युहन्‍ना 4:45 - बान्‍तावा राई

⁴⁵ खोन्‍नुछाङ खोक्‍को गालिल्‌दा म़ता, खोन्‍कि खोक्‍कोसाआ यरुसलेम्‌दा चानुचाओ ग़रिदा दे अ़मुवाओ मो झारा काचि अ़खाओसा गालिलिचिआ खोक्‍को साऩङ्‌वा अ़मेत्‍ता, देकिनालो मोचिछाङ चानुचादा म़खारायुङ्‌साओ।

युहन्‍ना 4:45 ပူးပေါင်းရင်းမြစ်များ

लुका 13:1

मोन्‍ग़रि मोदा देम्‌कापाङ म़नाचिआ गालिल धिखाहुप्‌दाओ म़नाचिओ अ़चुतुक्‌वादा येसु अ़लोवा। गालिल धिखाहुप्‌दाओ म़नाचिआ हेन्‍खोक्‌वा म़धान्‍ताङाहिदा धिखाहुप हाङ पिलातस्‌आ मोचि सेत म़मेत्‍तुचिकि मोचिओ अ़चुह़ हेन्‍खोक्‌वाओ ह़एनान होलाखारा।

लुका 8:40

हान येसु धियाङ्‌वामाओ ह्‍याउधेत्‌याङ्‌का म़लासाताहिदा म़ना मुक्‍लाचिआ खोक्‍को साया अ़मेत्‍ता। देकिनालो मोचि झारासाआ खोक्‍को अ़हुङाङा।

लुका 9:53

मेन मोचिआ अ़चुतेन्‌दा येसु वाङ्‌मा मान्‍प़अ़दा देकिनालो येसु यरुसलेम्‌ह्‍यात्‍नि म़खाराङा।

युहन्‍ना 2:23

खोन्‍कि खोक्‍को काक्‍माखात्‍मा चानुचाओ ग़रि यरुसलेम्‌दा म़युङाङाहिदा खोक्‍कोसाआ अ़मुवाओ म़दोम्‍दाओ काचिचि म़खाचिकि ब़द्‍धेसाआ खोक्‍कोएदा साकोङ्‌छ़ङ म़मुवा,

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 4:54

यहुदियादाङ्‌का गालिल्‌दा ताकिना येसुआ अ़मुवाओ ओ ह्‍वादुओदुओ म़दोम्‍दाओ बुन ओ।