ ओ खिम्‌दा लेन्‍मा तायुङ्‌सा।

युहन्‍ना 4:51

खोन्‍किना खाराङाहिदा लाम्‌दा खोसोओ अ़हारुक्‌चिआ अ़तुआकि खोसोओ अ़छा ह़ङानि खो खाअ़एत्‍ता।

युहन्‍ना 4:52

खाक्‍को ग़रिदाङ्‌का नुमा पुक्‍तु निकिना खोसाआ मोचि सेनुचिहिदा मोचिआ अ़लोवा, “आखोमाङ अ़क साङादाङ्‌का अ़माङ्‌धिन्‌आ मो लेरु।”

छाम्‍माय़ङ 11:14

खोसाआ खाना य़ङ्‌खान खात़एत, खोलाम्‍पा खाना खोन्‍कि झारा आम्‍खिम्‌दाओचि त़लेरिन’नि य़ङाओछाङ आन्‍कान्‍का खाअ़एत्‍तिन्‍का।

छाम्‍माय़ङ 16:15

लिदिया खोन्‍कि अ़खिम्‌दाओ झारा बप्‍तिस्‍मा म़प़चि, खोन्‍किना मोसाआ, “खानानिन्‌आ अ़ङ्‌का हाङ्‌पा साकोङ्‌छ़ङ कामुमानि त़मित्‍ङाऩङ्‌नालो अ़ङ्‌खिम्‌दा बानानिन्‌कि युङानिन्‍नाङ”नि य़ङ्‌याङ्‌सा आन्‍कान्‍का अ़बुत्‍तिन्‍का। खोन्‍कि मोसाआ आन्‍कान्‍का राकाङ्‌थेत्‍नि अ़मुन्‍खातिन्‍का।

छाम्‍माय़ङ 16:34

खोन्‍किना छेक्‍खाखिम काखाङ्‌आ पावल खोन्‍कि सिलास अ़खिम्‌दा खात्‍तुचिकि चामायु खोचिओ अ़चुबुदा युक्‍तुचि। निनाम्‍हाङ्‌एदा साकोङ्‌छ़ङ मुवाओसा खो खोन्‍कि झारा अ़खिम्‌दाओचिओ अ़न्‍नुनु अ़चुऩङानुवा।

छाम्‍माय़ङ 18:8

यावायोक्‍खिम्‌दाओ बुसुवा क्रिस्‍पस खोन्‍कि खोसोओ झारा अ़खिम्‌दाओचिआ हाङ्‌पाएदा साकोङ्‌छ़ङ म़मुवा। खोन्‍कि कोरिन्‍थिदाओचिआछाङ ब़द्‍धेसाआ पावल्‌ओ अ़य़ङ अ़एना खोन्‍कि साकोङ्‌छ़ङ म़मुवाकि बप्‍तिस्‍मा म़लोआ।

छाम्‍माय़ङ 2:39

ओ हिप्‍माय़ङ आम्‍नुओ खोन्‍कि आम्‍नुओ छाचिओ निकिना ओ, खोन्‍कि अ़थाया कायुङ्‌चि झारा साङ-साङ आन्‍हाङ्‌पा निनाम्‍हाङ्‌आ अ़चुम़ना लिसि म़बुत्‍तुचि, खोक्‍कोसाआ मोचि सेङ्‌लावा म़प़चि।”