युहन्‍ना 17:1 - बान्‍तावा राई

¹ ओ य़ङ म़य़ङाचिआकि येसुआ निनाम्‍मादुत्‍नि खाङ्‌याङ्‌सा म़य़ङा, “आपो, ग़रि ताचिआयुङ्‌सा, आम्‍नुओ छाओ अ़ऩङ्‌लोङ्‌सानुम, खोन्‍कि आम्‍नुओ छाआ आम्‍नुओ ऩङ्‌लोङ्‌सुने।

युहन्‍ना 17:1 ပူးပေါင်းရင်းမြစ်များ

मर्कुस 14:41

खोक्‍को सुम्‌कादुओदु म़लासाता खोन्‍कि मोचि म़लोचि, “दि खानानिन हान्‍छाङ त़इम्‍सिन्‌येन खोन्‍कि सावात़तोम्‍सिन्‌येन? हान मोन्‍ङाने! खानुम, अ़ङ्‌का म़नाओ अ़छा धान्‍माकि हेवामिचिओ अ़चुछुक्‌दा पाक्‍माप़मा ग़रि ताचिआयुङ्‌सा!

लुका 18:13

मेन दाम्‍दु कालात अ़थाया एवाकि नाम्‍चोक्‌दुत्‍नि खाङ्‌माछाङ राक मान्‍मुमाङ अ़कोङ्‌कोम धात्‌याङ्‌सा ओवात्‍नि य़ङा, ‘निनाम्‍हाङ, अ़ङ्‌का हेवामिएदा सोमातुक्‍ताङ्‌ऩङ।’

लुका 22:53

अ़ङ्‌का अ़लेन्‍खिन्‍तुम निनाम्‍हाङ ब़क्‍खाखिम्‌दा खानानिन्‌एनान्‌ङा युङाङ्‌याङ्‌हिदा खानानिन्‌आ अ़ङ्‌का मान्‍लाप्‍त़दाङ्‌ऩङ! मेन हान ना आम्‍नुओ काचि मुमा ग़रि, खोन्‍कि कुन्‌यामाओ अ़सावाआ हाङ मुमा ग़रि ता।”

युहन्‍ना 11:4

मेन ओ अ़एनाकि येसु म़य़ङा, “ओ सारिमाआ स़मादा अ़तारुन्‍लान, मेन ओ निनाम्‍हाङ्‌ओ अ़चुऩङ लोङ्‌माओ निम्‍पाङ ओ। खोन्‌ओसा ओलाम्‍पा निनाम्‍हाङ्‌ओ अ़चुछाओ अ़चुऩङ लोङ्‌ने।”

युहन्‍ना 11:41

मोचिआ लुङ अ़चुमा। खोन्‍किना येसुआ धात्‍नि अ़चोआकिना म़य़ङा, “आपो, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ अ़ङ्‌यामात्‍मा त़एन्‍निप़नि।

युहन्‍ना 12:23

येसुआ म़लासुलोचि, “म़नाओ अ़छाओ अ़साऩङ्‌वा तोक्‍मा ग़रि तायुङ्‌सा।

युहन्‍ना 13:1

काक्‍माखात्‍मा चानुचाओ बुया, ओ हेन्‍खामा छित्‍मादामाकि पापा निनाम्‍हाङ्‌एदु खात्‍मा खोक्‍कोसोओ अ़चुग़रि तादिसायुङ्‌सानि येसुआ अ़सिन्‍ता। खोन्‍कि ओ हेन्‍खामादाओ अ़चुकाखेङ्‌चि अ़धुन सोमाम़तुक्‍तुचि, खोन्‍कि खोक्‍कोसाआ झारा अ़चुसोम्‍तुक्‍माआ मोचि सोमाम़तुक्‍तुचि।

युहन्‍ना 16:32

खानुम, ग़रि तायाङ, अ़नुछ्‍याङा ताचिआयुङ्‌सा, खानानिन त़रिसिन्‍खारिन खोन्‍कि झारा आम्‍नुओ खिम्‌दा त़खारिन, खोन्‍कि अ़ङ्‌का ओन्‍ङा त़छित्‍ङादाङाऩङ। खोन्‍नुछाङ अ़ङ्‌का आप्‍पि ओन्‍ङा अ़लिऩङ, देकिनालो अ़ङ्‌पापा अ़ङ्‌काएनान म़युङ्‌याङ।

युहन्‍ना 7:30

खोन्‌ओसा मोचिआ खोक्‍को लाप्‍मा अ़लाप्‍ता, मेन साङ्‌आछाङ खोक्‍को छुक मान्‍पाक्‌अ़दा, देकिनालो खोक्‍कोसोओ अ़चुग़रि हान्‍छाङ मान्‍तायुक्‍ता।

युहन्‍ना 7:39

ओ य़ङ खोक्‍कोसाआ सेङ्‌लावाओ अ़चुतुक्‌वादा म़य़ङाओ। मो सेङ्‌लावा खोक्‍कोएदा साकोङ्‌छ़ङ म़मुवाओचिआ तोक्‍मा अ़मुवाङा। सेङ्‌लावा ओन्‍ग़रितारि मान्‍प़म़युक्‍तुचि, देकिनालो निनाम्‍हाङ्‌आ येसु झारा साऩङ्‌वा मान्‍प़अ़युक्‍ता।

युहन्‍ना 8:20

ओ य़ङ्‌चि खोक्‍कोसाआ निनाम्‍हाङ ब़क्‍खाखिम्‌दा म़चिन्‍तुङुचिहिदा छुक्‍दाम पाक्‍खाओ अ़च़क्‌दा म़लोचिओ। मेन साङ्‌आछाङ खोक्‍को मान्‍लाप्‌अ़दा, देकिनालो हान्‍छाङ खोक्‍कोसोओ अ़चुग़रि मान्‍तायुक्‍ता।

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।