युहन्‍ना 18:28 - बान्‍तावा राई

²⁸ खोन्‍किना मोचिआ येसु कैयाफास्‌ओ अ़खिम्‌दाङ्‌का रोमि हाङ्‌मुखा खिम्‌ह्‍यात्‍नि अ़खात्‍ता। मोन्‍ग़रि अ़वाय़ङ्‌साऱङ लिसायुङ्‌सा। पोप्‍तिन्‌कि काक्‍माखात्‍मा चानुचा चामा अ़तोक्‍तिमिन निकिना मोचि रोमि हाङ्‌मुखा खिम्‌दा मान्‌वाङ्‌चि।

युहन्‍ना 18:28 ပူးပေါင်းရင်းမြစ်များ

मत्‍ति 27:27

खोन्‍किना पिलातस्‌ओ अ़रात्‍खामिचिआ येसु धिखाहुप काखाङ्‌ओ अ़हाङ्‌मुखादा अ़खात्‍ता, खोन्‍कि झारा रात्‍खामि रुहुप्‌चि अ़चुऱङ्‌कोप्‍नि म़कोउचि।

मर्कुस 15:16

खोन्‍किना रात्‍खामिचिआ येसु प्रेतोरियन माङ्‌लो हाङ्‌काचि कामुओ अ़हाङ्‌मुखादा अ़खात्‍ता, खोन्‍कि खोचिआ झारा रात्‍खामि रुहुप्‌चि म़बुत्‍तुचि।

लुका 22:66

खादाराकि म़नाचिओ अ़चुबुसुवाचि, मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचि म़कोवान्‍चिन्‌कि येसु धियायोक्‍खादा अ़खात्‍ता।

युहन्‍ना 11:55

यहुदिचिओ अ़चुकाक्‍माखात्‍मा चानुचा नेक्‍ताताङा, खोन्‍कि तेन-तेन्‌दाङ्‌का ब़द्‍धेकापाङ खोचि आप्‍पि सेङ्‌नान्‍चिन्‍सि काक्‍माखात्‍मा चानुचा पुङ्‌मा बुया यरुसलेम्‌दा म़खारा।

युहन्‍ना 18:13

बुया मोचिआ खोक्‍को हन्‍नास्‌एदा अ़खात्‍ता, खो कैयाफाओ अ़छादिवा याआङा। मो कैयाफा मो दोङ्‌दाओ मुलो काब़क्‍पा याआङा।

युहन्‍ना 18:15

सिमोन पत्रुस खोन्‍कि येसुओ नि अ़क्‍छा अ़चुकाखेङ्‌पाआ येसु त़ङ्‌मा अ़पुङ्‌साचु। मो नितात काखेङ्‌पाआ मुलो काब़क्‍पा सिन्‍तुङु, खोन्‍कि येसुएनान मुलो काब़क्‍पाओ अ़बुक्‍लुङ्‌दा वाङा।

युहन्‍ना 18:33

पिलातस हाङ्‌मुखा खिम्‍हुत्‌दा लासावाङा, खोन्‍कि खोसाआ येसु बुत्‍तुकि सेनु, “दि खाना यहुदिचिओ अ़चुहाङ ओ?”

युहन्‍ना 18:39

काक्‍माखात्‍मा चानुचादा अ़ङ्‌का आम्‍नुओ निम्‍पाङ अ़क्‍छा छेक्‌याङ्‌ओ लेत्‍माप़मा च़माथाङ्‌मा युङ्‌याङ। दि खानानिन, ‘यहुदिचिओ अ़चुहाङ’ लेत्‍नाप़नानिन्‍नेनि त़मिनिन्‌येन?”

युहन्‍ना 19:11

येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

युहन्‍ना 19:14

मोन्‍ग़रि काक्‍माखात्‍मा चानुचा चुम्‍मान्‍चिन्‌ओ लेन मुवाङा। अ़खोलेन्‌ओ आप्‍फात बार साङायुङ्‌सा। पिलातस्‌आ यहुदिचि लोचि, “खानुम, आम्‍नुओ हाङ!”

युहन्‍ना 19:9

खो खिम्‍हुत्‌दा वाङा खोन्‍कि येसु सेनु, “खाना खादा ओ?” मेन येसुआ खोसोओ अ़य़ङ मान्‍लाअ़दा।

छाम्‍माय़ङ 10:28

खोन्‍कि खोसाआ मोचि लोचि, “अ़क्‍छा यहुदिआ ओवात्‍नि निरावाचिएनान यावा मुमा खोन्‍कि अ़चुखिम्‌दा वाङ्‌मा आन्‍काओ य़ङ्‌हुप्‌ओ अ़देङ्‌सालाप्‍पा ओ निकिना खानानिन्‌आ नुलोक त़सिन्‍तुम्‌योम। मेन निनाम्‍हाङ्‌आ साङ्‌छाङ अ़सेङ्‌निनिन्‌ओनि अ़मित्‍तिमिन निकिना अ़ङ्‌का खाङ्‌ऩमेत्‍ताङ्‌युङ्‌साङ।

छाम्‍माय़ङ 10:32

खोन्‌ओसा योप्‍पा सहरादा पत्रुस्‌निओ सिमोन बुत्‍सि म़नाचि छुत्‍तुखाइसुचि, खो धियाङ्‌वामाओ अ़केम्‌दा साहोक्‌वाओ काचि कामु सिमोन्‌ओ अ़खिम्‌दा युङ्‌याङ।’

छाम्‍माय़ङ 11:3

खोन्‍कि मोचिआ अ़लोवा, “खाना सिप्‍मायाम्‍बुन मान्‍मुकादा निरावाचिओ अ़चुखिम्‌दा त़खाराकि मोचिएनान देकि त़चा?”

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

छाम्‍माय़ङ 4:27

अ़नुछ्‍याङा खानानिन्‌आ त़छेन्‍तुम्‌ओ म़सेङ्‌याङ्‌ओ आम्‍नुओ हारुक येसुओ अ़चुदेङ्‌सालाप्‍पादा थालि बाङ्‌सि हाङ हेरोद खोन्‍कि पन्‍तियस पिलातस इस्राएलि म़नाचि खोन्‍कि निरावाचिएनान म़तोङाकि ओ सहरादा म़कोवान्‍चिन।