युहन्‍ना 3:32 - बान्‍तावा राई

³² खोक्‍कोसाआ अ़खाओ, खोन्‍कि अ़एनायुङ्‌साओ, मोसोओ अ़सालुम्‍स़ङ खोक्‍कोसाआ अ़प़, मेन खोक्‍कोसोओ अ़सालुम्‍स़ङ साङ्‌आछाङ अ़लोउन।

युहन्‍ना 3:32 ပူးပေါင်းရင်းမြစ်များ

मत्‍ति 7:8

देकिनालो साङ्‌आ दोरु, मोसाआ तोक्‍तु, खोन्‍कि साङ्‌आ लामु, मोसाआ धिरु, साङ्‌आ मोउ, खोन्‍कि मोसोओ निम्‍पाङ लाप्‍तिखोप होत।

युहन्‍ना 1:11

खोक्‍को आप्‍पिओ अ़चुम़नाचिएदा म़ता, मेन खोक्‍कोसोओ अ़चुओ म़नाचिआङा खोक्‍को मान्‍लोक्‌अ़दा।

युहन्‍ना 15:15

हान्‌दाङ्‌का अ़ङ्‌का खानानिन हारुक्‌चिनि अ़लोनानिमिन, देकिनालो मोसोओ अ़हाङ्‌पा दे च़मा मुयाङ, अ़हारुक्‌आ अ़सिन्‍तुन। मेन अ़ङ्‌का खानानिन यावाचिनि लोनानिन, देकिनालो दि अ़ङ्‌का अ़ङ्‌पापाएदाङ्‌का एनुङ, अ़ङ्‌का मो झारा खानानिन खाएत्‍नायुङ्‌नानिन।

युहन्‍ना 18:37

पिलातस्‌आ खोक्‍को सेनु, “दि खाना हाङ्‌ङा ओ म़ल़क?” येसुआ लासुलो, “खानानिन्‌ङा खोवात्‍नि त़य़ङिन्‌युङ्‌सिन म़ल़क। ओसोओ निम्‍पाङ अ़ङ्‌का लिसाङ ओ, खोन्‍कि ओ अ़छ़ङ य़ङ्‍ओ निकिना सालुम्‍स़ङ प़सि अ़ङ्‌का ओ हेन्‍खामादा ताङ्‌ओ। झारा साङ्‌आ अ़छ़ङ य़ङ त़ङ्‌तु, मोसाआ अ़ङ्‌य़ङ एनु।”

युहन्‍ना 3:11

अ़ङ्‌का खाना लोना, आन्‍कान्‍का दि लेसुम्‌योम्‍का, मोङा आन्‍कान्‍का य़ङिन्‍का, खोन्‍कि आन्‍कान्‍का दि खाम्‌युङ्‌सुम्‍का मोसोओ अ़सालुम्‍स़ङ आन्‍कान्‍का प़म्‍का, खोन्‍नुछाङ खानानिन आन्‍काओ सालुम्‍स़ङ त़लोइमिन।

युहन्‍ना 3:26

खोन्‌ओसा युहन्‍नाएदा म़ताकि मोचिआ खो अ़लोवा, “काचिन्‍पो, यर्दन अ़ह्‍याउधेत्‌या मो खानानिन्‌एनान म़युङाङाओ, खोक्‍कोसोओ अ़तुक्‌वादा खानानिन्‌आ सालुम्‍स़ङ त़प़म, खानुम, खोक्‍कोसाआ बप्‍तिस्‍मा म़प़ङुचि खोन्‍कि झारा खोक्‍कोएदा म़खात्‌याङ।”

युहन्‍ना 3:33

साङ्‌आ खोक्‍कोसोओ अ़सालुम्‍स़ङ लोउयुङ्‌सु, मोसाआ निनाम्‍हाङ अ़छ़ङ म़मुयाङ्‌निओ य़ङ अ़छ़ङ खाङ्‌मुसु।

युहन्‍ना 5:20

देकिनालो अ़चुपाआ अ़चुछा सोमाअ़तुक, खोन्‍कि खोक्‍कोसाआ आप्‍पि अ़मुओ झारा अ़चुकाचि अ़चुछा खाङ्‌अ़मेत। ओदाङ्‌का तोक्‍पो काचिचि खोक्‍कोसाआ अ़चुछा खाङ्‌अ़मेत, खोन्‍किना खानानिन त़दोम्‍तिन्‍दान।

युहन्‍ना 8:26

अ़ङ्‌का आम्‍नुओ तुक्‌वादा य़ङ्‌मा खोन्‍कि छ़ङ्‌छेन्‍मा ब़द्‍धे युङ्‌याङ। मेन अ़ङ्‌का काछुत्‌लाम्‍पा अ़ङ्‌का दि एनुङ, मो य़ङ ओन्‍ङा अ़ङ्‌का हेन्‍खामादा य़ङ्‌ङा। देकिनालो खोक्‍को अ़छ़ङ म़मुयाङ।”