युहन्‍ना 3:10 - बान्‍तावा राई

¹⁰ येसुआ मो अ़लासालोवा, “खाना इस्राएल्‌दाओ काचिन्‍पा ओ, खोन्‍नुछाङ ओ य़ङ्‌चि त़तुप्‍तुन्‍चिन?

युहन्‍ना 3:10 ပူးပေါင်းရင်းမြစ်များ

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 15:14

मोचि मान्‍नेत्‌दानुम्‍च़म। मोचि ना दोप्‍म़क बुसुवाचि ओ। अ़क्‍छा दोप्‍म़क्‌आ दोप्‍म़क म़ना तित्‍तुनालो खोचि ह़वाङ्‌माङ होक्‍लुम्‌दा वाङ्‌चि।”

मत्‍ति 22:29

येसुआ मोचि म़लासुलोचि, “खानानिन त़फेलिन्‌युङ्‌सिन, देकिनालो खानानिन्‌आ ना साम्‍कालिन ना निनाम्‍हाङ्‌ओ अ़चुसावा त़सिन्‍तुम।

लुका 2:46

यरुसलेम्‌दाङ्‌का म़लोन्‍ताओ सुम्‌कालेन्‌दा खोचिआ अ़चुछा निनाम्‍हाङ ब़क्‍खाखिम्‌ओ अ़बुक्‍लुङ्‌दा अ़धिराचु। खोक्‍को साम्‌योक काचिन्‍पाचिएनान म़युङाङा। खोक्‍को मोचिओ अ़चुय़ङ एन्‌याङ्‌सा खोन्‍कि सेन्‌याङ्‌सा म़युङाङा।

लुका 5:17

अ़क्‌लेन येसुआ म़नाचि म़चिन्‍तुङुचिहिदा अ़क्‍चित फरिसिचि खोन्‍कि य़ङ्‌हुप काचिन्‍पाचि येसुओ अ़चुच़क्‌दा म़युङाङा। मोचि गालिल खोन्‍कि यहुदिया धिखाहुप्‌दाओ झारा तेन्‍चिदाङ्‌का खोन्‍कि यरुसलेम सहरादाङ्‌का म़तायुङ्‌सा। येसुएदा कातुक्‌चि नुमा निनाम्‍हाङ्‌ओ अ़चुसावा याआङा।

युहन्‍ना 3:9

निकोदेमस्‌आ खोक्‍को अ़सेना, “ओ देत्‍नि लिमा ऱ?”

छाम्‍माय़ङ 5:34

मेन झारा म़नाचिआ ब़द्‍धे साया अ़मेत्‍ताओ य़ङ्‌हुप काचिन्‍पा गमलिएल अ़ऩङ मुवाङाओ अ़क्‍छा फरिसि धियायोक्‍खादा पुवालोन्‍ताकि छाम्‍माय़ङ्‌चि धियायोक्‍खादाङ्‌का अ़क्‌दुओ निकि बुङ्‌खाह्‍यात्‍नि रात्‍खामिचि खात्‍मेत्‍तुचि।

रोमि 2:28

देकिनालो अ़क्‍छा बुङ्‌खालिप्‍पा ओन्‍ङा यहुदि कालि अ़नुछ्‍या निनाम्‍हाङ कात़ङ यहुदि माआङ, मोवात्‍निङा अ़नुछ्‍याओ सिप्‍मायाम्‍बुन्‌छाङ बुङ्‌खालिप्‍पाओ खोन्‍कि पोक्‌ओ माआङ,

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

कलस्‍सि 2:11

खानानिन ख्रिस्‍तदा तामाङा सिप्‍मायाम्‍बुन पाक्‍तिन्‌वाको ओ। म़नाओ अ़छुक्‌आ पाक्‍माय़ङ सिप्‍मायाम्‍बुन माआङ, मेन ख्रिस्‍तआ पाक्‍माय़ङ सिप्‍मायाम्‍बुन्‌आ हेवा मुमा सावादाङ्‌का म़फोङ।