युहन्‍ना 15:24 - बान्‍तावा राई

²⁴ साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 15:24 ပူးပေါင်းရင်းမြစ်များ

मत्‍ति 11:5

दोप्‍म़क्‌चि खाम़खाङ, खोन्‍कि एक्‍सोक्‌वाचि म़कोन। क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन। म़सुवादाओचि म़खोन्‍तालोन्‍तायुङ्‌सा, खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

मत्‍ति 21:32

देकिनालो युहन्‍ना खानानिन्‌एदा साम्‌योक लाम खाङ्‌मेत्‍सि ता, मेन खानानिन्‌आ खोएदा साकोङ्‌छ़ङ मान्‍मुत़दोम। मेन दाम्‍दु कालात्‍चिआ खोन्‍कि काचान्‍चाचि खोएदा साकोङ्‌छ़ङ म़मुवा। खानानिन्‌आ मो त़खाम्‌किछाङ आम्‍नुओ मिन्‍मा मान्‍लात़दोम, खोन्‍किना खोएदा साकोङ्‌छ़ङ मान्‍मुत़दान।”

मत्‍ति 9:33

चाकावालावा लोइसाखाइसाकिना मो क़वा म़ना चेवा। खोन्‌ओसा “इस्राएल्‌दा ओवाको देम्‍खाछाङ मान्‍लियुक्‍ता!”नि य़ङ्‌सा म़ना मुक्‍लाचि दोम्‍तुदोचि।

मर्कुस 2:12

खोन्‍कि खो पुवालोन्‍ता, खोन्‍कि च़क्‍नि अ़थ़ङ्‌खा ओक्‍तुकि मोचि झारासोओ अ़चुबुदाङ्‌का खारालावा, मो य़ङ्‌आ मोचि झारा दोम्‍तुदोचि खोन्‍कि “आन्‍कान देम्‍खाछाङ ओवाको ना मान्‍खाङ्‌युक्‍तिन्‌ओ!”नि य़ङ्‌याङ्‌सा मोचिआ निनाम्‍हाङ्‌ओ अ़चुओ ऩङ अ़चोन्‍ता।

लुका 24:19

येसुआ मोचि म़सेनुचि, “खाक्‍को य़ङ?” मोचिआ अ़लासालोवाचु, “नासरत्‌ओ येसुओ अ़तुक्‌वादा। खोक्‍को अ़क्‍छा निनाम्‍हाङ्‌य़ङ खाकालु म़युङाङा, खोन्‍कि निनाम्‍हाङ्‌ओ खोन्‍कि झारा म़नाचिओ निम्‍पाङ काचि म़मुवाङाहिदा खोन्‍कि म़चिन्‍तुङुचिहिदा सावापोरि म़मुवाङा।

युहन्‍ना 10:32

मेन येसुआ मोचि म़लोचि, “अ़ङ्‌का अ़ङ्‌पापालाम्‍पा ब़द्‍धे अ़नुवाक काचिचि खानानिन खाङ्‌मेत्‍नायुङ्‌नानिन। मोचिदाङ्‌का खाक्‍को काचिआ आम्‍नुओ मान्‍सुङ काराकि लुङ्‌आ अ़ङ्‌का वेन्‍मा त़लाप्‍ङाङाऩङ?”

युहन्‍ना 10:37

अ़ङ्‌का अ़ङ्‌पापाओ अ़चुकाचिचि अ़मुऩङ्‌च़ऩङ्‌नालो अ़ङ्‌काएदा साकोङ्‌छ़ङ मान्‍मुदानिन।

युहन्‍ना 12:10

मुलो काब़क्‍पाचिआ लाजरस्‌छाङ सेत्‍मा निकिना याम़योआ।

युहन्‍ना 12:45

साङ्‌आ अ़ङ्‌का अ़खाङ्‌ङा, मोसाआ अ़ङ्‌का काछुत खा।

युहन्‍ना 14:9

येसुआ अ़लासालोवा, “फिलिप, ओन्‌तारि अ़ङ्‌का खानानिन झाराएनान युङ्‌ङाङा खोन्‍नुछाङ खाना अ़ङ्‌का त़सिन्‍ऩङ? साङ्‌आ अ़ङ्‌का अ़खाङ्‌युङ्‌साङ, मोसाआ अ़ङ्‌पापा खायुङ्‌सु, मेन देकि खाना त़य़ङ्‌याङ, ‘आन्‍कान्‍का पापा निनाम्‍हाङ खाङ्‌मेत्‍नि’?

युहन्‍ना 15:21

मोचिआ ओ झारा काचिचि अ़ङ्‌ऩङ्‌ओ अ़तुक्‌वाआ खानानिन ऩमुन, देकिनालो मोचिआ अ़ङ्‌का काछुत ऩसिन्‍तुन।

युहन्‍ना 15:22

अ़ङ्‌का मान्‍ताङाओ खोन्‍कि मोचि खामान्‌एत्‍ङाच़ङ्‍ओ दे, मोचि हेवाओ लाहि मान्‍पाक्‍चिओ, मेन हान ना अ़चुओ हेवाओ निम्‍पाङ मोचिएदा दित्‍छाङ अ़ऩङ्‌मुखा मात्‍द़ङ।

युहन्‍ना 15:23

साङ्‌आ अ़ङ्‌का ऩङाअ़छित्‍ङा, मोसाआ अ़ङ्‌पापाछाङ ऩङाछिरु।

युहन्‍ना 16:9

हेवाओ अ़तुक्‌वादा, हेन्‍खामादाओ म़नाचि अ़ङ्‌काएदा साकोङ्‌छ़ङ मान्‍मुचि। खोन्‍कि यायोक काप़आ मोवात्‍नि च़मा ना हेवा ओ निकिना खाङ्‌म़मेत्‍तुचि।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 5:36

देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

युहन्‍ना 6:36

मेन अ़ङ्‌का खानानिन लोनानिन्‌ओङा ओ, खानानिन्‌आ त़खाङ्‌चिआङ्‌युङ्‌साङ्‌ऩङ, खोन्‍नुछाङ साकोङ्‌छ़ङ त़मुऩङ्‌ऩम़ङ।

युहन्‍ना 7:31

खोन्‍नुछाङ मुक्‍लादाओ ब़द्‍धे म़नाचिआ खोक्‍कोएदा साकोङ्‌छ़ङ म़मुवा खोन्‍कि मोचि म़य़ङा, “ख्रिस्‍त म़ताहिदा दि ओ म़नाआ मुचिओदाङ्‌का तोक्‍पो म़दोम्‍दाओ बुन्‌चि मुमा ऱचि कि?”

युहन्‍ना 9:32

हेन्‍खामाओ अ़पुङ्‌चिपुक्‌दाङ्‌का अ़लिमादाङ्‌काओ दोप्‍म़क्‌ओ अ़म़क साङ्‌आछाङ नुसुओ देम्‍खाछाङ मान्‌एन्‌युक।

युहन्‍ना 9:41

येसुआ मोचि म़लासुलोचि, “खानानिन दोप्‍म़क्‌चि ओनालो हेवाओ लाहिदा मान्‍छुक्‍त़दान्‌ओ, मेन खानानिन ‘आन्‍कान्‍का खा-खान्‍का’नि त़य़ङिन, खोन्‌ओसा आम्‍नुओ हेवा युङ्‌याक।”

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

रोमि 1:30

खोन्‍कि कासुङ, निनाम्‍हाङ ऩङाकाछित, ऱक्‍भाक, ऱफोक्‌वा खोन्‍कि तोक्‍पो कालि, अ़अ़त्‍पा काचि कामुचि, अ़चुपामाचिआ म़लोचिवा मान्‍च़कादा,

२ तिमोथि 3:4

काधान्‌चि, मान्‍मित्‍माङ कामु, तोक्‍पो कालि, निनाम्‍हाङ सोमातुक्‍माओ अ़फान्‌दा ऩङानुमा सोमाकातुक्‌चि,

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।