युहन्‍ना 18:32 - बान्‍तावा राई

³² खोक्‍कोसोओ अ़चुस़मा खाउ पाराआ लिओ मोसोओ अ़तुक्‌वा खाङ्‌मुयाङ्‌सा येसु म़चेवाओ य़ङ तालाने निकिना ओवात्‍नि लिसाओ।

युहन्‍ना 18:32 ပူးပေါင်းရင်းမြစ်များ

मत्‍ति 20:19

खो सुङ्‌मा, य़हुप पाक्‍मा खोन्‍कि क्रुस्‌दा ख़न्‍मा निम्‍पाङ मोचिआ खो निरावाचिओ अ़चुछुक्‌दा अ़पाक, खोन्‍कि सुम्‌कालेन्‌दा खो स़दाओदाङ्‌का लाखोन्‍लोन।”

मत्‍ति 26:2

“खानानिन त़सिन्‍तुम्‌योम, हान ह्‍वालेन्‌कि काक्‍माखात्‍मा चानुचा तायाङ, खोन्‍किना म़नाओ अ़छा क्रुस्‌दा क़ङ्‌मासेत्‍मा निम्‍पाङ म़नाचिओ अ़चुछुक्‌दा म़प़चि।”

मर्कुस 10:33

“एनानुम, आन्‍कान यरुसलेम्‌ह्‍यात्‍नि खारिन्‌येन। मोदा म़नाओ अ़छा मुलो काब़क्‍पाचि खोन्‍कि य़ङ्‌हुप काचिन्‍पाचिओ अ़चुछुक्‌दा अ़पाक। मोचिआ खो सेत्‍मादोत निकिना लाहि अ़पाक, खोन्‍कि निरावाचिओ अ़चुछुक्‌दा अ़पाक।

युहन्‍ना 10:31

यहुदिचिआ खोक्‍को वेन्‍मासेत्‍मा निम्‍पाङ लुङ्‌चि अ़लासा कुआ।

युहन्‍ना 10:33

यहुदिचिआ खोक्‍को अ़लासालोवा, “अ़नुवाक काचिओसा आन्‍कान्‍काआ खाना लुङ्‌आ वेन्‍मा लामिन्‌येन्‍काओ माआङ, मेन निनाम्‍हाङ्‌ओ अ़चुसाया त़पेप्‍तुओसा ओ। देकिनालो खाना म़ना त़मुकिछाङ आप्‍पि निनाम्‍हाङ त़मुनानान्‍चिन।”

युहन्‍ना 13:18

अ़ङ्‌का खानानिन झारासोओ आम्‍नुओ तुक्‌वादा य़ङ्‌ङाङाओ माआङ। अ़ङ्‌का साङ छेन्‍तुङ्‌युङ्‌सुङ, मो अ़ङ्‌का सिन्‍तुङ। मेन ‘अ़ङ्‌काएनान अ़क्‍नि पेम्‍पाक काचा अ़ङ्‌देङ्‌सालाप्‍पादा पुवालोन्‍ता’ नि साम्‍कालिन्‌दा छाप्‍ताओ य़ङ तालाने निम्‍पाङ ओवात्‍नि लिसा।

युहन्‍ना 18:31

पिलातस्‌आ मोचि लोचि, “खानानिन ओक्‍को आप्‍पि खात्‍तानुम, खोन्‍कि आम्‍नुओ य़ङ्‌हुप्‌वा ओसोओ अ़छ़ङ छेन्‍तानुम।” मेन यहुदि बुसुवाचिआ खो अ़लोवा, “खाक्‍कोछाङ म़ना सेत्‍मा आन्‍कान्‍का आम्‍नुओ य़ङ्‌हुप्‌आ अ़प़न्‍मिन्‍का।”

युहन्‍ना 21:19

खाक्‍को पाराओ स़मालाम्‍पा खोसाआ निनाम्‍हाङ्‌ओ अ़चुऩङ अ़लोङ्‍ओ, मो खाङ्‌मुयाङ्‌सा खोक्‍कोसाआ ओ म़य़ङाओ। खोन्‍किना ओन म़य़ङाकि खोक्‍कोसाआ खो अ़लोवा, “अ़ङ्‌का त़ङ्‌ताङ।”

युहन्‍ना 3:14

देत्‍नि निनाम्‍हाङ्‌य़ङ खाकालु मोसाआ लेक्‍लेक्‍लेक्‌वाओदा ताबोओ प़ खाबोदा थेन्‍तु, मोवात्‍निङा म़नाओ अ़छा मोचिआ थेन्‍मादोत।

युहन्‍ना 8:28

खोन्‌ओसा येसुआ म़लोचि, “खाउग़रि खानानिन्‌आ म़नाओ अ़छा धाना त़थेन्‍तुम, मोन्‍ग़रि अ़ङ्‌का खोक्‍कोङा ओ निकिना खानानिन्‌आ त़सिन्‍तुम। खोन्‍कि अ़ङ्‌का अ़ङ्‌पाङ्‍आ दित्‍छाङ अ़मुऩङ, मेन अ़ङ्‌पापाआ ऩचिन्‍ताङ्‍ओ य़ङ्‌चि ओन्‍ङा चेउङ्‌च़ङ।

छाम्‍माय़ङ 7:59

म़नाचिआ स्‍तिफनस लुङ्‌ताक्‌आ अ़कोआङाहिदा स्‍तिफनस यामारा, “हाङ्‌पा येसु, अ़ङ्‌लावा लोआनुम!”

गलाति 3:13

आन्‍को निम्‍पाङ माङ्‌हिम म़लिसाकि य़ङ्‌हुप्‌आ तारुओ माङ्‌हिम्‌दाङ्‌का ख्रिस्‍तआ आन्‍कान म़लेइसा, देकिनालो “स़ङ्‌दा क़ङ्‌माय़ङ झारा माङ्‌हिम लि”नि छाप्‌याङ।