युहन्‍ना 19:28 - बान्‍तावा राई

²⁸ खोन्‍किना येसुआ झारा अ़चुकाचि हान चिआ निकिना अ़सिन्‍ता, खोन्‍कि साम्‍कालिन्‌दाओ य़ङ तालाने निम्‍पाङ, “अ़ङ्‌का वामित्‍मा सुवाङ” नि खोक्‍को म़य़ङा।

युहन्‍ना 19:28 ပူးပေါင်းရင်းမြစ်များ

लुका 12:50

अ़क्‌तात बप्‍तिस्‍मा युङ्‌याङ, मो अ़ङ्‌का मुमादोत। मो मान्‍चिन्‍माङ अ़ङ्‌मिन्‍मा चाअ़त्‌याङ!

लुका 18:31

खोन्‍किना येसुआ बारकापाङ अ़चुकाखेङ्‌पाचि अ़क्‍चित ह्‍यात्‍नि म़खात्‍तुचिकि म़लोचि, “खानुम, आन्‍कान यरुसलेम्‌ह्‍यात्‍नि खारिन्‌येन, खोन्‍कि म़नाओ अ़छाओ अ़तुक्‌वादा निनाम्‍हाङ्‌य़ङ खाकालुचिआ अ़छाप्‍ताओ य़ङ्‌चि झारा म़ताला।

लुका 22:37

अ़ङ्‌का खानानिन लोनानिन, साम्‍कालिन्‌दा ‘खोक्‍को हेवा कामुचिएनान अ़खिप्‍ता’निकिना छाप्‍ताओ य़ङ अ़ङ्‌काएदा तामालामाङादोत। देकिनालो अ़नुछ्‍याङा अ़ङ्‌तुक्‌वादा छाप्‍माय़ङ य़ङ्‌चि म़तालायाङ।”

लुका 9:31

मोचि अ़चुसाम्‍स़रि खाङ मुसाचिचिन्‌कि येसुओ अ़चुस़माओ अ़तुक्‌वादा म़हान्‍ताङा। ओ स़माओ य़ङ यरुसलेम्‌दा तामालामा दोराङा।

युहन्‍ना 13:1

काक्‍माखात्‍मा चानुचाओ बुया, ओ हेन्‍खामा छित्‍मादामाकि पापा निनाम्‍हाङ्‌एदु खात्‍मा खोक्‍कोसोओ अ़चुग़रि तादिसायुङ्‌सानि येसुआ अ़सिन्‍ता। खोन्‍कि ओ हेन्‍खामादाओ अ़चुकाखेङ्‌चि अ़धुन सोमाम़तुक्‍तुचि, खोन्‍कि खोक्‍कोसाआ झारा अ़चुसोम्‍तुक्‍माआ मोचि सोमाम़तुक्‍तुचि।

युहन्‍ना 17:4

खाक्‍को काचि खानानिन्‌आ अ़ङ्‌का मुमा त़प़नि, मो तासुङ्‌लोङ्‌कि हेन्‍खामादा अ़ङ्‌का आम्‍नुओ ऩङ लोङ्‌सुङ्‌युङ्‌सुङ।

युहन्‍ना 18:4

खोन्‍कि खोक्‍कोएदा लिमा मुवाङाओ झारा य़ङ अ़सिन्‍ताकि येसु मोचिओ अ़चुबुदा म़खारा खोन्‍कि म़सेनुचि, “खानानिन्‌आ साङ त़लामुम्‌योम?”

युहन्‍ना 19:24

खोन्‌ओसा मोचिआ अ़क्‍छा निएदा म़य़ङा, “ओ आन्‍कान अ़रेइमिन्‍ने, मेन ओ साङ्‌को लिओ निकिना होरा पाइन्‍ने।” साम्‍कालिन य़ङाङाओ तालाने निकिना ओ लिसाओ, “मोचिआ अ़ङ्‌तित अ़चुरादा अ़हासा, खोन्‍कि अ़ङ्‌बोप्‍खुओ निम्‍पाङ होरा अ़पाआ।”

युहन्‍ना 19:30

येसुआ सुन्‍ताङाओ अङ्‌गुरा माङ्‌वा अ़दुङा, खोन्‍कि खोक्‍को म़य़ङा, “हान चिआ।” खोन्‍कि खोक्‍कोसाआ अ़चुताङ अ़पोम्‍सा, खोन्‍कि अ़चुसाक्‍मा खारा।

युहन्‍ना 19:36

“खोक्‍कोसोओ अ़क्‌तात्‌छाङ अ़चुय़वा अ़ओत्‍निन्‍ने”नि साम्‍कालिन तालाने निकिना ओ य़ङ्‌चि म़लिसाओ।

युहन्‍ना 4:34

येसुआ मोचि म़लोचि, “अ़ङ्‌का काछुत्‌ओ अ़चुमिन्‍मावा च़मा खोन्‍कि खोक्‍कोसोओ अ़चुकाचि तामालामाङा अ़ङ्‌चामायु ओ।

छाम्‍माय़ङ 13:29

खोन्‍कि खोक्‍कोसोओ अ़तुक्‌वादा म़छाप्‍ताओ झारा य़ङ्‌चि म़तासुलोचिकि खोचिआ येसु क्रुस्‌दाङ्‌का अ़धान्‍ता, खोन्‍कि एप्‍मादा अ़युङ्‌सा।