युहन्‍ना 3:19 - बान्‍तावा राई

¹⁹ छ़ङ्‌छेन्‍माआ ओवात्‍नि काचि मु: साम हेन्‍खामादा तायुङ्‌सा, मेन म़नाचिआ साम्‌दाङ्‌का च़लोक कुइयामा ऩङाअ़नुसा, देकिनालो मोचिओ अ़चुकाचिचि अ़अ़त्‍पा म़मुवाङा।

युहन्‍ना 3:19 ပူးပေါင်းရင်းမြစ်များ

लुका 12:47

खोन्‍कि अ़हाङ्‌पाओ अ़मिन्‍मा सिन्‍तुकिछाङ मान्‍चुम्‍दान्‍चिन्‌ओ माङ्‌नालो अ़हाङ्‌पाओ अ़मिन्‍मावात्‍नि मान्‍च़कादा अ़हारुक्‌आ च़लोक य़हुप धिरु।

लुका 16:14

ओ झारा य़ङ्‌चि म़एनुचिकि फरिसिचिआ येसु अ़सुङ्‌ता। देकिनालो मोचि छेन्‍बि च़क्‍ख़य़ कामु म़याआङा।

युहन्‍ना 1:4

खोक्‍कोएदा ह़ङ्‌म़ङ याआङा, खोन्‍कि खोक्‍कोसोओ अ़चुह़ङ्‌म़ङ्‌आ झारा म़नाचि साम्‌दा तारुचि।

युहन्‍ना 1:5

मो साम कुइयामादा लेत, खोन्‍कि कुइयामा मोएदा मान्‍छोयुक।

युहन्‍ना 12:31

हान ओ हेन्‍खामाओ अ़छ़ङ छेन। ओ हेन्‍खामादा हाङ काचि कामु सैताना बुङ्‌खाया लोन्‍खान।

युहन्‍ना 12:43

देकिनालो निनाम्‍हाङ्‌आ प़माय़ङ सायादाङ्‌का म़नाचिआ प़माय़ङ साया तोक्‍मा मोचिओ च़लोक अ़चुऩङा नुवाङा।

युहन्‍ना 12:46

अ़ङ्‌का हेन्‍खामादा साम्‌वात्‍नि ताङ्‌युङ्‌साङ, खोन्‌ओसा अ़ङ्‌काएदा साकोङ्‌छ़ङ कामु कुइयामादा अ़युङ्‌निन्‍ने।

युहन्‍ना 5:44

खानानिन अ़क्‍छा निएदाङ्‌का साऩङ्‌वा तोक्‍मा त़लामिन, मेन अ़क्‍छा ओन्‍ङा निनाम्‍हाङ्‌एदाङ्‌काओ साऩङ्‌वा तोक्‍मा त़लामिमिन्‌नालो देत्‍नि अ़ङ्‌का साकोङ्‌छ़ङ मुमा त़ऱनि?

युहन्‍ना 7:17

खाक्‍को म़नाआ निनाम्‍हाङ्‌ओ अ़चुमिन्‍मावा च़मानि मिन्‌नालो अ़ङ्‌चिन्‍माय़ङ निनाम्‍हाङ्‌दाङ्‌काओ हे, अ़ङ्‌को आप्‍पिओ अ़ङ्‌पाङ्‌दाङ्‌का ओ, मो खोसाआ सिन्‍तु।

युहन्‍ना 7:7

हेन्‍खामाआ खानानिन ऩङात़छिरिमिन, मेन अ़ङ्‌का ना ऩङाअ़छित्‍ङा। देकिनालो हेन्‍खामाओ काचिचि अ़अ़त्‍पा म़मुयाङ निकिना अ़ङ्‌का सालुम्‍स़ङ प़ङ।

युहन्‍ना 8:12

येसुआ म़नाचि म़लासुलोचि, “अ़ङ्‌का हेन्‍खामादाओ साम ओ। अ़ङ्‌का कात़ङ कुइयामादा देम्‍खाछाङ अ़कोन्‍निन, मेन मोसाआ ह़ङ्‌म़ङ काप़ साम तोक्‍तु।”

युहन्‍ना 9:5

अ़ङ्‌का हेन्‍खामादा युङ्‌ङातारि अ़ङ्‌का हेन्‍खामादाओ साम ओ।”

रोमि 1:32

ओवाको काचि कामुचि स़मा खान्‍तुचि निकिना निनाम्‍हाङ्‌ओ अ़चुसाम्‌योक्‍मि य़ङ्‌हुप मोचिआ अ़सिन्‌याङ। खोन्‍नुछाङ, मोचिआ ओ काचिचि मुमा ओन्‍ङा माआङ, मेन मोवाको काचिचि मुमा राक नि म़नाचिछाङ म़प़चि।

रोमि 2:8

मेन आप्‍पि खाङ्‌मान्‍चिन मिन्‍मा म़मुयाङ्‍ओचि, अ़छ़ङ य़ङ मान्‍काङ्‌कादा खोन्‍कि अ़अ़त्‍पादा काकोन्‍चिएदा अ़चुच़ऱपा खोन्‍कि अ़चुमाइसुङ छुक।

२ थेसलोनिकि 2:12

खोन्‌ओसा अ़छ़ङ य़ङ्‌दा साकोङ्‌छ़ङ मान्‍मुमाङ मान्‍साम्‌योक्‍मिदा सेवाङ्‌नि कालि झाराकापाङ ह़त्‍मादा म़छुक।

१ पत्रुस 2:8

खोन्‍कि, “मोक्‍को अ़क्‍ताक लुङ्‌ताक्‌आङा म़नाचि धुङ्‌म़मेत्‍तुचि, खोन्‍कि मोक्‍को लुङ्‌छ़ङ्‌आङा म़नाचि काधाम म़मुचि।” देकिनालो मोचि निनाम्‍हाङ्‌ओ अ़चुय़ङ ऩङाअ़छित, मोचिओ निकि ओवात्‍नि लिमाङा निनाम्‍हाङ्‌ओ अ़चुमिन्‍मा याआङा।

२ पत्रुस 3:3

झारादाङ्‌का बुया खानानिन्‌आ ओ तुप्‍माङादोत, आदेङ्‌ओ लेन कासुङ्‌चि सुङ्‌याङ्‌सा मोचिओ अ़चुअ़त्‍लो मित्‍मादा म़ता।