युहन्‍ना 3:34 - बान्‍तावा राई

³⁴ देकिनालो साङ निनाम्‍हाङ्‌आ अ़छुत्‍तायुङ्‌सा, निनाम्‍हाङ्‌ओ अ़चुय़ङ मोसाआ चेउ, देकिनालो निनाम्‍हाङ्‌आ च़लोक सेङ्‌लावा अ़प़।

युहन्‍ना 3:34 ပူးပေါင်းရင်းမြစ်များ

मत्‍ति 12:18

“खानुम, अ़ङ्‌काफा अ़ङ्‌का छेन्‍तुङ्‌युङ्‌सुङ। खो अ़ङ्‌का सोमातुक्‍तुङ्‌ओ, खोन्‍कि खोएदा अ़ङ्‌ऩङानुवायुङ्‌सा। अ़ङ्‌का खोएदा अ़ङ्‌लावा पाक्‍तुङ्‌प़ङ, खोन्‍कि खोसाआ रावा-रावाओ म़नाचि तोङ्‌लो छ़ङ्‌छेन्‍माय़ङ खाम़एत्‍तुचि।

लुका 4:18

“हाङ्‌पाओ सेङ्‌लावा अ़ङ्‌काएदा याक्‌याङ। देकिनालो मान्‍तोक्‍कादाचि नुय़ङ्‌खान खाएत्‌सि अ़ङ्‌का ऩछेन्‍ताङ्‌युङ्‌साङ। म़छेक्‌याङ्‍ओचि लेत्‍लोइसि, दोप्‍म़क्‌चि खाकाखाङ मुसि, तिम्‍माछ़न्‍मादा म़छुक्‍ताओचि फोङ्‌लोइसि,

युहन्‍ना 1:16

खोक्‍को अ़चुसोम्‍तुक्‍माआ खोन्‍कि अ़चुओ अ़छ़ङ्‌आ भेप्‍तुओसा आन्‍कान झारा अ़क्‌तात सोम्‍तुक्‍मादाङ्‌का नि सोम्‍तुक्‍मा तोक्‍तुम्‌युङ्‌सुम।

युहन्‍ना 15:26

अ़ङ्‌का खानानिन्‌एदा यायोक काप़ तासुङ। खोक्‍को अ़छ़ङ्‌ओ लावा म़मुयाङ। खोक्‍को अ़ङ्‌पापादाङ्‌का खानानिन्‌एदा म़ताकि अ़ङ्‌तुक्‌वादा सालुम्‍स़ङ ऩप़न।

युहन्‍ना 16:7

खोन्‍नुछाङ अ़ङ्‌का खानानिन अ़नुछ्‍या लोनानिन, अ़ङ्‌का खात्‍ङाकिना खानानिन नुलोक त़लिसिन। देकिनालो अ़ङ्‌का अ़खात्‍ऩङ्‌नालो यायोक काप़ खानानिन्‌एदा ऩय़निन। मेन अ़ङ्‌का खात्‍ङानालो अ़ङ्‌का खोक्‍को खानानिन्‌एदा छुत्‍तुङ।

युहन्‍ना 3:17

निनाम्‍हाङ्‌आ हेन्‍खामा लाहि पाक्‍माओ निम्‍पाङ अ़चुछा हेन्‍खामादा मान्‌य़अ़दा, मेन हेन्‍खामा खोक्‍कोलाम्‍पा लेन्‍ने निकिना अ़य़सा।

युहन्‍ना 5:26

देत्‍नि पापा आप्‍पिएदा ह़ङ्‌म़ङ प़मा सावा याक्‌याङ, मोवात्‍निङा खोक्‍कोसाआ अ़चुछाछाङ अ़धुन्‌ओ ह़ङ्‌म़ङ प़माओ सावा अ़पुवायुङ्‌सा।

युहन्‍ना 7:16

खोन्‍किना येसुआ मोचि म़लासुलोचि, “अ़ङ्‌चिन्‍माय़ङ अ़ङ्‌को माआङ, मेन अ़ङ्‌का काछुत निनाम्‍हाङ्‌दाङ्‌का ता।

युहन्‍ना 8:40

अ़ङ्‌का निनाम्‍हाङ्‌दाङ्‌का एनुङ्‌ओ अ़छ़ङ खानानिन लोनायुङ्‌नानिन, मेन ओन्‍ग़रि अ़ङ्‌का सेत्‍मा त़लाप्‍ङाङाऩङ। अब्राहाम ओवाको काचि मान्‍मु।

युहन्‍ना 8:47

साङ निनाम्‍हाङ्‌ओ ओ, मोसाआ निनाम्‍हाङ्‌ओ अ़चुय़ङ एनु। खानानिन निनाम्‍हाङ्‌ओ माआङ, खोन्‌ओसा खानानिन खोक्‍कोसोओ अ़चुय़ङ त़एनिमिन।”

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

कलस्‍सि 1:19

देकिनालो निनाम्‍हाङ्‌ओ झारा अ़चुयाक्‍मा ख्रिस्‍तदा याक्‌याङ, खोन्‍कि मो निनाम्‍हाङ्‌ओ अ़चुमिन्‍मावा मुयाङ।

कलस्‍सि 2:9

देकिनालो निनाम्‍हाङ्‌ओ अ़चुयाक्‍मा झारा ख्रिस्‍तओ अ़चुपोक्‌दा म़याक्‌याङ,

खाङ्‌मुमा 21:6

खोक्‍कोसाआ अ़ङ्‌का ऩलोवाङ, “हान चिआ। अ़ङ्‌का अल्‍फा खोन्‍कि ओमेगा ओ, अ़पुङ्‌चिपुक खोन्‍कि अ़लुक्‍मा अ़ङ्‌काङा ओ। वामित्‍मा कास़चि ह़ङ्‌म़ङ्‌ओ चाक्‌वा लित्‍खादाङ्‌का अ़ङ्‌का मोहाङा ओ प़ङ्‌च़ङ।

खाङ्‌मुमा 22:1

खोन्‍किना निनाम्‍हाङ काफाआ अ़ङ्‌का फत्‍किरिवाको छोक्‍छोक्‍छोक्‌वाओ ह़ङ्‌म़ङ काप़ चाक्‌वाओ याङ्‌वामा खाङ्‌अ़मेत्‍ताङ। मो याङ्‌वामा निनाम्‍हाङ्‌ओ खोन्‍कि थुबाछाओ हाङ्‌युङ्‌खादाङ्‌का लोन्‍ताकि