युहन्‍ना 15:27 - बान्‍तावा राई

²⁷ खोन्‍कि खानानिन बुयादाङ्‌का अ़ङ्‌काएनान त़युङिन्‌येन्‌ओसाआ, खानानिन्‌आछाङ अ़ङ्‌सालुम्‍स़ङ प़मादोत।”

युहन्‍ना 15:27 ပူးပေါင်းရင်းမြစ်များ

मर्कुस 1:1

निनाम्‍हाङ्‌ओ अ़चुछा येसु ख्रिस्‍तओ अ़चुतुक्‌वादा नुय़ङ्‌खान पुङ्‌माय़ङ।

लुका 24:48

खानानिन अ़ङ्‌तुक्‌वादाओ झारा य़ङ्‌चिओ अ़चुसालुम्‍स़ङ्‌चि ओ।

युहन्‍ना 19:35

खानानिन ओछाङ साकोङ्‌छ़ङ मुमा रुवानिन निकिना ओ काखाङ्‌आ सालुम्‍स़ङ प़ओ, खोन्‍कि खोसोओ अ़सालुम्‍स़ङ अ़नुछ्‍या ओ, खोन्‍कि खोसाआ आप्‍पि अ़छ़ङ खालुसुङ्‌योङ निकिना सिन्‍तुङु।

युहन्‍ना 21:24

ओ मो काखेङ्‌पाङा ओ, खोसाआ ओ य़ङ्‌चिओ अ़तुक्‌वादा सालुम्‍स़ङ प़ङु, खोन्‍कि ओ य़ङ छाप्‍तुयुङ्‌सु, खोन्‍किना आन्‍कान्‍का सिन्‍तुम्‌योम्‍का खोसोओ अ़सालुम्‍स़ङ अ़नुछ्‍या मुयाङ।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 13:31

खोन्‍कि खोक्‍कोएनान गालिल्‌दाङ्‌का यरुसलेम्‌दा काबान्‍चिआ खोक्‍को ब़द्‍धेकालेन्‌तारि अ़खा, खोन्‍कि खोचि आइमित्‌ओ इस्राएलि आन्‍म़नाचिओ निम्‍पाङ खोक्‍कोसोओ अ़चुसालुम्‍स़ङ म़युङ्‌याङ।

छाम्‍माय़ङ 18:5

खोन्‍किना सिलास खोन्‍कि तिमोथि माकेदोनिया धिखाहुप्‌दाङ्‌का तादिसाचि, खोन्‍कि पावल्‌आ यहुदिचि येसुङा ख्रिस्‍त म़मुयाङ्‌नि य़ङ्‌याङ्‌सा निनाम्‍हाङ य़ङ खाएत्‍मा काचिदा झारा अ़ग़रि पाउ।

छाम्‍माय़ङ 23:11

मो अ़खाखुत्‌ङा पावल्‌ओ अ़च़क्‌दा हाङ्‌पा म़एवाकि अ़लोवा, “राक मुवा! देत्‍नि खाना यरुसलेम्‌दा अ़ङ्‌तुक्‌वादा अ़ङ्‌सालुम्‍स़ङ म़नाचि त़प़युङ्‌सुचि, मोवात्‍निङा खाना रोम्‌याछाङ अ़ङ्‌सालुम्‍स़ङ प़माचिदोत।”

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

छाम्‍माय़ङ 4:20

देकिनालो येसुआ अ़मुवाओ काचि आन्‍काच्‍या खाचुवाओ खोन्‍कि एनाचुवाओ य़ङ म़नाचि खामान्‌एत्‍माङ आन्‍काच्‍या युङ्‌माङा अ़ऱचिन्‍का।”

छाम्‍माय़ङ 4:33

मो छाम्‍माय़ङ्‌चिआ तोक्‍पो सावाएनान हाङ्‌पा येसु म़खोन्‍तालोन्‍ताओ अ़चुसालुम्‍स़ङ अ़पुवाङा, खोन्‍कि निनाम्‍हाङ्‌आ झारा साकोङ्‌छ़ङ कामुचि ब़द्‍धे आसिखा म़प़चि।

१ पत्रुस 5:1

अ़ङ्‌काछाङ अ़क्‍छा ताङ्‌पाओसा ख्रिस्‍तओ दुखाओ सालुम्‍स़ङ खोन्‍कि आन्‍कान खाङ्‌म़मेत्‌ओ साम्‌दा कावाङ्‌चिओसा हान आम्‍नुओ रादाओ ताङ्‌पाचि अ़ङ्‌का राक प़ङ्‌योङ्‌च़ङ।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।

खाङ्‌मुमा 1:2

युहन्‍नाआ खाओ झारा य़ङ खोसाआ खालुसुयुङ्‌सु। खोसाआ खालुसुओ य़ङ निनाम्‍हाङ्‌दाङ्‌काओ य़ङ ओ, खोन्‍कि येसु ख्रिस्‍तओ अ़चुसालुम्‍स़ङ ओ।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।