युहन्‍ना 16:16 - बान्‍तावा राई

¹⁶ अ़क्‍दुकि खानानिन्‌आ अ़ङ्‌का त़खाङ्‌निन, खोन्‍किना अ़क्‍दुकि अ़ङ्‌का त़लाङाखाङ्‌ङाऩङ।”

युहन्‍ना 16:16 ပူးပေါင်းရင်းမြစ်များ

मर्कुस 16:19

खोन्‍किना हाङ्‌पा येसु अ़चुकाखेङ्‌चिएनान म़चेवाचिआकि खोक्‍को निनाम्‍मादुत्‍नि अ़थेन्‍ताखात्‍ता, खोन्‍कि खोक्‍को निनाम्‍हाङ्‌ओ अ़चुप्‍ताङ्‌छुक्‌लिप्‍पा म़युङा।

युहन्‍ना 12:35

येसुआ मोचि म़लासुलोचि, “हान्‍छाङ अ़क्‍चित्‌तारि साम खानानिन्‌एदा युङ। साम खानानिन्‌एदा युङ्‌याङ्‌तारि कोलानिन, खोन्‌ओसा कुइयामाआ खानानिन त़भुक्‍तिमिन्‍ने। साङ कुइयामादा कोन, मोसाआ खो खादात्‍नि खात्‌ओ अ़सिन्‍तुन।

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 13:33

अ़चुप्‍पो छाचिओ, अ़क्‌ग़रि अ़ङ्‌का खानानिन्‌एनान युङ्‌ङा! खानानिन्‌आ अ़ङ्‌का त़लाम्‍ङाऩङ, खोन्‍कि देत्‍नि अ़ङ्‌का यहुदि बुसुवाचि लोङ्‌च़ङ, हान खानानिन्‌छाङ अ़ङ्‌का लोनानिन, ‘खादा अ़ङ्‌का खात्‍ङाङा, खानानिन तामा त़ऱन्‍मिन।’

युहन्‍ना 16:10

अ़नुवाक लिमाओ अ़तुक्‌वादा अ़ङ्‌का पापा निनाम्‍हाङ्‌एदा खात्‍माआ अ़ङ्‌का अ़नुवाक मुङाङा निकिना खाङ्‌म़मेत्‍तुचि। खोन्‌ओसा खानानिन्‌आ अ़ङ्‌का त़लाऩङ्‌खाङ्‌ऩङ्‌ऩम़ङ।

युहन्‍ना 16:22

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन।

युहन्‍ना 16:28

अ़ङ्‌का अ़ङ्‌पापाएदाङ्‌का ताङ्‌किना हेन्‍खामादा ताङ्‌युङ्‌साङ, खोन्‍कि अ़ङ्‌का हेन्‍खामा छिरुङ्‌दाङ्‌कि अ़ङ्‌पापाएदु लाङाखात्‍ङाङा।”

युहन्‍ना 16:5

हान अ़ङ्‌का काछुत्‌एदा खात्‍ङाङा, मेन ‘खानानिन खादा त़खारिन्‌येन?’निकिना खानानिन साङ्‌आछाङ अ़ङ्‌का त़सेन्‍ऩङ्‌ऩम़ङ।

युहन्‍ना 17:13

मेन हान अ़ङ्‌का खानानिन्‌एदा ताङाङा। हेन्‍खामादा युङ्‌ङाङाहिदा ओ य़ङ्‌चि अ़ङ्‌का चेप्‍ङा, खोन्‌ओसा अ़ङ्‌काएदा याक्‌याङ्‍ओ अ़ङ्‌ऩङानुमा मोचिएदा झारा याक्‍ने।

युहन्‍ना 17:5

आपो, हेन्‍खामा मुन्‍मा बुया आन्‍काचिएदा याआङाओ आन्‍चुओ साऩङ्‌वा हान अ़ङ्‌का लानिप़नि।

युहन्‍ना 7:33

येसुआ म़लोचि, “अ़क्‍चित ग़रि अ़ङ्‌का खानानिन्‌एनान युङ्‌ङा, खोन्‍किना अ़ङ्‌का काछुत्‌एदा लाङाखात्‍ङा।

छाम्‍माय़ङ 1:3

येसु क्रुस्‌दा म़सुवा खोन्‍कि खोक्‍को म़खोन्‍तालोन्‍ताकि चालिस्‌कालेन्‌तारि छाम्‍माय़ङ्‌चिएदा ब़द्‍धेकादु खाङ्‌म़मुसान्‍चिन। मोन्‍ग़रि खोक्‍को खोचिएनान निनाम्‍हाङ्‌ओ अ़चुहाङ्‌होन्‌ओ अ़तुक्‌वादा म़चेवा। खोक्‍कोसाआ मो म़नाचिएनान हान्‍छाङ ह़ङ्‌ङाङा निकिना ब़द्‍धे अ़नुछ्‍याओ सालुम्‍स़ङ्‌चि खाङ्‌अ़मुसा।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।