युहन्‍ना 4:40 - बान्‍तावा राई

⁴⁰ खोन्‌ओसा मोन्‍ग़रि सामरिचि खोक्‍कोएदा म़ता, खोन्‍कि मोचिआ खोक्‍को मोचिएनान “युङिन्‍ने”नि अ़लोवा, खोन्‍कि खोक्‍को ह्‍वा लेन मोदा म़युङा।

युहन्‍ना 4:40 ပူးပေါင်းရင်းမြစ်များ

लुका 10:39

मरियम अ़ऩङ मुवाङाओ खोसोओ अ़क्‍छा अ़निछा युङाङा। मो हाङ्‌पाओ अ़लाङ्‌चोक्‌वादा युङाकि खोक्‍कोसोओ अ़चुय़ङ एनुयुङ्‌सुङु।

लुका 24:29

मेन मोचिआ “आन्‍काच्‍याएनान्‌ङा युङिन्‍ने। देकिनालो अ़नाम्‍प़क लिमा मुवाङ, खोन्‍कि लेन्‌छाङ ओङ्‌मा मुयाङ”निकिना राकाङ्‌थेत्‍नि येसु अ़मुवाचु। खोन्‍किना खोक्‍को मोचिएनान युङ्‌मा निकिना खिम्‍हुत्‌या म़वाङा।

लुका 8:38

चाकावालावादाङ्‌का फोङ्‌माय़ङ म़नाआ खोक्‍कोएनान अ़क्‍नि खात्‍मा निकिना बुउ, मेन येसुआ मो ओवात्‍नि अ़लोवाकि अ़छुत्‍ताखाइसा,

युहन्‍ना 4:39

“अ़ङ्‌का दे चुवाङ्‍ओ झारा काचिचि खोक्‍कोसाआ अ़ङ्‌का खाऩएत्‍ताङ” निओ मो मेत्‍छामाओ अ़सालुम्‍स़ङ्‌आ मो सहरादा सामरिचिएदाओ ब़द्‍धेसाआ खोक्‍को साकोङ्‌छ़ङ अ़मुवा।

युहन्‍ना 4:41

खोन्‍किना खोक्‍कोसोओ अ़चुय़ङ्‌आ नि ब़द्‍धेसाआ खोक्‍को साकोङ्‌छ़ङ अ़मुवा।

युहन्‍ना 4:43

ह्‍वा लेन्‍किना मोदाङ्‌का खोक्‍को गालिल म़खारा।

छाम्‍माय़ङ 16:15

लिदिया खोन्‍कि अ़खिम्‌दाओ झारा बप्‍तिस्‍मा म़प़चि, खोन्‍किना मोसाआ, “खानानिन्‌आ अ़ङ्‌का हाङ्‌पा साकोङ्‌छ़ङ कामुमानि त़मित्‍ङाऩङ्‌नालो अ़ङ्‌खिम्‌दा बानानिन्‌कि युङानिन्‍नाङ”नि य़ङ्‌याङ्‌सा आन्‍कान्‍का अ़बुत्‍तिन्‍का। खोन्‍कि मोसाआ आन्‍कान्‍का राकाङ्‌थेत्‍नि अ़मुन्‍खातिन्‍का।

छाम्‍माय़ङ 8:8

खोन्‌ओसा सामरिया सहरादाओ म़नाचिओ अ़न्‍नुनु अ़चुऩङानुवा।

खाङ्‌मुमा 3:20

खानुम! अ़ङ्‌का लाप्‍तिखोप्‌दा एप्‍माकि मोउङ। साङ्‌आ अ़ङ्‌य़ङ एनुकि लाप्‍तिखोप अ़होत्‍ङाप़ङानालो अ़ङ्‌का मो हुत्‌दा वाङ्‌ङा खोन्‍कि खोएनान चा चाङा, खोन्‍कि खो अ़ङ्‌काएनान चा।