युहन्‍ना 19:27 - बान्‍तावा राई

²⁷ खोन्‍कि मो काखेङ्‌पाछाङ अ़लोवा, “खाखो, आम्‍मा!” मोन्‍ग़रिदाङ्‌का मो काखेङ्‌पाआ मो आप्‍पिओ अ़खिम्‌दा खात्‍तु।

युहन्‍ना 19:27 ပူးပေါင်းရင်းမြစ်များ

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

मर्कुस 3:34

खोन्‍किना खोक्‍कोसाआ अ़चुऱङ्‌कोप्‍नि म़युङाङाओ म़नाचिह्‍यात्‍नि म़खाचिकि म़य़ङा, “खानुम! अ़ङ्‌मा खोन्‍कि अ़ङ्‌निछाचि ओचिङा ओ!

लुका 18:28

पत्रुस्‌आ येसु अ़लोवा, “खानुम, आन्‍कान्‍का झारा आन्‍काओ सामाचि छिरुम्दोम्‍च़म्‍काकि खानानिन त़ङ्‌निङ्‌नि।”

युहन्‍ना 1:11

खोक्‍को आप्‍पिओ अ़चुम़नाचिएदा म़ता, मेन खोक्‍कोसोओ अ़चुओ म़नाचिआङा खोक्‍को मान्‍लोक्‌अ़दा।

युहन्‍ना 16:32

खानुम, ग़रि तायाङ, अ़नुछ्‍याङा ताचिआयुङ्‌सा, खानानिन त़रिसिन्‍खारिन खोन्‍कि झारा आम्‍नुओ खिम्‌दा त़खारिन, खोन्‍कि अ़ङ्‌का ओन्‍ङा त़छित्‍ङादाङाऩङ। खोन्‍नुछाङ अ़ङ्‌का आप्‍पि ओन्‍ङा अ़लिऩङ, देकिनालो अ़ङ्‌पापा अ़ङ्‌काएनान म़युङ्‌याङ।

छाम्‍माय़ङ 21:6

खोन्‍किना आन्‍कान्‍का अ़क्‍छा निएदा हासिन्‍चिन्‍का खोन्‍कि वाप्‍तेलादा आन्‍कान्‍का वाङिन्‍का, खोन्‍कि खोचि अ़चुखिम म़लासा।