युहन्‍ना 2:12 - बान्‍तावा राई

¹² खोन्‍किना येसु अ़चुओमा, अ़चुनिछाचि खोन्‍कि अ़चुकाखेङ्‌पाचिएनान कफर्नहुम म़खारा, खोन्‍कि अ़चित लेन खोचि मोदा म़युङा।

युहन्‍ना 2:12 ပူးပေါင်းရင်းမြစ်များ

मत्‍ति 11:23

कफर्नहुम्‌दाओ म़नाचि ओ! दि निनाम्‍मादु साऩङ्‌वा तोक्‍तिन्‍कानि खानानिन त़मिनिन्‌येन? खानानिन सित्‍म़ङ दुखा तोक्‍खायु त़धान। देकिनालो खानानिन्‌एदा मुमाय़ङ्‌ओ म़दोम्‍दाओ काचिचि सदोम सहरादा म़मुवाओदे, मो आय़ओ लेन्‌तारि युङायुङ्‌साओ।

मत्‍ति 12:46

येसु म़ना मुक्‍लाएनान म़चेवाङाहिदा खोक्‍कोसोओ अ़चुमा खोन्‍कि अ़चुदुवाछा निछाचि बुङ्‌खाया म़एवाङा खोन्‍कि खोक्‍कोएनान हान्‍मा म़सुवाङा।

मत्‍ति 4:13

खोन्‍कि नासरत अ़छिरादाकि कफर्नहुम म़खारा खोन्‍कि मोदा म़युङा। कफर्नहुम सहरा जबुलुन खोन्‍कि नप्‍तालिओ खाहुप्‌दाओ गालिल धियाङ्‌वामाओ अ़केम्‌दा छुक।

मर्कुस 6:3

दि ओक्‍को स़ङ्‌काचि कामु माआङ? दि ओक्‍को मरियम्‌ओ अ़छा खोन्‍कि याकुब, योसेफ, यहुदा खोन्‍कि सिमोन्‌ओ अ़चुबुवा माआङ कि? दि ओसोओ अ़छेत्‍कुमा निछाचि आन्‍कान्‌एनान ऩयुङ्‌निनिन कि?” खोन्‍कि मोचिआ खोक्‍को अ़सुङ्‌ता खोन्‍कि साकोङ्‌छ़ङ मान्‍मुअ़दा।

युहन्‍ना 2:2

येसु खोन्‍कि खोक्‍कोसोओ अ़चुकाखेङ्‌पाचिछाङ सायाकाम्‍खादा म़बुत्‍तुयुङ्‌सुचि।

युहन्‍ना 4:46

खोन्‍किना खोक्‍को गालिल्‌ओ काना सहरादा म़लासाता। मोदा खोक्‍कोसाआ चाक्‌वा अङ्‌गुरा माङ्‌वा अ़मुवाओ। गालिल्‌ओ कफर्नहुम्‌दा अ़क्‍छा हाङ काचि काफा युङाङा, खोसोओ अ़दुवाछा-छा तुआङा।

युहन्‍ना 6:17

खोन्‍कि नावादा म़वाङाकि मोचि धियाङ्‌वामाओ अ़ह्‍याउधेत कफर्नहुम्‌ह्‍यात्‍नि खात्‍मा अ़पुङ्‌सा। मोन्‍ग़रि अ़खाखुत लिसायुङ्‌सा, खोन्‍कि येसु मोन्‍ग़रितारि खोचिएदा मान्‍ताम़युक्‍ता।

१ कोरिन्‍थि 9:5

दि नि छाम्‍माय़ङ्‌चिवात्‍नि हाङ्‌पाओ अ़चुनिछाचि खोन्‍कि केफास्‌आवात्‍नि आन्‍काच्‍याछाङ साकोङ्‌छ़ङ कामु खिम्‍हाङ्‌मा तित्‍माकि अ़क्‍नि कोन्‍मा आन्‍चुवाओ पाङ मात्‍द़ङ कि?

गलाति 1:19

मेन हाङ्‌पाओ अ़चुनिछा याकुब्‌एदाङ्‌का नि खाक्‍कोछाङ छाम्‍माय़ङ्‌चि अ़ङ्‌का मान्‍धित्‍ङाच़ङ।