युहन्‍ना 3:6 - बान्‍तावा राई

⁶ पोक्‌दाङ्‌का लिओ पोक ओ, खोन्‍कि लावादाङ्‌का लिओ लावा ओ।

युहन्‍ना 3:6 ပူးပေါင်းရင်းမြစ်များ

युहन्‍ना 1:13

मोचि ह़लाम्‍पा, पोक मित्‍मालाम्‍पा माङ्‌नालो म़नाओ अ़मिन्‍मालाम्‍पा मुमाय़ङ माआङ, मेन मोचि निनाम्‍हाङ्‌एदाङ्‌का म़लिसाओ।

युहन्‍ना 3:7

अ़ङ्‌का खानानिन अ़ऩङ्‌वा लिमाकि झारा लिमादोत्‍नि लोनानिन्‌ओदा त़दोम्‍तिन्‍दान्‍मिन्‍ने।

रोमि 7:18

अ़ङ्‌का सिन्‍तुङ्‌योङ, अ़ङ्‌काएदा याक्‌याङ्‍ओ हेवामि पोक्‌ओ मित्‍माचिआ दित्‍छाङ नुलोक च़मा ऩप़ऩङ। दि अ़नुवाक मुयाङ, मो मुमामिन्‍मा अ़ङ्‌काएदा याक्‌याङ, मेन मो मुमा अ़ङ्‌का अ़ऱऩङ।

रोमि 7:25

निनाम्‍हाङ आलाङ्‌ने! आन्‍हाङ्‌पा येसु ख्रिस्‍तलाम्‍पा खोक्‍कोसाआ अ़ङ्‌का ऩलेन्‍ङा! खोन्‌ओसा, आप्‍पि अ़ङ्‌मिन्‍माआ अ़नुछ्‍याङा निनाम्‍हाङ्‌ओ अ़चुय़ङ्‌हुप्‌वात्‍नि मुमा स़ङा, मेन पोक्‌दा अ़ङ्‌का हेवाओ अ़य़ङ्‌हुप्‌ओ अ़हारुक मुङाङा।

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

१ कोरिन्‍थि 6:17

मेन हाङ्‌पाएनान कातोङ म़ना खोक्‍कोएनान लावादा अ़क्‌तात लिचि।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

एफिसि 2:3

अ़नुछ्‍या झारा आन्‍कान्‌छाङ मोचिओ अ़चुरादा अ़क्‍दु आन्‍पोक्‌ओ हेवामि च़माथाङ्‌मा च़क्‍ख़य़चिदा आन्‍ऩङानुवाङा, खोन्‍कि आप्‍पि आन्‍मित्‍माचि खोन्‍कि मिन्‍माचिवात्‍नि च़न्‌येन। नि म़नाचिवात्‍नि आन्‍कान च़माथाङ्‌माआ हेवामि लिसिन्‌ओसा आन्‍कान निनाम्‍हाङ्‌ओ अ़चुलोमा मान्‍काङ्‌दान्‌येन।

कलस्‍सि 2:11

खानानिन ख्रिस्‍तदा तामाङा सिप्‍मायाम्‍बुन पाक्‍तिन्‌वाको ओ। म़नाओ अ़छुक्‌आ पाक्‍माय़ङ सिप्‍मायाम्‍बुन माआङ, मेन ख्रिस्‍तआ पाक्‍माय़ङ सिप्‍मायाम्‍बुन्‌आ हेवा मुमा सावादाङ्‌का म़फोङ।

१ युहन्‍ना 3:9

झारा निनाम्‍हाङ्‌दाङ्‌का म़लिसाओचिआ हेवा ऩमुनिन्‌युङ्‌निन, देकिनालो खोक्‍कोएदा निनाम्‍हाङ्‌ओ अ़चुच़माथाङ्‌मा याक, खोन्‍कि खो हेवा मुमायुङ्‌माङा अ़ऱनिन, देकिनालो खो निनाम्‍हाङ्‌एदाङ्‌का लिसाओ।