युहन्‍ना 17:19 - बान्‍तावा राई

¹⁹ खानानिन ब़त्‍सि आम्‍नुओ अ़छ़ङ य़ङ्‌आ मोचि सेङ्‌मा ऱचिने निकिना अ़ङ्‌का आप्‍पि मोचिओ निम्‍पाङ अ़ङ्‌का हेन्‍खोक्‌वावा प़ङ।

युहन्‍ना 17:19 ပူးပေါင်းရင်းမြစ်များ

युहन्‍ना 10:36

अ़ङ्‌का ‘निनाम्‍हाङ्‌ओ अ़चुछा ओ’नि य़ङाङ्‌हिदा देत्‍नि निनाम्‍हाङ्‌ओ अ़चुसाया पेप्‍तुङ्‌नि त़लोनि? अ़ङ्‌का पापा निनाम्‍हाङ्‌आ ऩछेन्‍ताङ्‌कि हेन्‍खामादा ऩय़साङ्‌ओ म़ना ओ।

युहन्‍ना 15:13

यावाचिओ निम्‍पाङ आप्‍पि स़माप़मादाङ्‌का तोक्‍पो सोमातुक्‍मा नि खाक्‍कोछाङ मात्‍द़ङ।

युहन्‍ना 15:3

अ़ङ्‌का खानानिन लोनानिन्‌ओ य़ङ्‌आ खानानिन बुयाङा त़सेङिन्‌युङ्‌सिन।

युहन्‍ना 17:17

आम्‍नुओ य़ङ अ़छ़ङ ओ। आम्‍नुओ अ़छ़ङ य़ङ्‌लाम्‍पा मोचि खानानिन ब़त्‍सि सेङ्‌सानुम्‍च़म।

युहन्‍ना 17:20

अ़ङ्‌का काखेङ्‌चिओ निम्‍पाङ ओन्‍ङा याअ़मात्‍ऩङ, मेन मोचिओ अ़चुनुय़ङ्‌खान्‌लाम्‍पा अ़ङ्‌काएदा साकोङ्‌छ़ङ कामुचिओ निम्‍पाङ्‌छाङ यामात्‍ङा,

१ कोरिन्‍थि 1:2

अ़ङ्‌का ओ छाप्‍लावा खानानिन कोरिन्‍थ सहरादा कायुङ निनाम्‍हाङ्‌ओ अ़चुसाम्‍भुङ्‌चिदा छाप्‍नाङ्‌नानिन। खानानिन निनाम्‍हाङ्‌आ अ़चुओ म़सेङ्‌याङ्‌ओ म़नाचि लिसि ऩबुत्‍तिन। हाङ्‌पा येसु ख्रिस्‍तओ अ़चुऩङ काबुत झारादात्‍निओ म़नाचि खोक्‍कोसाआ म़सेङ्‌सुचिओवात्‍नि खानानिन्‌छाङ ख्रिस्‍त येसुलाम्‍पा सेङ्‌लो ऩमुन्‌युङ्‌सिन। येसुङा मोचिओ खोन्‍कि आन्‍हाङ्‌पा म़युङ्‌याङ।

२ कोरिन्‍थि 4:15

देकिनालो ओ झारा आम्‍नुओ निम्‍पाङ्‌ङा म़लिसाओ ओ, खोन्‌ओसा सोम्‍तुक्‍मा ब़द्‍धे म़नाचिएदा फेकि आलाङ प़माय़ङ पोन्‌याङ्‌सा खात्‌कि निनाम्‍हाङ्‌ओ अ़चुऩङ अ़लोङ्‌ने।

२ कोरिन्‍थि 7:14

देकिनालो खोसोओ अ़बुदा आम्‍नुओ तुक्‌वादा तोक्‍पो लिसाङ्‌नुछाङ, अ़ङ्‌का खानानिन्‌आ लेजो मान्‍मेत्‍त़दाङ्‌ऩङ। मेन देत्‍नि आन्‍कान्‍का खानानिन लोनिओ झारा य़ङ्‌चि अ़छ़ङ म़मुवाङा, मोवात्‍निङा तितस्‌ओ अ़बुदा आम्‍नुओ तुक्‌वादा आन्‍कान्‍का तोक्‍पो लिसिन्‍काओ य़ङ्‌छाङ अ़छ़ङ लिसायुङ्‌सा।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

कलस्‍सि 1:6

निनाम्‍हाङ्‌ओ अ़नुछ्‍याओ अ़चुसोम्‍तुक्‍मा खानानिन्‌आ त़एनुम्‌कि त़तुप्‍तुम्‌ओ लेन्‌दाङ्‌का नुय़ङ्‌खान्‌आ आम्‍नुओ रादा अ़सिवा सिसुङु। मोवात्‍निङा ओ नुय़ङ्‌खान्‌आ झारा हेन्‍खामादा फेयाङ्‌सा काचि मुङु।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 10:29

खानानिन मित्‍तानुम, निनाम्‍हाङ्‌ओ अ़चुछा अ़लाङ्‌थेम भेन्‌यु कानेप्‌चि, खाक्‍को ह़आ म़सेङ खोन्‍कि निनाम्‍हाङ्‌ओ अ़चुय़ङ्‌छ़ङ अ़छ़ङ मु, मो ख्रिस्‍तओ अ़चुह़ दिसुवा मान्‍मित्‍कादा खोन्‍कि सोमाकातुक सेङ्‌लावा कासुङ्‌चिआ देम चात्‍लो दन्‍दा अ़तोक?

हिब्रु 2:11

हेवादाङ्‌का म़ना कासेङ येसु खोन्‍कि म़सेङ्‌सुओचि झारासोओ अ़चुपा अ़क्‍छाङा ओ। खोन्‌ओसा येसुआ मोचि निछानि लोमादा अ़चुलेजो अ़कात्‍निन।

हिब्रु 9:13

मेनेत्‍पा खोन्‍कि बोयोङ्‌चिओ अ़चुह़ खोन्‍कि बाछिओ अ़थाबुत म़नाचिएदा थोत्‌हिदा अ़चुच़माथाङ्‌मावा म़नाचिओ अ़चुपोक्‌चि अ़सेङ्‌निनिन्‌ओदाङ्‌का सेङ।

हिब्रु 9:18

खोन्‌ओसा बुयाओ हिप्‍माय़ङ्‌छाङ साक्‍स़ङ्‌ओ अ़ह़ मात्‍द़ङ काचिदा पाक्‍मा मान्‍ऱ।

हिब्रु 9:26

माङ्‌नालोना हेन्‍खामाओ अ़पुङ्‌चिपुक्‌दाङ्‌काङा खोक्‍कोसाआ अ़दु-अ़दु अ़चाअ़त्‍मा आङ्‌मादोराओ। मेन ओ जुगाओ अ़देङ्‌दा खोक्‍कोसोओङा अ़चुहेन्‍खोक्‌वालाम्‍पा हेवा चुम्‍खाइसि खोक्‍को अ़धुन्‌ओ निम्‍पाङ अ़क्‍धुवा खाङ्‌म़मुसान्‌युङ्‌सान्‍चिन।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।

१ युहन्‍ना 3:3

खोन्‍कि खोक्‍को म़सेङ्‌याङ्‌वात्‍निङा खोक्‍कोएदा सोम्‍कुवा कामुचि झारा आप्‍पि म़सेङ्‌नान्‍चिन।