युहन्‍ना 4:10 - बान्‍तावा राई

¹⁰ येसुआ मो लासुलो, “खाना निनाम्‍हाङ्‌ओ अ़चुआसिखा खोन्‍कि खानाएदा चाक्‌वा कादोत म़ना साङ्‍ओ निकिना त़सिन्‍तुओदे खाना खोक्‍को त़दोत्‍तुओ खोन्‍कि खोक्‍कोसाआ खाना ह़ङ्‌म़ङ्‌ओ चाक्‌वा त़पुवाओ।”

युहन्‍ना 4:10 ပူးပေါင်းရင်းမြစ်များ

लुका 11:13

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‍चि देम च़लोक सेङ्‌लावा म़प़चि!”

युहन्‍ना 16:3

खोन्‍कि मोचिआ ओ काचिचि म़मुचि, देकिनालो मोचिआ अ़ङ्‌पापा मान्‍सिन्‌अ़युक, ना अ़ङ्‌काङा ऩसिन्‍ताङ्‌युङ्‌साङ।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

युहन्‍ना 6:35

येसुआ मोचि म़लोचि, “ह़ङ्‌म़ङ काप़ पेम्‍पाक अ़ङ्‌काङा ओ। अ़ङ्‌काएदा काता देम्‍खाछाङ साअ़स़निन, खोन्‍कि अ़ङ्‌काएदा साकोङ्‌छ़ङ कामु देम्‍खाछाङ वामित्‍मा अ़स़निन।

युहन्‍ना 6:51

निनाम्‍मादुङ्‌का धाओ अ़ह़ङ पेम्‍पाक अ़ङ्‌काङा ओ। साङ्‌आ ओ पेम्‍पाक चा, मो अ़धुन्‌तारि ह़ङ। खोन्‍कि खाक्‍को पेम्‍पाक अ़ङ्‌का हेन्‍खामादाओ ह़ङ्‌म़ङ्‌ओ निम्‍पाङ प़ङ, मो अ़ङ्‌पोक ओ।”

छाम्‍माय़ङ 9:11

खोन्‍कि हाङ्‌पाआ खो अ़लोवा, “पुवालोन्‍ताकि द़क्‍बानिओ अ़धिवा लाम्‌दा खारा, खोन्‍कि यहुदाओ अ़खिम्‌दा सावल अ़ऩङ मुयाङ्‌ओ तार्सस सहरादाओ अ़क्‍छा म़ना सेनु, देकिनालो खो ओन्‍ग़रि यामात्‌याङ।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 10:4

खोन्‍कि झारासा अ़कनिवाओङा लावामि चाक्‌वा अ़दुङा। देकिनालो मोचिआ अ़क्‍नि कोन्‍माओ लावामि लुङ्‌छ़ङ्‌दाओ चाक्‌वा अ़दुङा खोन्‍कि मोक्‍को लुङ्‌छ़ङ ख्रिस्‍त म़युङाङा।

२ कोरिन्‍थि 9:15

अ़लुङ छाम्‍मा अ़ऱन्‍मिन्‌ओ छुक्‍तुप्‍मा निम्‍पाङ निनाम्‍हाङ आलाङ्‌ने!

एफिसि 2:8

देकिनालो सोमातुक्‍मादाङ्‌का साकोङ्‌छ़ङ्‌लाम्‍पा खानानिन त़लेरिन्‌युङ्‌सिन। खोन्‍कि ओ खानानिन आप्‍पिएदाङ्‌का माआङ, ओ ना निनाम्‍हाङ्‌आ मोहा प़माय़ङ ओ।

हिब्रु 6:4

देकिनालो साङ्‌चिआ अ़क्‍दु साम अ़तोक्‍ताकि निनाम्‍मादुओ छुक्‍तुप्‍मा अ़छेम्‍सायुङ्‌साओ, खोन्‍कि सेङ्‌लावाओ काचिदा म़वाङायुङ्‌साओ,

१ युहन्‍ना 5:20

आन्‍कान सिन्‍तुम्‌योम निनाम्‍हाङ्‌ओ अ़चुछा म़तायुङ्‌सा, खोन्‍कि अ़छ़ङ निनाम्‍हाङ आन्‍कान खाङ्‌म़मेत्‍तायुङ्‌सा। मोवात्‍नि आन्‍कान निनाम्‍हाङ अ़छ़ङ म़मुयाङ निकिना सिन्‍तुम्‍ने। खोन्‍कि ओन्‍ग़रि आन्‍कान अ़छ़ङ निनाम्‍हाङ्‌एनान अ़क्‍नि याइन्‌येन, देकिनालो खोक्‍कोसोओ अ़चुओ छा येसु ख्रिस्‍तएनान आन्‍कान यावायोक्‌दा अ़क्‍नि याइन्‌येन। खोक्‍को अ़छ़ङ निनाम्‍हाङ खोन्‍कि अ़लुक्‍निन्‌ओ ह़ङ्‌म़ङ म़युङ्‌याङ।

खाङ्‌मुमा 21:6

खोक्‍कोसाआ अ़ङ्‌का ऩलोवाङ, “हान चिआ। अ़ङ्‌का अल्‍फा खोन्‍कि ओमेगा ओ, अ़पुङ्‌चिपुक खोन्‍कि अ़लुक्‍मा अ़ङ्‌काङा ओ। वामित्‍मा कास़चि ह़ङ्‌म़ङ्‌ओ चाक्‌वा लित्‍खादाङ्‌का अ़ङ्‌का मोहाङा ओ प़ङ्‌च़ङ।

खाङ्‌मुमा 22:17

सेङ्‌लावा खोन्‍कि सायाकाकाम्‍मा म़य़ङ्‌याङ, “तानिन!” साङ्‌आ एनु मो य़ङ्‌ने, “तानिन।” साङ वामित्‍मा स़, मो ताने, साङ मिन मोसाआ ह़ङ्‌म़ङ्‌ओ चाक्‌वा मोहाङा दुङुने।

खाङ्‌मुमा 7:17

देकिनालो हाङ्‌युङ्‌खाओ अ़रादा कायुङ थुबाछा मोचिओ अ़चुकाखाङ म़लिकि म़रात्‍तुचि। खोक्‍कोसाआ मोचि अ़ह़ङ बोन्‌वा चाक्‌वादा म़तित्‍तुखात्‍तुचि। खोन्‍कि निनाम्‍हाङ्‌आ मोचिओ अ़चुम़क्‌चिदाङ्‌का झारा अ़चुम़क्‌वाचि म़त़क्‍तुप़चि।”