युहन्‍ना 3:21 - बान्‍तावा राई

²¹ मेन साङ तोङ्‌लो च़, मो म़ना साम्‌दा ता, खोन्‍किना मोसाआ मुओ काचिचि निनाम्‍हाङ्‌लाम्‍पा मुवाओ निकिना झारासाआ नुलोक अ़खाङ।”

युहन्‍ना 3:21 ပူးပေါင်းရင်းမြစ်များ

युहन्‍ना 1:47

येसुआ नथानेल खोएदात्‍नि बानाङाओ अ़खाकि मोसोओ अ़तुक्‌वादा म़य़ङा, “अ़क्‍छा अ़नुछ्‍याओ इस्राएलि खानुम, मोएदा दित्‍छाङ म़प्‍मा मात्‍द़ङ।”

युहन्‍ना 3:20

अ़त्‍लो काचि कामु झारासाआ साम ऩङाअ़छित, खोन्‍कि साम्‌दा ऩतानिन, देकिनालो मोचिओ अ़चुअ़अ़त्‍पा काचिचि म़नाचिआ ऩखान्‍चिन्‍ने।

युहन्‍ना 5:39

खानानिन साम्‍कालिन्‌दा त़लामुम्‌योम, देकिनालो मोदा अ़लुक्‍निन्‌ओ ह़ङ्‌म़ङ तोक्‍तुम्‌नि खानानिन त़मिनिन। अ़ङ्‌तुक्‌वादा सालुम्‍स़ङ काप़ मो साम्‍कालिन्‌ङा ओ!

युहन्‍ना 7:17

खाक्‍को म़नाआ निनाम्‍हाङ्‌ओ अ़चुमिन्‍मावा च़मानि मिन्‌नालो अ़ङ्‌चिन्‍माय़ङ निनाम्‍हाङ्‌दाङ्‌काओ हे, अ़ङ्‌को आप्‍पिओ अ़ङ्‌पाङ्‌दाङ्‌का ओ, मो खोसाआ सिन्‍तु।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

गलाति 6:8

साङ्‌आ अ़हेवामि च़माथाङ्‌मा अ़ऩङानुमाओ निम्‍पाङ लित्‍तु, मोसाआ अ़हेवामि च़माथाङ्‌मादाङ्‌काङा लुक्‍माखात्‍माओ अ़सिवा कोउ। मेन साङ्‌आ सेङ्‌लावाओ निम्‍पाङ लित्‍तु, मोसाआ सेङ्‌लावालाम्‍पाङा अ़लुक्‍निन्‌ओ ह़ङ्‌म़ङ कोउ।

एफिसि 5:9

देकिनालो झारा अ़नुवाक य़ङ, साम्‌योक्‍मि खोन्‍कि अ़छ़ङ्‌दा साम्‌ओ अ़सिवा तोक्‍तुम।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

फिलिप्‍पि 2:13

देकिनालो खानानिन्‌एदा निनाम्‍हाङ आप्‍पि काचि म़मुयाङ। खोक्‍कोसाआ खानानिन अ़चुओ अ़नुवाक मित्‍चिऩङ तामालामा मिन्‍मा खोन्‍कि सावा ऩप़न।

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ युहन्‍ना 1:6

आन्‍कान खोक्‍कोसोओ अ़चुयावायोक्‌दा युङिन्‌येन्‌नि य़ङिन, मेन कुन्‌यामादाङा युङिन्‌युङ्‌सिन्‌नालो ना आन्‍कान सोज्‍जेओ चेविन, खोन्‍कि अ़छ़ङ य़ङ्‌वात्‍नि अ़कोलिमिन।

३ युहन्‍ना 1:11

सोमातुक्‍नाङ्‌नाओ यावा, अ़अ़त्‍पा य़ङ मान्‍खेङ्‌दो, मेन अ़नुवाक य़ङ ओन्‍ङा खेङ्‌सु। साङ नुलोक च़, मो निनाम्‍हाङ्‌दाङ्‌का ओ, साङ अ़त्‍लो च़, मोसाआ निनाम्‍हाङ मान्‍सिन्‌युक्‍तु।

खाङ्‌मुमा 3:15

अ़ङ्‌का आम्‍नुओ काचिचि सिन्‍तुङ्‌योङ्‌च़ङ, खानानिन ना त़केङ्‌सिन्‌येन ना त़कुसिन्‌येन। त़केङ्‌सिन्‌येन्‌ओ माङ्‌लो त़कुसिन्‌येन्‌ओदे नुवाओनि अ़ङ्‌का मिन्‍ङा।