युहन्‍ना 4:23 - बान्‍तावा राई

²³ मेन ग़रि तायाङ, खोन्‍कि मो ग़रि ओन्‍ग़रिङा ओ, खोन्‍कि अ़छ़ङ काब़क्‌चिआ लावादा खोन्‍कि अ़छ़ङ्‌दा पापा निनाम्‍हाङ अ़ब़क। देकिनालो ओवाको काब़क्‌चिङा पापा निनाम्‍हाङ्‌आ म़लामुचि।

युहन्‍ना 4:23 ပူးပေါင်းရင်းမြစ်များ

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 12:23

येसुआ म़लासुलोचि, “म़नाओ अ़छाओ अ़साऩङ्‌वा तोक्‍मा ग़रि तायुङ्‌सा।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

युहन्‍ना 16:32

खानुम, ग़रि तायाङ, अ़नुछ्‍याङा ताचिआयुङ्‌सा, खानानिन त़रिसिन्‍खारिन खोन्‍कि झारा आम्‍नुओ खिम्‌दा त़खारिन, खोन्‍कि अ़ङ्‌का ओन्‍ङा त़छित्‍ङादाङाऩङ। खोन्‍नुछाङ अ़ङ्‌का आप्‍पि ओन्‍ङा अ़लिऩङ, देकिनालो अ़ङ्‌पापा अ़ङ्‌काएनान म़युङ्‌याङ।

युहन्‍ना 4:21

येसुआ मो अ़लोवा, “मेत्‍छामा, अ़ङ्‌का साकोङ्‌छ़ङ मुवाङ, ग़रि तायाङ, मोन्‍ग़रि खानानिन ना ओ भ़ऱदु, ना यरुसलेम्‌दा पापा निनाम्‍हाङ त़ब़क्‍तुम।

युहन्‍ना 5:25

अ़नुछ्‍याङा, अ़ङ्‌का खानानिन लोनानिन, ओवाको ग़रि तायाङ, मोन्‍ग़रि म़सुवादाओचिआ निनाम्‍हाङ्‌ओ अ़चुछाओ अ़य़ङ अ़एन, खोन्‍कि काएन्‌चि म़ह़ङ। मो ग़रि ओन्‍ग़रिङा ओ।

युहन्‍ना 5:28

ओ य़ङ्‌दा मान्‍दोम्‍दादानिन्‍चिन, देकिनालो ग़रि तायाङ, मोन्‍ग़रि एप्‍मादाओचि झारासाआ खोक्‍कोसोओ अ़चुय़ङ अ़एन,

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 8:15

देकिनालो किन्‍माकि हारुक मुमा लावा खानानिन्‌आ मान्‍तोक्‍त़युक्‍तुम, मेन तात्‍मा छा लिमाओ निम्‍पाङ निनाम्‍हाङ्‌ओ अ़चुलावा त़तोक्‍तुम्‌युङ्‌सुम। खोन्‌ओसा निनाम्‍हाङ लावालाम्‍पा आन्‍कान निनाम्‍हाङ “अब्‍बा! आपो!”नि बुत्‍तुम।

रोमि 8:26

सेङ्‌लावाआछाङ आन्‍कान आन्‍मान्‍ऱदामादा म़फा। आन्‍कान देत्‍नि यामात्‍मादोत्‌ओ आन्‍कान अ़लेसिमिन, मेन य़ङ्‌सिवाचिदा य़ङ्‌मा अ़ऱन्‍मिन्‌ओ ह़त्‍पादा सेङ्‌लावाआङा आन्‍को निम्‍पाङ याम़मात प़।

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

एफिसि 6:18

अ़धुन यामात्‍मा खोन्‍कि निनाम्‍हाङ्‌एदा फालुयाङ्‌सा सेङ्‌लावादा यामारानिन। ओ मित्‍चिऩङ्‌ओ निम्‍पाङ, चाप्‍चाप्‍चाप्‌वा युङानिन, खोन्‍कि झारा निनाम्‍हाङ्‌ओ अ़चुम़नाचिओ निम्‍पाङ यामारायुङ्‌सानिन।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।