युहन्ना 3:16 - बान्तावा राई16 निनाम्हाङ्आ हेन्खामा ओवात्नि सोमाअ़तुक्ता, खोक्कोसाआ आप्पिओ अ़क्छा ओन्ङा ओ अ़चुछा म़पुवा, खोन्कि खोक्कोएदा साकोङ्छ़ङ कामु साङ्छाङ अ़स़निन्ने, मेन मोसाआ अ़लुक्निन्ओ ह़ङ्म़ङ तोक्तुने। အခန်းကိုကြည့်ပါ။ |
युहन्ना 3:16
28 ပူးပေါင်းရင်းမြစ်များ
मो य़ङ पोक लिसाकि आन्रादा म़याआ। युहन्नाआ खोक्कोसोओ अ़चुतुक्वादा सालुम्स़ङ प़याङ्सा म़लोचि, “साङ्कोओ अ़चुतुक्वादा अ़ङ्का खानानिन लोनानिन, खोक्को ओङा ओ, अ़ङ्कादाङ्का आदेङ म़ताओ तोक्पो म़मुयाङ, देकिनालो खोक्को अ़ङ्कादाङ्का बुयाङा म़युङाङा।” आन्कान्का खोक्कोसोओ अ़चुसाम खाम्युङ्सुम्का। खोक्को निनाम्हाङ पापाओ अ़क्छा ओन्ङा अ़चुछा खान्तुलो तोक्पो म़मुवाङा। मो य़ङ सोम्तुक्मायु खोन्कि अ़छ़ङ्आ भेप्तुओ म़मुवाङा।
मेन आन्कालेन्पा निनाम्हाङ्आ खोक्कोसोओ अ़चुनुलोक मुमा खोन्कि म़नाचिदात्निओ अ़चुसोम्तुक्मा आन्कान खाङ्म़मेत्ताकि खोक्कोसाआ आन्कान म़लेइसा। आन्कान आप्पि अ़नुवाक काचि मुम्ओसा खोक्कोसाआ आन्कान म़लेइसाओ ना माआङ, मेन खोक्कोसाआ आन्कान सोमाम़तुक्ताकि आन्हेवा वाम़स़त्तापुवाकि अ़ऩङ्वा ह़ङ्म़ङ म़पुवा खोन्कि निनाम्हाङ्ओ अ़चुलावालाम्पा आन्कान अ़ऩङ्वा म़मुवा।
मेन आन्कान येसु खाम। खोक्को अ़क्दुओ निम्पाङ निनाम्हाङ काफाचिदाङ्का अ़क्चित ह्युना अ़युङ्साकि निनाम्हाङ्ओ अ़चुसोम्तुक्माआ झारा म़नाचिओ निम्पाङ खोक्को स़मादोरा। मोवात्निङा खोक्कोसाआ आन्को निम्पाङ स़माओ अ़चाअ़त्मा अ़आङ्ता। खोन्ओसा खोक्को साम खोन्कि साऩङ्वाओ ताङ्बोप्खाआ अ़बोप्तायुङ्सा।
ओ य़ङ्चिओ साकोङ्छ़ङ मुमा खान्तुओ सालुम्स़ङ खोन्कि म़सुवादाओचिदाङ्का बुदा म़खोन्तालोन्ताओ खोन्कि हेन्खामादाओ झारा हाङ्चिएदा हाङ्काचि कामु येसु ख्रिस्तलाम्पाछाङ खानानिन सोमातुक्मा खोन्कि सेवाङ्नि। खोक्कोसाआ आन्कान सोमाम़तुक, खोन्कि खोक्कोसोओ अ़चुस़मा हेन्खोक्वाआ आन्कान आन्हेवादाङ्का म़फोङ्सायुङ्सा।
ကြော်ငြာတွေ