युहन्‍ना 2:18 - बान्‍तावा राई

¹⁸ यहुदिचिओ अ़चुबुसुवाचिआ खोक्‍को अ़सेना, “खाना ओ काचिचि त़मुचि, ओ काचि मुमाओ पाङ खानाएदा युङ्‌याङ्‍ओनालो आन्‍कान्‍का बुन खाङ्‌मेत्‍नि।”

युहन्‍ना 2:18 ပူးပေါင်းရင်းမြစ်များ

मत्‍ति 21:23

खोक्‍को निनाम्‍हाङ ब़क्‍खाखिमदा म़वाङा, खोन्‍किना खोक्‍कोसाआ म़चिन्‍तुङुचिहिदा मुलो काब़क्‍पाचि, म़नाचिओ अ़चुअ़धुवाचि खोक्‍कोएदा म़ता खोन्‍कि खोक्‍को अ़सेना, “साङ्‌कोओ अ़पाङ्‌आ खानानिन ओ काचिचि त़मुम्‌योम्‍च़म, खोन्‍कि साङ्‌आ खानानिन ओ पाङ ऩप़न?”

मर्कुस 8:11

फरिसिचि येसुएदा म़ताकि दुम्‌तुमा अ़पुङ्‌सा। मोचिआ येसु चिन्‍माखाङ्‌मा निम्‍पाङ खोक्‍को निनाम्‍मादुङ्‌काओ अ़क्‌तात बुन अ़दोत्‍ता।

लुका 11:29

मुक्‍लाचि म़तेप्‍ता ताङाहिदा येसुआ म़लोचि, “ओ दुङ अ़अ़त्‍पा दुङ ओ। ओसाआ म़दोम्‍दाओ बुन लामु, मेन बुयाओ निनाम्‍हाङ्‌य़ङ खाकालु योनाओ अ़बुन्‌दाङ्‌का नि बुन त़तोक्‍तिमिन।

युहन्‍ना 1:19

यरुसलेम्‌दाङ्‌का यहुदि बुसुवाचिआ काब़क्‍पाचि खोन्‍कि लेबिचि खोएदा “खाना साङ ओ?”निओ य़ङ सेइसि म़नाचि म़छुत्‍तुचि, खोन्‍कि युहन्‍नाआ नुलोक अ़साम्‍लुम्‍स़ङ प़चि।

युहन्‍ना 1:25

खोत्‍निओसा मोचिआ खो अ़सेना, “खाना ख्रिस्‍त्‌छाङ माआङ, एलियाछाङ माआङ, मो निनाम्‍हाङ्‌य़ङ खाकालुछाङ माआङ्‌नालो देकि बप्‍तिस्‍मा त़प़ङुचि?”

युहन्‍ना 6:30

खोन्‌ओसा मोचिआ खोक्‍को अ़लासालोवा, “खानानिन आन्‍कान्‍का खाक्‍को म़दोम्‍दाओ बुन खाङ्‌त़मेत्‍नि? मो आन्‍कान्‍का खाम्‍काकि खानानिन साकोङ्‌छ़ङ मुनिने। खानानिन दि त़मुम?

छाम्‍माय़ङ 4:7

मोचिआ पत्रुस खोन्‍कि युहन्‍ना अ़चुबुदा तात्‍म़मेत्‍तुचिकि मोचि म़सेनुचि, “खानाचि साङ्‌आ नुखा सावा त़पुवाचि, माङ्‌लो साङ्‌कोओ अ़ऩङ्‌दा ओ पेसोला त़नुसाचुओ?”

छाम्‍माय़ङ 5:28

“आन्‍कान्‍का खानानिन येसुओ अ़ऩङ्‌दा म़नाचि चिन्‍माइ मान्‍चिन्‍दानुम्‍च़म्‌नि खानानिन लोनिओ। मेन खानुम, खानानिन्‌आ ना झारा यरुसलेम्‌दा त़चिन्‍तुम्‍चिउम्‍च़म, खोन्‍कि ओ म़नाओ अ़ह़वा आन्‍कान्‍का पाक्‍मा त़लाप्‍निङ्‌नि!”