युहन्‍ना 19:11 - बान्‍तावा राई

¹¹ येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

युहन्‍ना 19:11 ပူးပေါင်းရင်းမြစ်များ

मत्‍ति 26:65

खोन्‍किना मुलो काब़क्‍पाआ अ़तित रेउकि य़ङा, “ओसाआ ना निनाम्‍हाङ्‌ओ अ़सायापेप्‍तुङु। आन्‍कान हान नि च़लोक दि सालुम्‍स़ङ्‌चि म़दोत कि? ओसाआ निनाम्‍हाङ्‌ओ अ़सायापेप्‍तुओ खानानिन्‌आ त़एनुम्‌युङ्‌सुम!

मत्‍ति 27:2

खोन्‍किना मोचिआ येसु अ़छ़साकि रोमि धिखाहुप काखाङ पिलातस्‌एदा अ़खात्‍ता।

मत्‍ति 6:13

खोन्‍कि आन्‍कान्‍का चिन्‍माखाङ्‌मादा छुक्‍मा मान्‍प़दानि, मेन अ़अ़त्‍पादाङ्‌का लेन्‍नि। (देकिनालो हाङ्‌होन, सावा खोन्‍कि तोक्‍पो ऩङ अ़धुन खानानिन्‌एदाङा युङ्‌याङ। ओवात्‍निङा लिने।)

मर्कुस 14:44

मोन्‍ग़रि खोक्‍को काधान्‍पा युहुदाआ मोचि अ़क्‌तात बुन प़युङ्‌सुचि, “खाक्‍को म़ना अ़ङ्‌का चुप्‍मा मेत्‍तुङ, मोङा ओ, मो लावानुम खोन्‍कि रात्‍ताखात्‍तानुम।”

लुका 22:53

अ़ङ्‌का अ़लेन्‍खिन्‍तुम निनाम्‍हाङ ब़क्‍खाखिम्‌दा खानानिन्‌एनान्‌ङा युङाङ्‌याङ्‌हिदा खानानिन्‌आ अ़ङ्‌का मान्‍लाप्‍त़दाङ्‌ऩङ! मेन हान ना आम्‍नुओ काचि मुमा ग़रि, खोन्‍कि कुन्‌यामाओ अ़सावाआ हाङ मुमा ग़रि ता।”

युहन्‍ना 18:13

बुया मोचिआ खोक्‍को हन्‍नास्‌एदा अ़खात्‍ता, खो कैयाफाओ अ़छादिवा याआङा। मो कैयाफा मो दोङ्‌दाओ मुलो काब़क्‍पा याआङा।

युहन्‍ना 18:3

मोन्‍ग़रि मुलो काब़क्‍पाचिआ खोन्‍कि फरिसिचिआ म़छुत्‍तुचिओ रोमि रात्‍खामिचिओ अ़क रुहुप खोन्‍कि निनाम्‍हाङ ब़क्‍खाखिम्‌दाओ काहुङ्‌चि तारुचिकि यहुदा मोदा तादिसा। मोचि कुपि, बास़ङ मि खोन्‍कि बान्‍छुबिछुचि म़खुयाङा।

युहन्‍ना 19:10

खोन्‌ओसा, पिलातस्‌आ खोक्‍को लो, “दि खाना अ़ङ्‌काएनान त़चेप्‍नान? दि खाना लेत्‍मा पाङ अ़ङ्‌काएदा याक्‌याङ, खोन्‍कि खाना क्रुस्‌दा ख़न्‍मा पाङ्‌छाङ अ़ङ्‌काएदा याक्‌याङ निकिना खाना त़सिन्‍तुन्‌योन?”

युहन्‍ना 3:27

युहन्‍नाआ लासुलोचि, “निनाम्‍हाङ्‌आ मान्‍प़माङ्‌तारि साङ्‌आछाङ दित्‍छाङ मुमा अ़ऱन।

युहन्‍ना 7:30

खोन्‌ओसा मोचिआ खोक्‍को लाप्‍मा अ़लाप्‍ता, मेन साङ्‌आछाङ खोक्‍को छुक मान्‍पाक्‌अ़दा, देकिनालो खोक्‍कोसोओ अ़चुग़रि हान्‍छाङ मान्‍तायुक्‍ता।

युहन्‍ना 9:41

येसुआ मोचि म़लासुलोचि, “खानानिन दोप्‍म़क्‌चि ओनालो हेवाओ लाहिदा मान्‍छुक्‍त़दान्‌ओ, मेन खानानिन ‘आन्‍कान्‍का खा-खान्‍का’नि त़य़ङिन, खोन्‌ओसा आम्‍नुओ हेवा युङ्‌याक।”

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

छाम्‍माय़ङ 4:28

खानानिन्‌आ बुयाङा अ़छ़ङ त़मुम्‌ओ आम्‍नुओ मिन्‍मा खोन्‍कि मित्‍चिऩङ्‌वात्‍नि मोचिआ झारा अ़मुवा।

रोमि 11:36

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

रोमि 13:1

हाङ्‌काचि कामुचिओ अ़चुपाङ्‌दा झारा युङ्‌मादोत। निनाम्‍हाङ्‌दाङ्‌का ताओ पाङ्‌दाङ्‌का नि खाक्‍कोछाङ पाङ मात्‍द़ङ। खाक्‍को हाङ्‌काचि कामुचि म़युङ्‌याङ, मोचि निनाम्‍हाङ्‌आ म़पाउचिओ।

याकुब 1:17

झारा अ़नुवाक प़मायु खोन्‍कि अ़छ़ङ आसिखा निनाम्‍मादुङ्‌काओ, मो आसिखा निनाम्‍मादुओ साम कामुन्‍पा निनाम्‍हाङ्‌आ म़प़। खोक्‍को सोत्‍नान्‍लुक्‍नान्‍चिन्‌ओ लावाछामित्‌वात्‍नि अ़फान्‍नान्‍चिमिन।

याकुब 4:17

खोन्‌ओसा साङ नुलोक च़मा लेकिछाङ अ़च़निन, खो हेवा मु।