युहन्‍ना 20:15 - बान्‍तावा राई

¹⁵ येसुआ मो अ़सेना, “मेत्‍छामा, खाना देकि त़खाप्‌याङ? खाना साङ त़लामुङु ओ?” मोसाआ खो स़ङ्‌सिबात्‍बुङ काखाङ्‌नि मित्‍तुकिना लो, “उवा, खानानिन्‌आ खोक्‍को ओदाङ्‌का त़खात्‍तुम्‌ओनालो खादा त़युङ्‌सुम्‌युङ्‌सुम अ़ङ्‌का लोवाङ्‌ऩङ, खोन्‍कि अ़ङ्‌का खोक्‍को खात्‍तुङ।”

युहन्‍ना 20:15 ပူးပေါင်းရင်းမြစ်များ

मत्‍ति 12:34

प़ओ अ़छाचि ओ! खानानिन्‌ङा अ़अ़त्‍पा त़मुन्‌येन, अ़नुवाक य़ङ देत्‍नि चेप्‍मा त़ऱन? देकिनालो साकोङ्‌वादा म़याक्‌ओ य़ङ्‌चि म़नाओ अ़दोदाङ्‌का म़लोन।

मत्‍ति 28:5

मेन निनाम्‍हाङ काफाआ मो मेत्‍छामाचि लोचि, “खानानिन मान्‍क़दानिन। अ़ङ्‌का सिन्‍तुङ्‌योङ, खानानिन क्रुस्‌दा अ़ख़न्‍तासेराओ येसु त़लामुम्‌योम।

मर्कुस 16:6

मेन खोसाआ मोचि लोचि, “मान्‍दोम्‍दादानिन, खानानिन क्रुस्‌दा अ़ख़न्‍तासेराओ नासरत्‌ओ येसु त़लामुम्‌योम। खोक्‍को म़सुवादाओदाङ्‌का म़खोन्‍तालोन्‍तायुङ्‌सा! खोक्‍को ओदा मात्‍द़ङ्‌चि। मोचिआ खोक्‍को अ़युङ्‌साओदा खानुम!

लुका 2:44

अ़क्‍नि म़खाराङाओ रुहुप्‌दा येसुछाङ याक्‌याङ्‌नि मिनाचिकिना खोचि नाम्‍प़क्‍लो कोलाचि। खोन्‍किना खोचिआ अ़चुम़नाचि खोन्‍कि यावाकुवाचिएदा खोक्‍को लाम्‍मा अ़पुक्‍ताचु।

लुका 24:5

मो मेत्‍छामाचिओ अ़चुक़माकाराकि बाखाह्‍युत्‍नि अ़चुङाइवा अ़पोम्‍सा। मेन मो ह़वाङ दुवाछाचिआ अ़लोवाचुचिन, “खानानिन्‌आ अ़ह़ङ म़ना देकि म़सुवादाओचिएदा त़लामुम्‌योम?

युहन्‍ना 1:38

येसु म़हुसान्‍चिन्‌कि म़चोउचि खोन्‍कि मोचिआ अ़त़ङ्‌ताङाचुओ म़खाचिकि मोचि म़सेनुचि, “खानाचिआ दि त़लाम्‍चुङ्‌चु?” मोचिआ खोक्‍को अ़लासालोवाचु, “रब्‍बि, खानानिन खादा त़युङिन्‌येन?” (“रब्‍बि” ओ अ़तुप्‌य़ङ, “काचिन्‍पा” ओ)।

युहन्‍ना 18:4

खोन्‍कि खोक्‍कोएदा लिमा मुवाङाओ झारा य़ङ अ़सिन्‍ताकि येसु मोचिओ अ़चुबुदा म़खारा खोन्‍कि म़सेनुचि, “खानानिन्‌आ साङ त़लामुम्‌योम?”

युहन्‍ना 18:7

खोक्‍कोसाआ मोचि म़लासुसेनुचि, “खानानिन साङ त़लामुम्‌योम ओ?” मोचि म़य़ङा, “नासरत्‌ओ येसु।”

युहन्‍ना 20:13

खोचिआ मो अ़लोवाचु, “मेत्‍छामा, देकि त़खाप्‌याङ?” मोसाआ खोचि लोचि, “खोचिआ अ़ङ्‌हाङ्‌पाओ अ़चुस़पोक अ़खात्‍ता, खोन्‍कि खोक्‍को खादा अ़युङ्‌सायुङ्‌सा, अ़ङ्‌का अ़सिन्‍ऩङ।”