युहन्‍ना 21:17 - बान्‍तावा राई

¹⁷ खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।

युहन्‍ना 21:17 ပူးပေါင်းရင်းမြစ်များ

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

मर्कुस 14:72

खोन्‍कि मोन्‍ग़रिङा ह्‍वादुओदु वापापा ओक्‍ता, खोन्‍किना येसुआ अ़लोवाओ य़ङ पत्रुस्‌आ मित्‍तुतोक्‍तु, “वापापा ह्‍वादुओदु ओक्‍मा बुया खाना अ़ङ्‌का सुम्‌कादुतारि ऩङात़छित्‍ङा।” खोन्‍कि खो घुक्‍स़क्‍नि खावा।

युहन्‍ना 12:8

मान्‍तोक्‍कादाचि ना खानानिन्‌एनान अ़धुन म़युङ्‌युङ, मेन अ़ङ्‌का ना खानानिन्‌एनान अ़धुन अ़युङ्‌ऩङ।”

युहन्‍ना 13:38

खोन्‍किना येसुआ अ़लोवा, “दि खाना अ़ङ्‌को निम्‍पाङ स़मा त़ऱ कि? अ़नुछ्‍या अ़ङ्‌का खाना लोना, वापापा ओक्‍मा बुया खाना अ़ङ्‌का सुम्‌कादु ऩङात़छित्‍ङा।”

युहन्‍ना 14:15

खानानिन्‌आ अ़ङ्‌का सोमात़तुक्‍ङाऩङ्‌नालो अ़ङ्‌लोमाय़ङ्‌चि त़मुम्‍च़म।

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

युहन्‍ना 16:30

हान आन्‍कान्‍का तुप्‍तुम्‍का, खानानिन झारा य़ङ त़सिन्‍तुम्‌योम, खोन्‍किना साङ्‌आछाङ खानानिन सेन्‍मा अ़दोत्‍निन। ओ लाम्‍पाङा खानानिन निनाम्‍हाङ्‌एदाङ्‌का त़तान ओ निकिना आन्‍कान्‍का साकोङ्‌छ़ङ मुन्‍का।”

युहन्‍ना 18:27

खोन्‍कि पत्रुस्‌आ लासुऩङाछिरु। खोन्‍किना मोन्‍ग़रिङा वापापा ओक्‍ता।

युहन्‍ना 18:4

खोन्‍कि खोक्‍कोएदा लिमा मुवाङाओ झारा य़ङ अ़सिन्‍ताकि येसु मोचिओ अ़चुबुदा म़खारा खोन्‍कि म़सेनुचि, “खानानिन्‌आ साङ त़लामुम्‌योम?”

युहन्‍ना 21:18

अ़नुछ्‍या अ़ङ्‌का खाना लोना, खाना सावाछा त़मुवाङाहिदा खाना आप्‍पिआ आम्‍छिप्‍माय़ङ त़छिउङु, खोन्‍कि खादा खात्‍मानि त़मिना त़खाराङा। मेन खाना देम्‍खा खोक्‍पा त़लि, खाना आम्‍छुक त़फेसु खोन्‍कि निचिआ खाना ऩछ़, खोन्‍कि खाना खादा खात्‍मा त़स़नान मोदा ऩखात।”

युहन्‍ना 4:16

येसुआ मो अ़लोवा, “खाराकि आम्‍खिम्‍हाङ्‌पा बुत्‍तुबात्‍तु।”

छाम्‍माय़ङ 1:24

खोन्‍किना मोचि अ़नुवाक म़ना छेन्‍मा निकिना झारा याम़मारा। मोचि म़य़ङा, “हाङ्‌पो, खानानिन झारा म़नाचिओ अ़चुसाकोङ्‌वा त़सिन्‍तुम्‌योम, ओ ह़वाङ्‌दा खाक्‍को खानानिन त़छेन्‍तुम्‌ओ, आन्‍कान्‍का खाङ्‌मेत्‍नि,

छाम्‍माय़ङ 11:10

सुम्‌कादुओदुतारि मोवात्‍निङा लिसा, खोन्‍कि झारा निनाम्‍मादुत्‍नि अ़लासाखात्‍ता।

छाम्‍माय़ङ 15:8

आन्‍साकोङ्‌वादाओ य़ङ कासिन निनाम्‍हाङ्‌आ निरावाचिछाङ आन्‍कान म़पुवावाङा सेङ्‌लावा म़प़चिकि खोक्‍कोसा मोचि म़लोउचिओ काचि खाङ्‌अ़मुसा।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

एफिसि 4:30

खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

१ पत्रुस 1:6

ओन्‍ग़रि थुत्‍मेत्‍लोतारि खानानिन्‌आ अ़खाला-अ़खालाओ चिन्‍माखाङ्‌माचि त़आङ्‌तुम्‍च़म्‌नुछाङ ओ य़ङ्‌चिदा अ़न्‍नुनु ऩङानुसानिन्‍चिन।

२ पत्रुस 3:1

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का आम्‍नुओ निम्‍पाङ ओ ह्‍वातात्‌ओतात छाप्‍लावा छाप्‍तुङ्‌युङ्‌सुङ। ओ ह्‍वातात्‍माङ छाप्‍लावादा अ़ङ्‌का मो य़ङ्‌चि मित्‍मेत्‌याङ्‌सा खानानिन नुलोक मिन्‍मा राक प़नायुङ्‌नानिन।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।

खाङ्‌मुमा 3:19

साङ-साङ सोमातुक्‍तुङ्‌च़ङ, अ़ङ्‌का मोचि रेन्‍तुङ्‌च़ङ, खोन्‍कि दन्‍दा प़ङ्‌च़ङ। खोन्‌ओसा आम्‍नुओ राक पोइसानुम, खोन्‍कि आम्‍नुओ हेवाचिदाङ्‌का लासानिन।