युहन्‍ना 18:4 - बान्‍तावा राई

⁴ खोन्‍कि खोक्‍कोएदा लिमा मुवाङाओ झारा य़ङ अ़सिन्‍ताकि येसु मोचिओ अ़चुबुदा म़खारा खोन्‍कि म़सेनुचि, “खानानिन्‌आ साङ त़लामुम्‌योम?”

युहन्‍ना 18:4 ပူးပေါင်းရင်းမြစ်များ

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 26:2

“खानानिन त़सिन्‍तुम्‌योम, हान ह्‍वालेन्‌कि काक्‍माखात्‍मा चानुचा तायाङ, खोन्‍किना म़नाओ अ़छा क्रुस्‌दा क़ङ्‌मासेत्‍मा निम्‍पाङ म़नाचिओ अ़चुछुक्‌दा म़प़चि।”

मत्‍ति 26:21

खोचि म़चाङाओ ग़रि येसुआ म़लोचि, “अ़नुछ्‍या अ़ङ्‌का खानानिन लोनानिन, खानानिन्‌एदाओ अ़क्‍छाआ अ़ङ्‌का अ़धान्‍ङा।”

मत्‍ति 26:31

खोन्‍किना येसुआ अ़चुकाखेङ्‌पाचि म़लोचि, “खानानिन झारासा आय़खाखुत त़छित्‍ङादाङाऩङ, देकिनालो ओवात्‍नि छाप्‍तायुङ्‌सा, ‘अ़ङ्‌का अ़ङ्‌भेरा काखाङ धात्‍तुङ, खोन्‍कि भेराओ अ़लोकाचि फात्‍ताफेला म़लि।’

लुका 24:44

खोक्‍कोसाआ मोचि म़लोचि, “खानानिन्‌एनान युङाङ्‌याङ्‌हिदा अ़ङ्‌का चेवाङ्‍ओ य़ङ्‌चि ओचिङा ओ: मोसाओ अ़य़ङ्‌हुप, निनाम्‍हाङ्‌य़ङ खाकालुचिओ छाप्‍लाखा खोन्‍कि साम्‍ऱङ्‌भुङ्‍ओ छाप्‍लाखादा छाप्‍ताओ अ़ङ्‌तुक्‌वादाओ झारा य़ङ्‌चि तामालामाङादोत।”

युहन्‍ना 13:1

काक्‍माखात्‍मा चानुचाओ बुया, ओ हेन्‍खामा छित्‍मादामाकि पापा निनाम्‍हाङ्‌एदु खात्‍मा खोक्‍कोसोओ अ़चुग़रि तादिसायुङ्‌सानि येसुआ अ़सिन्‍ता। खोन्‍कि ओ हेन्‍खामादाओ अ़चुकाखेङ्‌चि अ़धुन सोमाम़तुक्‍तुचि, खोन्‍कि खोक्‍कोसाआ झारा अ़चुसोम्‍तुक्‍माआ मोचि सोमाम़तुक्‍तुचि।

युहन्‍ना 13:11

देकिनालो साङ्‌आ खोक्‍को धान्‍मा मुङु, मो खोक्‍कोसाआ अ़सिन्‍ताङा। खोन्‌ओसा खोक्‍कोसाआ म़लोचि ओ, “खानानिन्‌एदा अ़क्‍छादाङ्‌का झारा त़सेङिन्‌येन।”

युहन्‍ना 18:5

मोचिआ खोक्‍को अ़लासालोवा, “नासरत्‌ओ येसु।” येसुआ मोचि म़लासुलोचि, “अ़ङ्‌का खोङा ओ।” खोक्‍को कालाप्‍प़पा यहुदाछाङ मोचिएनान एवाङा।

युहन्‍ना 18:7

खोक्‍कोसाआ मोचि म़लासुसेनुचि, “खानानिन साङ त़लामुम्‌योम ओ?” मोचि म़य़ङा, “नासरत्‌ओ येसु।”

युहन्‍ना 19:28

खोन्‍किना येसुआ झारा अ़चुकाचि हान चिआ निकिना अ़सिन्‍ता, खोन्‍कि साम्‍कालिन्‌दाओ य़ङ तालाने निम्‍पाङ, “अ़ङ्‌का वामित्‍मा सुवाङ” नि खोक्‍को म़य़ङा।

युहन्‍ना 6:64

मेन खानानिन्‌एदाओ देम्‍पाङ्‌साआ अ़ङ्‌का साकोङ्‌छ़ङ्‌ङा त़मुऩङ्‌ऩम़ङ।” येसु ओवात्‍नि म़य़ङा, देकिनालो साकोङ्‌छ़ङ मान्‍मुकादाचि साङ-साङ ओ, खोन्‍कि खोक्‍को काधान साङ लि निकिना खोक्‍कोसाआ बुयादाङ्‌काङा अ़सिन्‍ताङा।

छाम्‍माय़ङ 2:28

खानानिन अ़ङ्‌का ह़ङ्‌खालाम खाङ्‌त़मेत्‍नियुङ्‌नि। खानानिन्‌आ अ़ङ्‌का आम्‍नुओ बुदा ब़द्‍धे अ़ङ्‌ऩङा त़नुङाऩङ।’

१ पत्रुस 4:1

ख्रिस्‍तआ अ़चुपोक्‌दा दुखा अ़आङ्‌ताओसा खानानिन्‌छाङ येसुआवात्‍नि मिनानिन। देकिनालो साङ्‌आ अ़पोक्‌दा दुखा आङ्‌तुयुङ्‌सु, मोसाआ हेवा मुमा छिरुयुङ्‌सु।