युहन्‍ना 16:8 - बान्‍तावा राई

⁸ खोन्‍कि खोक्‍को म़ताकिना हेन्‍खामादाओ म़नाचि हेवा, अ़नुवाक लिमा खोन्‍कि छ़ङ्‌छेन्‍माओ अ़तुक्‌वादा मोचिआ अ़फियाङ निकिना खाङ्‌म़मेत्‍तुचि।

युहन्‍ना 16:8 ပူးပေါင်းရင်းမြစ်များ

युहन्‍ना 16:7

खोन्‍नुछाङ अ़ङ्‌का खानानिन अ़नुछ्‍या लोनानिन, अ़ङ्‌का खात्‍ङाकिना खानानिन नुलोक त़लिसिन। देकिनालो अ़ङ्‌का अ़खात्‍ऩङ्‌नालो यायोक काप़ खानानिन्‌एदा ऩय़निन। मेन अ़ङ्‌का खात्‍ङानालो अ़ङ्‌का खोक्‍को खानानिन्‌एदा छुत्‍तुङ।

युहन्‍ना 16:9

हेवाओ अ़तुक्‌वादा, हेन्‍खामादाओ म़नाचि अ़ङ्‌काएदा साकोङ्‌छ़ङ मान्‍मुचि। खोन्‍कि यायोक काप़आ मोवात्‍नि च़मा ना हेवा ओ निकिना खाङ्‌म़मेत्‍तुचि।

युहन्‍ना 8:46

खानानिन्‌एदाओ साङ्‌आ अ़ङ्‌का हेवाओ लाहिपाक्‍मा अ़ऱङा कि? अ़ङ्‌का अ़छ़ङ चेप्‍ङाङानुछाङ देकि खानानिन्‌आ अ़ङ्‌का साकोङ्‌छ़ङ त़मुऩङ्‌ऩम़ङ?

युहन्‍ना 8:9

मोचिआ ओ य़ङ अ़एनाकिना अ़धिवादाङ्‌का म़पुङ्‌सान्‍चिन्‌कि अ़-अ़क्‍छा लियाङ्‌सा म़खारा। खोन्‍कि येसु ओन्‍ङा मो मेत्‍छामाएनान अ़छिरादा, खोन्‍कि मो मेत्‍छामा मोदाङा अ़चुबुदा एवायुङ्‌सा।

छाम्‍माय़ङ 2:37

पत्रुस य़ङाओ य़ङ म़नाचिआ अ़एनाकिना अ़चुसाकोङ्‌वा अ़न्‍नुनु चाअ़त्‍सा, खोन्‍किना मोचिआ पत्रुस खोन्‍कि नि छाम्‍माय़ङ्‌चि म़सेनुचि, “ब़ब़-निछाचि ओ, खोन्‍नालो आन्‍कान्‍का दे च़मादोत?”

१ कोरिन्‍थि 14:24

मेन झारासा निनाम्‍हाङ्‌य़ङ खाम़लुयाङ्‌हिदा अ़क्‍छा साकोङ्‌छ़ङ मान्‍मुकादा माङ्‌लो बुङ्‌खायाओ म़ना मोदा तानालो मोन्‍ग़रि खोसाआ एनुकि हेवामि कान्‍नान्‍चिन खोन्‍कि एनुओ य़ङ्‌चिआ खो छ़ङ्‌छेन्‍नान्‍चिन।

यहुदा 1:15

झारा म़नाचिओ अ़चुछ़ङ्‌छेइसि हाङ्‌पा म़तायाङ। झारा मान्‍साम्‌योक्‍मिचिआ अ़मुवायुङ्‌साओ झारा मान्‍साम्‌योक्‍मि अ़अ़त्‍पा काचिचि खोन्‍कि हाङ्‌पाओ अ़चुदेङ्‌सालाप्‍पादा म़चेवायुङ्‌साओ चाअ़त्‍लो य़ङ्‌चि ह़त्‍सि हाङ्‌पा म़तायाङ।”