युहन्‍ना 4:46 - बान्‍तावा राई

⁴⁶ खोन्‍किना खोक्‍को गालिल्‌ओ काना सहरादा म़लासाता। मोदा खोक्‍कोसाआ चाक्‌वा अङ्‌गुरा माङ्‌वा अ़मुवाओ। गालिल्‌ओ कफर्नहुम्‌दा अ़क्‍छा हाङ काचि काफा युङाङा, खोसोओ अ़दुवाछा-छा तुआङा।

युहन्‍ना 4:46 ပူးပေါင်းရင်းမြစ်များ

मत्‍ति 15:22

मो धिखाहुप्‌दाङ्‌का अ़क्‍छा कनानि मेत्‍छामा खोक्‍कोएदा ताकि लो, “हाङ्‌पो, दाउद्‌ओ अ़छा, अ़ङ्‌का सोमायोक्‍नि! अ़ङ्‌छा मेत्‍छाछा छा चाकावालावाआ चाअ़त्‍लो दुखा प़ङु।”

मत्‍ति 4:13

खोन्‍कि नासरत अ़छिरादाकि कफर्नहुम म़खारा खोन्‍कि मोदा म़युङा। कफर्नहुम सहरा जबुलुन खोन्‍कि नप्‍तालिओ खाहुप्‌दाओ गालिल धियाङ्‌वामाओ अ़केम्‌दा छुक।

मत्‍ति 9:18

येसुआ मोचि ओ य़ङ म़लोङुचिहिदा अ़क्‍छा यहुदि बुसुवा ता, खोन्‍कि खोक्‍कोसोओ अ़चुबुदा अ़तुम्‍प़छ़क तोम्‍तुकि लो, “हाङ्‌पो, अ़ङ्‌मेत्‍छाछा छा ओग़रिसाऱङ सुवादा। मेन बानानिन्‌कि मोएदा आम्‍नुओ छुक युक्‍निप़नि, खोन्‍कि मो लाह़ङ्‌लोन्‍ने।”

लुका 4:23

खोन्‍कि येसुआ मोचि म़लोचि, “हान ब़द्‍धे म़नाचिआ अ़एनाओ ओ दोय़ङ्‌ला नुछ्‍याङा खानानिन्‌आ अ़ङ्‌का त़लोङाऩङ, ‘ओक्‍तोकामेत! खाना आप्‍पि नुसान्‍चिन। कफर्नहुम तेन्‌दा खाना त़मुओ सावा काचि आन्‍कान्‍काआ एनुम्‌युङ्‌सुम्‍का, मो काचि ओक्‍को आम्‍तेन्‌दाछाङ मु।’”

लुका 7:2

मोदा अ़क्‍छा रोमि कप्‍तानाआ ब़द्‍धे सोमातुक्‍तुङुओ अ़हारुक तुआकि स़मादामा मुवाङा।

लुका 8:42

देकिनालो खोसोओ अ़क्‍छा ओन्‍ङा ओ बारकादोङ लेका बात्‍तुङुओ अ़छा मेत्‍छाछा छा स़मादामा मुवाङा। येसु याइरस्‌ओ अ़खिम्‌दा म़खाराङाओ ग़रि म़ना मुक्‍लाचि येसुओ अ़चुऱङ्‌कोप्‍नि रोम्‍पोङ्‌पोङ्‌वा म़लिसा।

युहन्‍ना 2:12

खोन्‍किना येसु अ़चुओमा, अ़चुनिछाचि खोन्‍कि अ़चुकाखेङ्‌पाचिएनान कफर्नहुम म़खारा, खोन्‍कि अ़चित लेन खोचि मोदा म़युङा।

युहन्‍ना 21:2

सिमोन पत्रुस, दिदुमस्‌नि लोवाङाओ थोमा, गालिल्‌दाओ काना सहरादाओ नथानेल, जब्‍दियाओ ह़वाङ अ़छाचि खोन्‍कि खोक्‍कोसोओ अ़चुकाखेङ्‌पाचिएदाङ्‌काओ नि ह़वाङ अ़क्‍नि म़युङाङा।