युहन्‍ना 21:7 - बान्‍तावा राई

⁷ येसुआ सोमाअ़तुक्‍ताओ काखेङ्‌पाआ पत्रुस लो, “खोक्‍को ना हाङ्‌पा ओ!” “खोक्‍को ना हाङ्‌पा”निओ य़ङ एनुकि सिमोन पत्रुस्‌आ बुङ्‌खालिप्‍पाओ अ़तित अ़छुमाय़क्‌दा छ़सु, देकिनालो खोसाआ अ़तित काचि मुमाओ निम्‍पाङ हुरुयुङ्‌सु, खोन्‍कि धियाङ्‌वामादा छुक्‍तादिसाकि अ़केम्‌या लोन्‍ता।

युहन्‍ना 21:7 ပူးပေါင်းရင်းမြစ်များ

मर्कुस 11:3

खा-खाक्‍कोसाआ खानाचि ‘ओ दे त़मुचुङ्‌चुओ?’नि त़सेन्‍चिनालो ‘हाङ्‌पा ओ दोत्‌याङ खोन्‍कि खोक्‍कोसाआ च़क्‍निङा ओ ओदा ऩलासिन्‍छोक्‍तिन’नि लोवाचु।”

लुका 12:35

हारुक्‌चि चुम्‍सिन्‌युङ्‌सिन्‍चिन्‌वा आम्‍नुओ छुमाय़क्‌दा छिप्‍माय़ङ छिआनुम खोन्‍कि आम्‍नुओ खाउप्‍खाचि लेइसायुङ्‌सानुम्‍च़म।

लुका 2:11

आय़ दाउद्‌ओ अ़तेन्‌दा कालेन्‍पा आम्‍नुओ निकि म़पुक्‍तान्‌युङ्‌सान्‍चिन। खो ख्रिस्‍त हाङ्‌पा म़युङ्‌याङ।

लुका 7:47

खोन्‌ओसा अ़ङ्‌का खाना लोना, ओसोओ ब़द्‍धे अ़हेवाचि लेत्‍तुङ्‌युङ्‌सुङ्‌निओ य़ङ ओसाआ अ़ङ्‌का ब़द्‍धे सोमाअ़तुक्‍ताङ्‌निओ य़ङ्‌आ खाङ्‌मुसु। मेन साङ्‌को उन्‍नि अ़हेवा लेत्‍तुङ, मोसाआ उन्‍नि ओन्‍ङा अ़ङ्‌का सोमाअ़तुक्‍ङा।”

युहन्‍ना 13:23

खोक्‍कोसोओ अ़चुकाखेङ्‌पाचिएदाओ येसुआ सोमाअ़तुक्‍ताओ अ़चुकाखेङ्‌पा खोक्‍कोसोओ अ़चुकोङ्‌कोम्‌दा नालान्‍चिन्‌कि युङाङा।

युहन्‍ना 19:26

खोन्‍कि येसुआ अ़चुमा खोन्‍कि खोक्‍कोसाआ सोमाअ़तुक्‍ताङाओ अ़चुकाखेङ्‌पा अ़चुच़क्‌दा म़एवाङाओ अ़खाकि खोक्‍कोसाआ अ़चुमा अ़लोवा, “आमो, खा-खानुम, आम्‍नुओ छा!”

युहन्‍ना 20:2

खोन्‌ओसा मो सिमोन पत्रुस खोन्‍कि येसुआ सोमाअ़तुक्‍ताङाओ नि काखेङ्‌पाएदा लोराखाराकि मोचि लोचि, “मोचिआ हाङ्‌पा एप्‍मादाङ्‌का अ़लाराखात्‍ताकि खोक्‍को खादा अ़युङ्‌सा, मो आन्‍कान्‍का अ़सिन्‍तिमिन्‍का!”

युहन्‍ना 20:20

खोवात्‍नि म़य़ङाचिआकि खोक्‍कोसाआ मोचि अ़चुछुक खोन्‍कि अ़चुहेबेक्‌छाङ खाङ्‌म़मेत्‍तुचि। खोन्‍किना हाङ्‌पा अ़खाकि अ़चुकाखेङ्‌पाचि अ़न्‍नुनु अ़चुऩङानुवा।

युहन्‍ना 20:28

थोमाआ खोक्‍को लो, “अ़ङ्‌हाङ्‌पो, खोन्‍कि अ़ङ्‌निनाम्‍हाङ!”

युहन्‍ना 21:20

पत्रुस अ़देङ्‌ह्‍यात्‍नि हुसान्‍चिन्‌कि चोउहिदा येसुआ सोमाअ़तुक्‍ताओ अ़चुकाखेङ्‌पा खोचिओ अ़चुदेङ-देङ बानाङाओ खा। खोसाआङा अ़नाम्‍प़क्‌ओ चा-चामा ग़रिदा खोक्‍कोसोओ अ़चुकोङ्‌कोम्‌दा नालान्‍चिन्‌कि, “हाङ्‌पो, खानानिन कालाप्‍प़पा साङ ओ?”नि सेनुओ।

युहन्‍ना 21:24

ओ मो काखेङ्‌पाङा ओ, खोसाआ ओ य़ङ्‌चिओ अ़तुक्‌वादा सालुम्‍स़ङ प़ङु, खोन्‍कि ओ य़ङ छाप्‍तुयुङ्‌सु, खोन्‍किना आन्‍कान्‍का सिन्‍तुम्‌योम्‍का खोसोओ अ़सालुम्‍स़ङ अ़नुछ्‍या मुयाङ।

युहन्‍ना 21:8

नि काखेङ्‌पाचि नावादाङा म़युङाकि ङाआ भेप्‍तुओ बोप्‍छ़क सात्‌याङ्‌सा म़बाना। मोचि धियाङ्‌वामा केम्‌दाङ्‌का अ़थाया माद़ङ्‌याङ्‌चि, मेन आप्‍फात सये मितरादा म़युङाङा।

छाम्‍माय़ङ 10:36

निनाम्‍हाङ्‌आ इस्राएलि म़नाचि म़हान्‍तुचिओ नुय़ङ्‌खान खानानिन त़सिन्‍तुम्‌योम। खोसाआ येसु ख्रिस्‍तलाम्‍पा खानानिन सेवाङ्‌निओ नुय़ङ्‌खान खाऩएत्‍तिन्‌युङ्‌सिन। खोक्‍कोङा झारासोओ आन्‍हाङ्‌पा ओ।

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

१ कोरिन्‍थि 15:47

बुयाओ म़ना बाखादाङ्‌का अ़मुवाओसा हेन्‍खामादाओ ओ। आदेङ्‌ओ म़ना निनाम्‍मादुङ्‌काओ ओ।

२ कोरिन्‍थि 5:14

ख्रिस्‍तओ अ़चुसोम्‍तुक्‍माआ आन्‍कान्‍का अ़क़म्‍तिन्‍का। आन्‍कान्‍का ओ सिन्‍तुम्‌युङ्‌सुम्‍का। झारासोओ निम्‍पाङ अ़क्‍छा म़सुवा, खोन्‌ओसा, झारा म़सुवायुङ्‌सा।

याकुब 2:1

अ़ङ्‍ब़ब़, नाना खोन्‍कि निछाचि ओ, साम्‍स़रिओ आन्‍हाङ्‌पा येसु ख्रिस्‍तएदा साकोङ्‌छ़ङ कामु त़लिसिन्‌ओसा खानानिन साङ्‌लिप्‍पाछाङ मान्‌वाङ्‌दानिन।