युहन्‍ना 19:6 - बान्‍तावा राई

⁶ मोन्‍ग़रि मुलो काब़क्‍पाचि खोन्‍कि निनाम्‍हाङ ब़क्‍खाखिम काहुङ्‌चिआ खोक्‍को अ़खा, मोचि ओवात्‍नि य़ङ्‌सा पात्‍मा अ़पुक्‍ता, “मो क्रुस्‌दा ख़न्‍तासेरानुम! मो क्रुस्‌दा ख़न्‍तासेरानुम!” पिलातस्‌आ मोचि लोचि, “खानानिन आप्‍पिआङा ओक्‍को खात्‍तानुम खोन्‍कि मो क्रुस्‌दा ख़न्‍तासेरानुम! देकिनालो अ़ङ्‌का ओक्‍कोसोओ अ़देङ्‌सालाप्‍पादा दित्‍छाङ लाहि पाक्‍मायु अ़तुक्‌वा अ़धित्‍ऩङ!”

युहन्‍ना 19:6 ပူးပေါင်းရင်းမြစ်များ

मत्‍ति 26:58

मेन पत्रुस अ़थायाङ्‌का मुलो काब़क्‍पाओ अ़बुक्‍लुङ्‌दातारि खोक्‍कोसोओ अ़चुदेङ-देङ त़ङ्‌तुखात्‍तु। खोन्‍कि आदेङ्‌माङ दे लिओ, मो खाङ्‌सि बुक्‍लुङ्‌दा वाङाकि रात्‍खामिचिएनान युङा।

मत्‍ति 27:22

पिलातस्‌आ मोचि सेनुचि, “खोन्‍नालो ख्रिस्‍तनि लोयाङ्‌ओ येसु अ़ङ्‌का दे मुङ म़ल़क?” मोचि म़लासापारा, “मो क्रुस्‌दा ख़न्‍तासेरानुम!”

मत्‍ति 27:24

पिलातस्‌आ देत्‍छाङ च़मा अ़ऱन्‌ओ खा, मेन च़लोक काचेङ्‌वा लिमा पुङ्‌सुङुओसा, खोसाआ चाक्‌वाआ म़ना मुक्‍लाचिओ अ़चुबुदा अ़छुक वास़ खोन्‍कि लोचि, “अ़ङ्‌का ना ओ म़नाओ अ़ह़दाङ्‌का मान्‍फिकादा मुङाङा। खानानिन्‌ङा सिन्‍तानुम।”

लुका 23:4

खोन्‍किना पिलातस्‌आ मुलो काब़क्‍पाचि खोन्‍कि म़ना मुक्‍लाचि लोचि, “अ़ङ्‌का ओ म़नाएदा ह़त्‍मायु य़ङ दित्‍छाङ मान्‍धित्‌ङा।”

युहन्‍ना 18:3

मोन्‍ग़रि मुलो काब़क्‍पाचिआ खोन्‍कि फरिसिचिआ म़छुत्‍तुचिओ रोमि रात्‍खामिचिओ अ़क रुहुप खोन्‍कि निनाम्‍हाङ ब़क्‍खाखिम्‌दाओ काहुङ्‌चि तारुचिकि यहुदा मोदा तादिसा। मोचि कुपि, बास़ङ मि खोन्‍कि बान्‍छुबिछुचि म़खुयाङा।

युहन्‍ना 18:31

पिलातस्‌आ मोचि लोचि, “खानानिन ओक्‍को आप्‍पि खात्‍तानुम, खोन्‍कि आम्‍नुओ य़ङ्‌हुप्‌वा ओसोओ अ़छ़ङ छेन्‍तानुम।” मेन यहुदि बुसुवाचिआ खो अ़लोवा, “खाक्‍कोछाङ म़ना सेत्‍मा आन्‍कान्‍का आम्‍नुओ य़ङ्‌हुप्‌आ अ़प़न्‍मिन्‍का।”

युहन्‍ना 18:38

पिलातस य़ङा, “अ़छ़ङ दि ओ?” ओन य़ङाकि खो यहुदिचिएदा बुङ्‌खाया लासालोन्‍ता, खोन्‍कि मोचि लोचि, “अ़ङ्‌का ओसोओ अ़देङ्‌सालाप्‍पादा दित्‍छाङ लाहि पाक्‍मायु फिसुओ अ़धित्‍ऩङ।

युहन्‍ना 19:15

मेन मोचि ओवात्‍नि य़ङ्‌सा म़पारा, “खोक्‍को खात्‍तानुम! खोक्‍को खात्‍तानुम! मो क्रुस्‌दा ख़न्‍तासेरानुम!” पिलातस्‌आ मोचि सेनुचि, “दि अ़ङ्‌का आम्‍नुओ हाङ क्रुस्‌दा अ़ङ्‌का ख़न्‍तुङ्‌नेनि त़मिनिन्‌येन?” मुलो काब़क्‍पाचिआ अ़लासालोवा, “कैसरदाङ्‌का आन्‍काओ नि हाङ मात्‍द़ङ।”

युहन्‍ना 19:4

बुङ्‌खाया लासालोन्‍ताकि पिलातस्‌आ मोचि लोचि, “खानुम, अ़ङ्‌का ओक्‍को खानानिन्‌एदा बुङ्‌खाया लोत्‍तुङ्‌योङ, खोन्‍कि खानानिन खाएत्‍नाङ्‌नानिन, अ़ङ्‌का ओक्‍कोसोओ अ़देङ्‌सालाप्‍पादा दित्‍छाङ लाहि पाक्‍मायु अ़तुक्‌वा अ़धित्‍ऩङ।”

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

छाम्‍माय़ङ 7:52

आम्‍नुओ सुन्‍तुम्‌चिआ दुखा मान्‍प़म़दोचिओ निनाम्‍हाङ्‌य़ङ खाकालुचि साङ्‌छाङ मात्‍द़ङ्‌चि। आम्‍नुओ सुन्‍तुम्‌चिआ साम्‌योक्‍मि म़ना मसिह म़ताङाओ अ़तुक्‌वादा निनाम्‍हाङ्‌य़ङ खाकालुचि झारा म़सेरुचि। आइमित खानानिन खोक्‍को मसिह साकोङ्‌छ़ङ्‌दा त़धान्‍तुम, खोन्‍कि त़सेरुम।