युहन्‍ना 17:23 - बान्‍तावा राई

²³ अ़ङ्‌का मोचिएदा खोन्‍किना खानानिन अ़ङ्‌काएदा, खोन्‍कि मोचि झारा अ़क्‌तात म़लिने, खोन्‍किना खानानिन्‌आ अ़ङ्‌का त़छुत्‍निओ, खोन्‍किना अ़ङ्‌का सोमा त़तुक्‍निओवा खानानिन्‌आ मोचिछाङ सोमात़तुक्‍तुम्‍च़म्‌ओ हेन्‍खामाआ मो सिन्‍तुने।

युहन्‍ना 17:23 ပူးပေါင်းရင်းမြစ်များ

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 13:35

खानानिन्‌आ अ़क्‍छा निएदा सोमातुक्‍कातुक त़मुन्‌नालो ओवात्‍नि झारा म़नाचिआ खानानिन अ़ङ्‌काखेङ्‌पाचिओनि अ़सिन।”

युहन्‍ना 14:10

अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।

युहन्‍ना 14:23

येसुआ अ़लासालोवा, “साङ्‌आ अ़ङ्‌का सोमाअ़तुक्‍ङा, मोसाआ अ़ङ्‌चेम्‍मा य़ङ्‌चि मुचि, खोन्‍कि अ़ङ्‌पापाआ मो सोमाअ़तुक, खोन्‍कि आन्‍काचिआ मोएदा ताच्‍या, खोन्‍कि मोएदा याक्च्‍या।

युहन्‍ना 15:9

अ़ङ्‌पापाआ देत्‍नि अ़ङ्‌का सोमाऩतुक्‍ताङ्‌युङ्‌साङ, अ़ङ्‌काछाङ मोवात्‍नि खानानिन सोमातुक्‍नायुङ्‌नानिन। खानानिन अ़ङ्‌सोमातुक्‍मादा याआनिन।

युहन्‍ना 16:27

देकिनालो अ़ङ्‌पापा आप्‍पिआ खानानिन सोमाऩतुक्‍तिन, देकिनालो खानानिन्‌आ अ़ङ्‌का सोमा त़तुक्‍ताङ्‌ऩङ, खोन्‍कि अ़ङ्‌का निनाम्‍हाङ्‌दाङ्‌का ताङ्‌ओ निकिना साकोङ्‌छ़ङ त़मुनियुङ्‌नि।

युहन्‍ना 17:11

अ़ङ्‌का हान हेन्‍खामादा ब़द्‍धे अ़युङ्‌ऩङ, मेन ओचि ना हेन्‍खामादा म़युङ। अ़ङ्‌का खानानिन्‌एदा ताङाङा। त़सेङिन्‌येन्‌ओ आपो, खानानिन्‌आ त़प़निओ म़नाचि आम्‍नुओ सावाआ रात्‍तानुम्‍च़म, खोन्‍कि आन्‍कान्‌वात्‍निङा मोचिछाङ अ़क्‌तात म़लिने।

युहन्‍ना 17:21

मोवात्‍नि मोचि झारा अ़क्‌तात म़लिने। आपो, देत्‍नि खानानिन अ़ङ्‌काएदा त़याइन्‌येन, खोन्‍कि अ़ङ्‌का खानानिन्‌एदा मोवात्‍निङा मोचिछाङ आन्‍काचिएदा म़याक्‍ने, खोन्‍कि खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना हेन्‍खामादाओ म़नाचि साकोङ्‌छ़ङ म़मुने।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

युहन्‍ना 17:26

अ़ङ्‌का खानानिन मोचिएदा खाङ्‌मुनायुङ्‌नानिन, खोन्‍कि अ़ङ्‌का अ़धुन ओवात्‍नि च़ङायुङ्‌ङा, मोवात्‍नि मो सोमातुक्‍माआ अ़ङ्‌का खानानिन्‌आ सोमात़तुक्‍नियुङ्‌नि, मो मोचिएदा याक्‍ने, खोन्‍कि अ़ङ्‌का मोचिएदा याक्‍ङाने।”

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 3:17

निनाम्‍हाङ्‌आ हेन्‍खामा लाहि पाक्‍माओ निम्‍पाङ अ़चुछा हेन्‍खामादा मान्‌य़अ़दा, मेन हेन्‍खामा खोक्‍कोलाम्‍पा लेन्‍ने निकिना अ़य़सा।

युहन्‍ना 6:56

अ़ङ्‌पोक काचा खोन्‍कि अ़ङ्‌ह़ कादुङ अ़ङ्‌काएदा युङ, खोन्‍कि अ़ङ्‌का मोएदा युङ्‌ङा।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

फिलिप्‍पि 3:15

आन्‍कान लावामिदा पोयिन्‌ओचि झारा ओवाको मिन्‍माओ मुन्‍ने। मेन खानानिन दि-दिसु य़ङ्‌दा नि मिन्‍माओ त़मुन्‌येन्‌नालो निनाम्‍हाङ्‌आ खानानिन मोछाङ नुलोक तुप्‍मा ऩप़न।

कलस्‍सि 1:28

ख्रिस्‍त कात़ङ झारा म़नाचि आन्‍कान्‍का निनाम्‍हाङ्‌ओ अ़चुबुदा खात्‍तुम्‌योम्‍च़म्‍काहिदा खोचि म़पोन्‍चिन्‍ने निकिना आन्‍कान्‍का झारा म़नाचि चाप्‍चेत्‌याङ्‌सा खोन्‍कि झारा खारुदा चिन्‌याङ्‌सा ख्रिस्‍तओ अ़तुक्‌वादा खालुसुम्‍का।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

कलस्‍सि 3:14

ओ झारादाङ्‌का च़लोक सोम्‍तुक्‍मा लोआनुम, मोसाआ खानानिन झारा अ़क्‌तात लिमादा अ़क्‍नि म़छुम।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।

खाङ्‌मुमा 3:9

खानुम! सैतानाओ अ़रुहुप्‌दाओ अ़तुक्‌वादा अ़ङ्‌का दे मुङ्‌च़ङ, खानानिन त़खाम। मोचिआ खोचि यहुदिनि ना म़लोनानान्‍चिन, मेन मोचि यहुदिचि माआङ, मोचि काम़प्‌चि ओ। अ़ङ्‌का मोचि तासुङ्‌च़ङ खोन्‍कि आम्‍लाङ्‌दा बोम्‍मेत्‍तुङ्‌च़ङ, मोलाम्‍पा खानानिन सोमातुक्‍नानिन निकिना मोचि तुप्‍मेत्‍तुङ्‌च़ङ।