युहन्‍ना 15:8 - बान्‍तावा राई

⁸ खानानिन्‌आ ब़द्‍धे सिवा त़सिसुम्‌कि अ़ङ्‌काखेङ्‌पाचिओनि खाङ्‌त़मुसुम्‌नालो ओदाङ्‌काङा अ़ङ्‌पापाओ अ़चुऩङ लोङ।

युहन्‍ना 15:8 ပူးပေါင်းရင်းမြစ်များ

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

मत्‍ति 5:44

मेन अ़ङ्‌का खानानिन लोनानिन, आम्‍नुओ ङेङ्‌चि सोमातुक्‍तानुम्‍च़म, खोन्‍कि खानानिन काल़क्‌चिओ निम्‍पाङ यामारानिन,

मत्‍ति 9:8

म़ना मुक्‍लाचिआ ओ अ़खाकिना मोचि म़क़सा, खोन्‍कि म़नाचिआ ओवाको सावा काप़ निनाम्‍हाङ्‌ओ अ़चुओ ऩङ अ़चोन्‍ता।

लुका 6:35

मेन ङेङ्‌चि सोमातुक्‍तानुम्‍च़म, मोचि नुलोक मुवानुम्‍च़म खोन्‍कि नाक कादोत्‍चिदाङ्‌का लामातोक्‍मानि मान्‍मिन्‍माङ नाक पुवानुम्‍च़म। मोवात्‍नि त़च़न्‌नालो खानानिन्‌आ अ़धिवाङ सिरिफा त़तोक्‍तुम, खोन्‍कि खानानिन झारादाङ्‌का तोक्‍पो निनाम्‍हाङ्‌ओ अ़छाचिनि ऩलोन। देकिनालो आलाङ मान्‍प़कादाचि खोन्‍कि अ़अ़त्‍पाचिछाङ निनाम्‍हाङ्‌आ सोमाम़तुक्‍तुचि।

युहन्‍ना 13:35

खानानिन्‌आ अ़क्‍छा निएदा सोमातुक्‍कातुक त़मुन्‌नालो ओवात्‍नि झारा म़नाचिआ खानानिन अ़ङ्‌काखेङ्‌पाचिओनि अ़सिन।”

युहन्‍ना 15:5

अङ्‌गुरा ताङ अ़ङ्‌का ओ, खोन्‍कि अ़खेक्‌चि खानानिन ओ। साङ अ़ङ्‌काएदा याक, खोन्‍कि अ़ङ्‌का खोएदा याक्‍ङानालो मोसाआ ब़द्‍धे सिवा सिसु। अ़ङ्‌कादाङ्‌का अ़थाया त़युङिन्‌कि खानानिन्‌आ दित्‍छाङ मुमा त़ऱन्‍मिन।

युहन्‍ना 8:31

येसुआ खोक्‍कोएदा साकोङ्‌छ़ङ कामु यहुदिचि म़लोचि, “खानानिन अ़ङ्‌चिन्‍माय़ङ्‌दा त़युङिन्‌नालो खानानिन अ़नुछ्‍या अ़ङ्‌काखेङ्‌चि ओ।

१ कोरिन्‍थि 10:31

मोवात्‍नि माआङ, खानानिन चानिन माङ्‌लो दुङानिन माङ्‌लो आम्‍नुओ ताकावा चुवानिन, ओ झारा निनाम्‍हाङ्‌ओ अ़चुऩङ लोङ्‌माओ निम्‍पाङ मुवानुम।

१ कोरिन्‍थि 6:20

खानानिन निनाम्‍हाङ्‌ओ अ़चुलुङ अ़छोराकि ऩखिरिन्‌ओ। खोन्‌ओसा खानानिन्‌आ आम्‍नुओ पोक्‌दा निनाम्‍हाङ साया मेत्‍तानुम।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

तितस 2:10

खोन्‍कि खाक्‍को सामाछाङ ऩख़सुन्‍ने। मेन अ़धुन्‌ङा मिन्‍माआ चाओ खोन्‍कि अ़नुवाक म़लिकिना म़युङ्‌ने। मोवात्‍नि म़च़नालो म़नाचि दियाको य़ङ्‌दाछाङ आन्‍कान कालेन्‍पा निनाम्‍हाङ्‌ओ अ़चुचिन्‍मा एन्‍मा म़स़।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!