युहन्‍ना 20:19 - बान्‍तावा राई

¹⁹ मो लेन माङ्‌लो साताओ बुयाओ लेन्‌ओ अ़नाम्‍प़क, मोदा यहुदिचिओ अ़चुक़माआ काखेङ्‌पाचि लाप्‍तिखोप्‌चि म़खोप्‍तुचिकि खिम्‍हुत्‌या म़युङाङा, येसु म़ताकि मोचिओ अ़चुरादा म़एवाकि मोचि म़लोचि, “खानानिन सेवाङ्‌नि लिसानिन!”

युहन्‍ना 20:19 ပူးပေါင်းရင်းမြစ်များ

मत्‍ति 10:13

खोन्‍कि मो खिम्‍लुम्‍पाआ साऩङ्‌वा ऩमेत्‍तिन्‌नालो आम्‍नुओ सेवाङ्‌निओ आसिखा मो खिम्‌दा ताने। मेन मोचिआ साऩङ्‌वा ऩमेत्‍तिमिन्‌नालो खानानिन्‌आ त़प़म्‍च़म्‌ओ सेवाङ्‌नि खानानिन्‌एदा लाताने।

मत्‍ति 18:20

देकिनालो खादा ह़वाङ माङ्‌लो सुम्‌कापाङ अ़ङ्‌ऩङ्‌दा म़कोप्‍नान्‍चिन, मोदा मोचिएदा अ़ङ्‌का याक्‍ङा।”

मर्कुस 16:14

आदेङ एघारकापाङ अ़चुकाखेङ्‌पाचि चा चासि म़युङाङाहिदा खोचिएदा येसु खाङ्‌म़मुसान्‍चिन। खोन्‍कि खोचिओ अ़चुसाकोङ्‌छ़ङ मान्‍मुदामा खोन्‍कि अ़चुओ ऱफोक्‌वादा मोचि याम़सान्‍तुचि, देकिनालो खोक्‍को म़खोन्‍तालोन्‍ताओ काखाङ्‌चिओ अ़चुय़ङ्‌छाङ मोचिआ साकोङ्‌छ़ङ मान्‍मुअ़दा।

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

युहन्‍ना 16:22

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

युहन्‍ना 20:21

खोन्‍कि येसुआ मोचि म़लासुलोचि, “खानानिन सेवाङ्‌नि लिसानिन! देत्‍नि पापा निनाम्‍हाङ्‌आ अ़ङ्‌का ऩछुत्‍ताङ, मोवात्‍निङा अ़ङ्‌काछाङ खानानिन छुत्‍नानिन।”

युहन्‍ना 20:26

आथ्‌कालेन्‌कि खोक्‍कोसोओ अ़चुकाखेङ्‌पाचि खिम्‍हुत्‌या म़लासान्‍कोवान्‌युङ्‌सान्‍चिन। थोमाछाङ मोचिएनान युङाङा। लाप्‍तिखोप्‌चि म़छेक्‍ताङा, मेन येसु म़ताकि अ़चुरादा म़एवा, खोन्‍कि म़लोचि, “खानानिन सेवाङ्‌नि लिसानिन!”

युहन्‍ना 21:1

आदेङ अ़चुकाखेङ्‌पाचिएदा तिबेरियास धियाङ्‌वामाओ अ़केम्‌दा येसु म़लासान्‍खाङ्‌म़मुसान्‍चिन। ओवात्‍नि खोक्‍को आप्‍पि खाङ्‌म़मुसान्‍चिन।

युहन्‍ना 21:14

म़सुवादाओदाङ्‌का म़खोन्‍तालोन्‍ताकि येसु अ़चुकाखेङ्‌पाचिएदा खाङ्‌म़मुसान्‍चिन्‌ओ ओ सुम्‌कादुओदु ओ।

युहन्‍ना 7:13

मेन यहुदि बुसुवाचिओ अ़चुक़माआ खोक्‍कोसोओ अ़चुतुक्‌वादा साङ्‌छाङ झारासोओ अ़चुबुदा मान्‍चेप्‌चि।

छाम्‍माय़ङ 1:3

येसु क्रुस्‌दा म़सुवा खोन्‍कि खोक्‍को म़खोन्‍तालोन्‍ताकि चालिस्‌कालेन्‌तारि छाम्‍माय़ङ्‌चिएदा ब़द्‍धेकादु खाङ्‌म़मुसान्‍चिन। मोन्‍ग़रि खोक्‍को खोचिएनान निनाम्‍हाङ्‌ओ अ़चुहाङ्‌होन्‌ओ अ़तुक्‌वादा म़चेवा। खोक्‍कोसाआ मो म़नाचिएनान हान्‍छाङ ह़ङ्‌ङाङा निकिना ब़द्‍धे अ़नुछ्‍याओ सालुम्‍स़ङ्‌चि खाङ्‌अ़मुसा।

रोमि 15:33

सेवाङ्‌नि काप़ निनाम्‍हाङ खानानिन झाराएनान अ़धुन म़युङ्‌ने। मोवात्‍निङा लिने।

१ कोरिन्‍थि 15:5

खोन्‍कि खोक्‍को केफास्‌एदा, खोन्‍किना झारा बारकापाङ्‌माङ्‌एदा खाङ्‌म़मुसान्‍चिन।

एफिसि 2:14

देकिनालो खोक्‍को आन्‍सेवाङ्‌नि म़मुयाङ। खोक्‍कोसाआ ह्‍वा रुहुप अ़क रुहुप म़मुवायुङ्‌सा, खोन्‍कि काहा ङेङ्‌ओ कुदारि अ़भुङ्‌साखाइसायुङ्‌सा।

एफिसि 6:23

निनाम्‍हाङ आन्‍पापा खोन्‍कि हाङ्‌पा येसु ख्रिस्‍तदाङ्‌का ब़ब़, नाना खोन्‍कि निछाचिओ सेवाङ्‌नि, खोन्‍कि साकोङ्‌छ़ङ्‍एनान्‌ओ सोम्‍तुक्‍मा युङ्‌ने!

फिलिप्‍पि 1:2

आन्‍पापा निनाम्‍हाङ पापा खोन्‍कि हाङ्‌पा येसु ख्रिस्‍तआ खानानिन सोमाऩतुक्‍तिन्‍ने खोन्‍कि सेवाङ्‌नि लिसानिन।

२ थेसलोनिकि 3:16

हान सेवाङ्‌निओ हाङ्‌पाआ खानानिन अ़धुन खोन्‍कि झाराकापाराआ सेवाङ्‌नि ऩमुन्‍ने। हाङ्‌पा खानानिन झाराएदा म़युङ्‌ने।

३ युहन्‍ना 1:14

अ़ङ्‌का खाना च़क्‍नि तुप्‍मा स़ङाङा, खोन्‍कि अ़क्‍नि आन्‍चुओ दोआङा हान्‍चिने।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।