युहन्‍ना 16:17 - बान्‍तावा राई

¹⁷ खोन्‍किना खोक्‍कोसोओ खा-खाक्‍को अ़चुकाखेङ्‌पाचि अ़क्‍छा निएदा लोकालो म़मुवा, “खोक्‍को म़य़ङ अ़क्‍दुकि आन्‍कान खोक्‍को अ़खान्‍मिन्‌नि, खोन्‍किना अ़क्‍दुकि आन्‍कान खोक्‍को लासुम्‍खाम्‌नि, खोन्‍कि खोक्‍को अ़चुपाएदु म़खात्‍नि। खोक्‍कोसाआ आन्‍कान ओ म़लोवाओसो अ़तुप्‌य़ङ दि ओ?”

युहन्‍ना 16:17 ပူးပေါင်းရင်းမြစ်များ

मर्कुस 9:10

खोन्‍किना खोचिआ मो य़ङ अ़चुकोङ्‌दाङा अ़युङ्‌सा, मेन खोचि-खोचिएदा “स़मादामादाङ्‌का लामाखोन्‍मालोन्‍मानिओसो अ़तुप्‍माय़ङ दि ओ निकिना सेन्‍कासेन मुमा अ़पुङ्‌सा।”

मर्कुस 9:32

मेन अ़चुकाखेङ्‌पाचिआ खोक्‍को म़य़ङाओ य़ङ मान्‍तुप्‌अ़दा, खोन्‍कि मोसोओ अ़तुक्‌वादा खोक्‍को सेन्‍मा अ़चुक़माकारा।

लुका 18:34

मेन अ़चुकाखेङ्‌पाचिआ ओ य़ङ अ़क्‍छेप्‍छाङ मान्‍तुप्‌अ़दा। ओसोओ अ़तुप्‌य़ङ मोचिएदाङ्‌का कुम्‍सायुङ्‌सा खोन्‌ओसा येसु म़चेवाओ अ़तुक्‌वादा मोचिआ मान्‍तुप्‌अ़दा।

लुका 9:45

मेन अ़चुकाखेङ्‌पाचिआ ओ य़ङ मान्‍तुप्‌अ़दा। देकिनालो मो य़ङ मोचिएदाङ्‌का कुम्‍सायुङ्‌सा। खोन्‌ओसा मोचिआ मो य़ङ तुम्‍मा मान्‍ऱअ़दा। खोन्‍कि मोचिआ मोसोओ अ़तुक्‌वादा खोक्‍को सेन्‍मा अ़चुक़माकारा।

युहन्‍ना 12:16

ओ य़ङ्‌चिओ अ़तुप्‌य़ङ खोक्‍कोसोओ अ़चुकाखेङ्‌पाचिआ बुया मान्‍तुप्‌अ़दा। मेन निनाम्‍हाङ्‌आ येसु साऩङ्‌वा अ़मेत्‍ताचिआकि ओन्‍ङा ओ य़ङ खोक्‍कोसोओ अ़चुतुक्‌वादा छाप्‍ताओ खोन्‍कि ओ काचि खोक्‍कोसोओ निम्‍पाङ मोचि आप्‍पिआ अ़मुवाओ निकिना अ़सिन्‍ता।

युहन्‍ना 14:22

यहुदाआ खोक्‍को लो, “हाङ्‌पो, खानानिन देकि आप्‍पि आन्‍कान्‍काएदा खाङ्‌त़मुसिन्‍चिन्‌ओ, खोन्‍कि हेन्‍खामादाओ झारासोओ निम्‍पाङ माआङ?” (ओ काचेप यहुदा इस्‍करियोत माआङ।)

युहन्‍ना 14:5

थोमाआ खोक्‍को लो, “हाङ्‌पो, खानानिन खादा त़खारिन्‌येन्‌ओ, आन्‍कान्‍का अ़सिन्‍तिमिन्‍का। खोन्‍नालो आन्‍कान्‍का लाम देत्‍नि सिन्‍मा ऱम्‍का?”

युहन्‍ना 16:1

“आम्‍नुओ साकोङ्‌छ़ङ त़छिरिमिन्‍ने निकिना अ़ङ्‌का खानानिन ओ य़ङ्‌चि लोनानिन्‌ओ।

युहन्‍ना 16:16

अ़क्‍दुकि खानानिन्‌आ अ़ङ्‌का त़खाङ्‌निन, खोन्‍किना अ़क्‍दुकि अ़ङ्‌का त़लाङाखाङ्‌ङाऩङ।”

युहन्‍ना 16:18

मोचि म़य़ङा, “खोक्‍को ‘अ़क्‍दुकि’नि म़य़ङाओसो अ़तुप्‌य़ङ दि ओ? आन्‍कान अ़सिन्‍तिमिन्‌येन, खोक्‍को दे म़य़ङ्‌याङ।”

युहन्‍ना 16:19

मोचिआ खोक्‍को सेन्‍मा अ़लाप्‍ताङाओ य़ङ येसुआ अ़सिन्‍ता, खोन्‍कि खोक्‍कोसाआ मोचि म़लोचि, “‘अ़क्‍दुकि खानानिन्‌आ अ़ङ्‌का त़खाङ्‌ऩङ्‌ऩम़ङ, खोन्‍किना अ़क्‍दुकि खानानिन्‌आ अ़ङ्‌का त़खाङ्‌ङाऩङ’निओ य़ङ्‌ओ अ़तुप्‌य़ङ दि ओ निओसो अ़तुक्‌वादा खानानिन अ़क्‍छा निएदा दुम त़छ़रिन्‌येन?

युहन्‍ना 16:5

हान अ़ङ्‌का काछुत्‌एदा खात्‍ङाङा, मेन ‘खानानिन खादा त़खारिन्‌येन?’निकिना खानानिन साङ्‌आछाङ अ़ङ्‌का त़सेन्‍ऩङ्‌ऩम़ङ।