युहन्‍ना 21:15 - बान्‍तावा राई

¹⁵ मोचिआ अ़चाचिआकिना येसुआ सिमोन पत्रुस अ़लोवा, “युहन्‍नाओ अ़छा सिमोन, दि खाना अ़ङ्‌का ओचिदाङ्‌का च़लोक सोमात़तुक्‍ङा?” खोसाआ येसु लो, “उवा हाङ्‌पो, खानानिन त़सिन्‍तुम्‌योम, अ़ङ्‌का खानानिन सोमातुक्‍नानिन्‌ओ।” खोक्‍कोसाआ खो अ़लोवा, “अ़चुप्‍पो अ़ङ्‌भेराचि चान्‍तुचि।”

युहन्‍ना 21:15 ပူးပေါင်းရင်းမြစ်များ

मत्‍ति 10:37

साङ्‌आ अ़ङ्‌कादाङ्‌का च़लोक अ़पा माङ्‌लो अ़मा सोमातुक्‍तु, मो अ़ङ्‌काखेङ लिमा अ़खान्‍तुन। साङ्‌आ अ़ङ्‌काएदाङ्‌का च़लोक अ़दुवाछा छा माङ्‌लो अ़मेत्‍छाछा छा सोमातुक्‍तु, मो अ़ङ्‌काखेङ लिमा अ़खान्‍तुन।

मत्‍ति 16:17

येसुआ खो अ़लासालोवा, “योनाओ अ़छा सिमोन, खाना आसिखा कातोक ओ! देकिनालो म़नादाङ्‌का खाना ओ त़सिन्‍तुओ माआङ, मेन निनाम्‍मादु कायुङ अ़ङ्‌पापाआ खाना खाङ्‌त़मेत्‍ताओ।

मत्‍ति 18:10

चाप्‍चेत्‍तानिन्‍चिन, खानानिन्‌आ ओ अ़चुप्‍पाचिदाङ्‌का अ़क्‍छाछाङ अ़काचि मात्‍द़ङ्‌ओनि मान्‍मित्‌दानुम्‍च़म। देकिनालो अ़ङ्‌का खानानिन लोनानिन, निनाम्‍मादु मोचिओ अ़चुकाफाचि अ़धुन निनाम्‍मादुओ अ़ङ्‌पापाओ अ़चुबुदा म़युङ्‌याङ।

मत्‍ति 26:33

पत्रुस्‌आ येसु अ़लासालोवा, “आम्‍नुओ तुक्‌वाआ झारा देङ म़लानुछाङ अ़ङ्‌का देम्‍खाछाङ अ़लाऩङ।”

मत्‍ति 26:35

पत्रुस्‌आ खोक्‍को अ़लोवा, “अ़ङ्‌का खानानिन्‌एनान स़मादोत्‌नुछाङ अ़ङ्‌का देम्‍खाछाङ खानानिन ऩङाअ़छित्‍नानिमिन।” खोन्‍कि नि झारा अ़चुकाखेङ्‌पाचिआछाङ मोवात्‍निङा अ़लोवा।

मर्कुस 14:29

पत्रुस्‌आ येसु लासुलो, “झारा देङ म़लानुछाङ अ़ङ्‌का देम्‍खाछाङ अ़लाऩङ।”

लुका 12:32

अ़चुप्‍पा रुहुप्‌चिओ, मान्‍क़दानिन! देकिनालो निनाम्‍मादुओ आम्‍नुओ पापाआ खोक्‍कोसोओ अ़चुहाङ्‌होन खानानिन प़मा अ़चुऩङानुवायुङ्‌सा।

लुका 22:32

मेन सिमोन, आम्‍साकोङ्‌छ़ङ अ़मानिन्‍ने निकि यामात्‍नाप़नायुङ्‌ना। खोन्‍कि खाना अ़ङ्‌काएदात्‍नि त़लाकि आम्‍बुवा निछाचि फासुचि।”

युहन्‍ना 1:42

खोन्‍किना खोसाआ येसुएदा सिमोन तारु। येसुआ मो अ़खा खोन्‍कि अ़लोवा, “खाना युहन्‍नाओ अ़छा सिमोन ओ, खाना केफास्‌नि लो।” (ओ पत्रुस्‌ङा ओ, मोसोओ अ़तुप्‌य़ङ लुङ्‌छ़ङ ओ)।

युहन्‍ना 13:37

पत्रुस्‌आ येसु लासुलो, “हाङ्‌पो, अ़ङ्‌का देकिना ओन्‍ग़रि खानानिन त़ङ्‌मा अ़ऱनान्‍निमिन ओ? आम्‍नुओ निम्‍पाङ अ़ङ्‌का स़मा ऱङा।”

युहन्‍ना 16:27

देकिनालो अ़ङ्‌पापा आप्‍पिआ खानानिन सोमाऩतुक्‍तिन, देकिनालो खानानिन्‌आ अ़ङ्‌का सोमा त़तुक्‍ताङ्‌ऩङ, खोन्‍कि अ़ङ्‌का निनाम्‍हाङ्‌दाङ्‌का ताङ्‌ओ निकिना साकोङ्‌छ़ङ त़मुनियुङ्‌नि।

युहन्‍ना 21:12

येसुआ मोचि म़लोचि, “बानानिन्‌कि अ़वाय़ङ्‌ओ चामायु चानुम।” काखेङ्‌पाचिएदाओ खाक्‍कोसाआछाङ “खानानिन साङ ओ?” निकिना सेन्‍मा राक मान्‍मुचि, देकिनालो मोचिआ खोक्‍को हाङ्‌पा ओ निकिना अ़सिन्‍ताङा।

युहन्‍ना 21:7

येसुआ सोमाअ़तुक्‍ताओ काखेङ्‌पाआ पत्रुस लो, “खोक्‍को ना हाङ्‌पा ओ!” “खोक्‍को ना हाङ्‌पा”निओ य़ङ एनुकि सिमोन पत्रुस्‌आ बुङ्‌खालिप्‍पाओ अ़तित अ़छुमाय़क्‌दा छ़सु, देकिनालो खोसाआ अ़तित काचि मुमाओ निम्‍पाङ हुरुयुङ्‌सु, खोन्‍कि धियाङ्‌वामादा छुक्‍तादिसाकि अ़केम्‌या लोन्‍ता।

युहन्‍ना 8:42

येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 20:29

देकिनालो अ़ङ्‌का सिन्‍तुङ्‌योङ, अ़ङ्‌का खात्‍ङालोन्‍ङाकिना खोक्‍लि कुतिवाचिवाको क़माकात्‍तुओ म़नाचि आम्‍नुओ रादा म़ता, खोन्‍कि मोचिआ निनाम्‍हाङ्‌ओ अ़साम्‍भुङ दित्‍छाङ मान्‌युङ्‌माङ लुक्‍मा म़लाप।

रोमि 14:1

साकोङ्‌छ़ङ्‌दा नुलोक मान्‍पोन्‌युक्‌ओ म़ना लोआनुम, खोन्‍कि मोचिओ अ़चुमिन्‍माओ अ़तुक्‌वादा दुम मान्‍तुदानिन।

रोमि 15:1

आन्‍कान साकोङ्‌छ़ङ्‌दा नुलोक पोइन्‌ओचिआ मान्‍पोन्‍म़युक्‌ओ म़नाचि आङ्‌मादोत खोन्‍कि आन्‍कान आप्‍पि ओन्‍ङा ऩङानुमान्‍चिन अ़नुनिन।

१ कोरिन्‍थि 8:11

खोन्‍कि आम्‍खारुआ मो मान्‍ऱकादा साकोङ्‌छ़ङ कामु लुक, मोसोओ निकिनाछाङ ख्रिस्‍त म़सुवाओ।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

एफिसि 6:24

आन्‍हाङ्‌पा येसु ख्रिस्‍त अ़धुन अ़लुक्‍निन्‍लो सोमाकातुक्‌चि झाराएदा सोमातुक्‍मा युङ्‌ने।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

हिब्रु 4:13

निनाम्‍हाङ्‌ओ अ़चुखाङ्‌मादाङ्‌का मुन्‍माय़ङ दित्‍छाङ अ़कुम्‍निन। खोक्‍कोसोओ अ़चुबुदा झारा य़ङ्‌चि ऩदिप्‍निनिन, खोन्‍कि छेङ्‌छेङ्‌छेङ्‌वा म़मुयाङ। आन्‍कान मुम्‌ओ अ़छ़ङ य़ङ खोक्‍को खाएत्‍मादोत।

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

१ पत्रुस 2:2

अ़ऩङ्‌वा म़पुक्‍तान्‍चिन्‌ओ छाचिवात्‍नि अ़च़क़ल़क लावामि ओम्‍पिवा अ़न्‍नुनु मित्‍मा सुवानिन, खोन्‌ओसा खानानिन ओलाम्‍पा लेन्‍मादा पोन्‌याङ्‌सा खात्‍मा त़ऱन्‍ने।

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।