युहन्‍ना 2:19 - बान्‍तावा राई

¹⁹ येसुआ मोचि म़लासुलोचि, “ओ निनाम्‍हाङ ब़क्‍खाखिम भुङ्‌साखाइसानुम, खोन्‍कि अ़ङ्‌का सुम्‌कालेन्‌दा ओ मुङ्‌चिउङ।”

युहन्‍ना 2:19 ပူးပေါင်းရင်းမြစ်များ

मत्‍ति 12:40

देकिनालो देत्‍नि योना अ़धिवो ङाओ अ़बुक्‌हुत्‌दा सुम्‌काखोलेन, सुम्‌काखाखुत याआ, मोवात्‍निङा म़नाओ अ़छाछाङ हेन्‍खामाओ अ़कोङ्‌दा सुम्‌कालेन खोन्‍कि सुम्‌काखाखुत याक।

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 27:40

“खानाङा निनाम्‍हाङ ब़क्‍खाखिम काभुङ खोन्‍कि मो सुम्‌कालेन्‌दा कालामु! खाना आप्‍पि लेइसान्‍चिन! निनाम्‍हाङ्‌ओ अ़चुछा ओनालो क्रुस्‌दाङ्‌का धान्‍तान्‍चिन।”

मत्‍ति 27:63

मोचिआ अ़लोवा, “हाङ्‌पो, आन्‍कान्‍का मित्‍तुम्‌योम्‍का, मो काम़प्‌आ ह़ङाङाहिदा ‘सुम्‌कालेन्‌कि अ़ङ्‌का लाङाखोन्‍ङालोन्‍ङा’नि य़ङाओ।

मर्कुस 14:58

“ओक्‍को आन्‍कान्‍का ओवात्‍नि य़ङाओ एनुम्‍का, ‘अ़ङ्‌का म़नाओ अ़छुक्‌आ मुमाय़ङ, ओ निनाम्‍हाङ्‌ओ अ़चुब़क्‍खाखिम भुङ्‌सुङ्‌खाइसुङ, खोन्‍कि सुम्‌कालेन्‌दा म़नाओ अ़छुक्‌आ मान्‍मुमाय़ङ नितात निनाम्‍हाङ ब़क्‍खाखिम मुङ।’”

मर्कुस 15:29

मो लाम काकोन म़नाचिआ अ़चुताङ ङाङ्‌याङ्‌सा येसु ओवात्‍नि लोयाङ्‌सा अ़सुङ्‌ता, “त़चो! खानाङा निनाम्‍हाङ ब़क्‍खाखिम काभुङ खोन्‍कि मो सुम्‌कालेन्‌दाकालामु!

मर्कुस 8:31

खोन्‍किना येसुआ अ़चुकाखेङ्‌पाचि “म़नाओ अ़छाआ ब़द्‍धे दुखा आङ्‌मादोत, अ़धुवाचि, मुलो काब़क्‍पाचि, खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत, मेन सुम्‌कालेन्‌दा लाखोन्‍लोन्‌नि लोयाङ्‌सा खोचि चिन्‍मा म़पुक्‍तुचि।”

युहन्‍ना 11:25

येसुआ मो अ़लोवा, “खाकाखोन्‍लोन खोन्‍कि ह़ङ्‌म़ङ काप़ अ़ङ्‌काङा ओ। अ़ङ्‌का साकोङ्‌छ़ङ कामु स़दानुछाङ ह़ङ।

युहन्‍ना 5:19

येसुआ मोचि म़लोचि, “अ़नुछ्‍याङा अ़ङ्‌का खानानिन लोनानिन। अ़चुछाआ आप्‍पि दित्‍छाङ मुमा अ़ऱन, मेन अ़चुपाआ दि अ़मुओ खोसाआ खा, अ़चुछाछाङ मोवात्‍निङा च़।

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

छाम्‍माय़ङ 2:32

ओ येसुङा निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोन्‍कि ओ य़ङ्‍ओ आन्‍कान झारा अ़सालुम्‍स़ङ युङिन्‌येन।

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

छाम्‍माय़ङ 3:26

खोन्‍कि खानानिन झारा इस्राएलिचि आम्‍नुओ अ़त्‍लो काचिचिदाङ्‌का लामाकि आसिखा प़मा निकिना निनाम्‍हाङ्‌आ अ़छेन्‍ताओ अ़चुछा येसु बुया खानानिन्‌एदा अ़य़सा।”

छाम्‍माय़ङ 6:14

देकिनालो ‘नासरत्‌ओ येसुआ ओ निनाम्‍हाङ ब़क्‍खाखिम अ़भुङ्‌खान, खोन्‍कि निनाम्‍हाङ्‌य़ङ खाकालु मोसाआ आन्‍कान म़पुवाओ च़माथाङ्‌माचि म़फान्‍प़’नि खो य़ङाओ आन्‍कान्‍का एनुम्‌युङ्‌सुम्‍का।”

रोमि 4:24

मेन आन्‍को निम्‍पाङ्‌छाङ ओ। आन्‍कान येसु आन्‍हाङ्‌पा म़सुदाओदाङ्‌का काखोन्‍लोन्‌एदा साकोङ्‌छ़ङ मुन्‍लो निनाम्‍हाङ्‌आ आन्‍कान्‌छाङ साम्‌योक्‍मि म़कान।

रोमि 6:4

खोन्‌ओसा बप्‍तिस्‍मालाम्‍पा आन्‍कान खोक्‍कोएनान अ़क्‍नि खुम्‍तिन। देत्‍नि निनाम्‍हाङ पापाओ साम्‍स़रिओ अ़चुसावालाम्‍पा ख्रिस्‍त म़सुवादाओदाङ्‌का म़खोन्‍तालोन्‍ता, मोवात्‍निङा आन्‍कान्‌छाङ अ़ऩङ्‌वा ह़ङ्‌म़ङ्‌ओ लाम्‌दा कोलिन्‍ने।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

१ कोरिन्‍थि 15:12

म़सुवादाओदाङ्‌का ख्रिस्‍त म़खोन्‍तालोन्‍तानि खालुसुम्‌कानालो खानानिन्‌एदाङ्‌का खा-खाक्‍को देत्‍नि म़सुवादाओचि ऩखोन्‍निन्‍लोन्‍निन्‌नि य़ङ्‌मा त़ऱन?

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।