युहन्‍ना 2:4 - बान्‍तावा राई

⁴ खोन्‍कि येसुआ मो अ़लोवा, “आमो, अ़ङ्‌का दे मुमादोत अ़ङ्‌का मान्‍लोदानि। अ़ङ्‌ग़रि हान्‍छाङ मान्‍तालायुक।”

युहन्‍ना 2:4 ပူးပေါင်းရင်းမြစ်များ

मत्‍ति 15:28

खोन्‍किना येसुआ मोसोओ अ़य़ङ अ़लासा, “मेत्‍छामा, आम्‍साकोङ्‌छ़ङ तोक्‍पो मुयाङ! खाना त़मिन्‌याङ्‌वा आम्‍को निम्‍पाङ मेत्‍प़।” मोसोओ अ़छा मेत्‍छाछा छा मोन्‍ग़रिङा नुवालावा।

मत्‍ति 8:29

मोचि ओवात्‍नि पाराचि, “निनाम्‍हाङ्‌ओ अ़चुछा, खानानिन्‌आ आन्‍काच्‍याएदा दि त़लामुम्‌योम? आन्‍चुवाओ ग़रि मान्‍तालामाङ खानानिन्‌आ आन्‍काच्‍या ओदा दुखा प़सि त़तान ओ?”

लुका 2:49

खोन्‍कि येसुआ खोचि म़लोचि, “खानानिन्‌आ अ़ङ्‌का देकि त़लाम्‍निङ्‌निओ? अ़ङ्‌का अ़ङ्‌पापाओ अ़चुखिम्‌दा युङ्‌मादोत्‌निओ य़ङ दि खानानिन्‌आ मान्‍सिन्‍त़दोम्‌योम कि?”

युहन्‍ना 12:23

येसुआ म़लासुलोचि, “म़नाओ अ़छाओ अ़साऩङ्‌वा तोक्‍मा ग़रि तायुङ्‌सा।

युहन्‍ना 13:1

काक्‍माखात्‍मा चानुचाओ बुया, ओ हेन्‍खामा छित्‍मादामाकि पापा निनाम्‍हाङ्‌एदु खात्‍मा खोक्‍कोसोओ अ़चुग़रि तादिसायुङ्‌सानि येसुआ अ़सिन्‍ता। खोन्‍कि ओ हेन्‍खामादाओ अ़चुकाखेङ्‌चि अ़धुन सोमाम़तुक्‍तुचि, खोन्‍कि खोक्‍कोसाआ झारा अ़चुसोम्‍तुक्‍माआ मोचि सोमाम़तुक्‍तुचि।

युहन्‍ना 2:3

अङ्‌गुरा माङ्‌वा चिआकिना येसुओ अ़चुमाआ खोक्‍को अ़लोवा, “मोचिएदा अङ्‌गुरा माङ्‌वा मात्‍द़ङ।”

युहन्‍ना 20:13

खोचिआ मो अ़लोवाचु, “मेत्‍छामा, देकि त़खाप्‌याङ?” मोसाआ खोचि लोचि, “खोचिआ अ़ङ्‌हाङ्‌पाओ अ़चुस़पोक अ़खात्‍ता, खोन्‍कि खोक्‍को खादा अ़युङ्‌सायुङ्‌सा, अ़ङ्‌का अ़सिन्‍ऩङ।”

युहन्‍ना 20:15

येसुआ मो अ़सेना, “मेत्‍छामा, खाना देकि त़खाप्‌याङ? खाना साङ त़लामुङु ओ?” मोसाआ खो स़ङ्‌सिबात्‍बुङ काखाङ्‌नि मित्‍तुकिना लो, “उवा, खानानिन्‌आ खोक्‍को ओदाङ्‌का त़खात्‍तुम्‌ओनालो खादा त़युङ्‌सुम्‌युङ्‌सुम अ़ङ्‌का लोवाङ्‌ऩङ, खोन्‍कि अ़ङ्‌का खोक्‍को खात्‍तुङ।”

युहन्‍ना 7:30

खोन्‌ओसा मोचिआ खोक्‍को लाप्‍मा अ़लाप्‍ता, मेन साङ्‌आछाङ खोक्‍को छुक मान्‍पाक्‌अ़दा, देकिनालो खोक्‍कोसोओ अ़चुग़रि हान्‍छाङ मान्‍तायुक्‍ता।

युहन्‍ना 7:6

येसुआ मोचि म़लोचि, “मोदा खात्‍मा तोङ्‌ओ अ़ङ्‌को अ़ङ्‌ग़रि मान्‍तायुक, मेन खानानिन ना खाउग़रिनुछाङ खात्‍मा त़ऱन।

युहन्‍ना 7:8

खानानिन आप्‍पि ओ चानुचादा खारानिन। अ़ङ्‌का ओन्‍ग़रि अ़खात्‍ऩङ, देकिनालो अ़ङ्‌ग़रि हान्‍छाङ मान्‍तालायुक।”

युहन्‍ना 8:20

ओ य़ङ्‌चि खोक्‍कोसाआ निनाम्‍हाङ ब़क्‍खाखिम्‌दा म़चिन्‍तुङुचिहिदा छुक्‍दाम पाक्‍खाओ अ़च़क्‌दा म़लोचिओ। मेन साङ्‌आछाङ खोक्‍को मान्‍लाप्‌अ़दा, देकिनालो हान्‍छाङ खोक्‍कोसोओ अ़चुग़रि मान्‍तायुक्‍ता।

२ कोरिन्‍थि 5:16

खोन्‌ओसा हान्‌दाङ्‌का आन्‍कान्‍का साङ्‌आछाङ म़नाओ अ़मिन्‍मावा अ़खान्‍मिन्‍का। आन्‍कान्‍का ख्रिस्‍त अ़क्‍दु म़नाओ अ़मिन्‍माआ खाम्‍का ओ, हान्‌दाङ्‌का ओवात्‍नि अ़खान्‍मिन्‍का।