युहन्‍ना 4:38 - बान्‍तावा राई

³⁸ अ़ङ्‌का खानानिन मोदा हेक्‍सि छुत्‍नानिन, खादा खानानिन्‌आ काचि मान्‍मुत़युक्‍तुम। निचिआ काचि अ़मुवायुङ्‌सा, खोन्‍कि मोचिओ अ़चुकाचिओ अ़सिवा खानानिन्‌आ त़कोउम्‌युङ्‌सुम।”

युहन्‍ना 4:38 ပူးပေါင်းရင်းမြစ်များ

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

युहन्‍ना 1:7

खोक्‍कोलाम्‍पा झारासाआ साकोङ्‌छ़ङ म़मुने निम्‍पाङ मो साम्‌ओ अ़तुक्‌वादा सालुम्‍स़ङ म़लिसाकि खालुसि खोक्‍को म़ता।

युहन्‍ना 17:18

देत्‍नि खानानिन्‌आ अ़ङ्‌का हेन्‍खामादा त़छुत्‍नि, मोवात्‍नि अ़ङ्‌काछाङ मोचि हेन्‍खामादा छुत्‍तुङ्‌योङ्‌च़ङ।

युहन्‍ना 4:37

ओवात्‍नि ‘अ़क्‍छाआ वेत्‍तु, खोन्‍कि नितात्‌आ हेक्‍तु,’ निओ य़ङ ओदा अ़छ़ङ लि।

युहन्‍ना 4:39

“अ़ङ्‌का दे चुवाङ्‍ओ झारा काचिचि खोक्‍कोसाआ अ़ङ्‌का खाऩएत्‍ताङ” निओ मो मेत्‍छामाओ अ़सालुम्‍स़ङ्‌आ मो सहरादा सामरिचिएदाओ ब़द्‍धेसाआ खोक्‍को साकोङ्‌छ़ङ अ़मुवा।

छाम्‍माय़ङ 2:41

खोन्‍किना खा-खाक्‍कोचि पत्रुस्‌आ लोचिओ य़ङ्‌दा साकोङ्‌छ़ङ म़मुवा, मोचि छाम्‍माय़ङ्‌चिआ बप्‍तिस्‍मा म़प़चि। खोन्‍कि मो लेन अ़चुरुहुप्‌दा आप्‍फात सुम्‌काहजारालेका म़नाचि म़तेप्‍ता।

छाम्‍माय़ङ 4:32

साकोङ्‌छ़ङ कामुचि झारा अ़क साकोङ्‌वा खोन्‍कि अ़क मिन्‍मा म़लिसायुङ्‌सा, खोन्‍कि मोचिएदा युङाङाओ अ़चुचासुम्‍छेन्‍बिचि “अ़ङ्‌को ओन्‍ङा”नि मान्‌य़ङ्‌याङ्‌चि। मेन मोचि झारासोओ अ़चुचासुम्‍छेन्‍बिचि अ़क्‍छा निएदा म़हासुङुचि।

छाम्‍माय़ङ 4:4

मेन मो निनाम्‍हाङ्‌य़ङ काएन्‍चिएदाङ्‌का ब़द्‍धेकापाङ्‌आ येसुदा साकोङ्‌छ़ङ म़मुवा, खोन्‍कि साकोङ्‌छ़ङ कामुपाचिओ अ़चुखिप्‍मा पोयाकि आप्‍फात पाच हजारा म़लिसा।

छाम्‍माय़ङ 5:14

खोन्‍कि ब़द्‍धेकापाङ दुवाछा खोन्‍कि मेत्‌छाछाचि हाङ्‌पा येसुएदा साकोङ्‌छ़ङ म़मुवाकि च़लोक अ़चुखिप्‍मा तेप्‍ता।

छाम्‍माय़ङ 6:7

खोन्‍कि निनाम्‍हाङ्‌ओ अ़चुय़ङ थ़ङ्‌याङ्‌सा खाराकि काखेङ्‌चिओ अ़चुखिप्‍मा यरुसलेम्‌दा अ़न्‍नुनु पोन्‌याङ्‌सा खारा। खोन्‍कि ब़द्‍धे काब़क्‍पाचिआछाङ येसुएदा साकोङ्‌छ़ङ म़मुवा।

२ कोरिन्‍थि 10:15

आन्‍कान्‍का नि म़नाचिओ अ़चुकाचिचिदा तोक्‍पो अ़लिसिमिन्‍का, मेन आन्‍काओ सोम्‍कुवा ओङा ओ, आम्‍नुओ साकोङ्‌छ़ङ पोन्‌याङ्‌सा आम्‍नुओ रादा खात्‌याङ्‌हिदा मोसाआ आन्‍काओ काचि मुखा खाहुप पोइसु।