युहन्‍ना 15:19 - बान्‍तावा राई

¹⁹ खानानिन ओ हेन्‍खामादाओ खाङ्‌देना हेन्‍खामाआ खानानिन आप्‍पिओ त़मित्‍तिन्‌कि सोमाऩतुक्‍तिन्‌ओ। मेन खानानिन ओ हेन्‍खामाओ माआङ। मेन खानानिन ओ हेन्‍खामादाङ्‌का अ़ङ्‌का छेन्‍नानिन, खोन्‌ओसा हेन्‍खामाआ खानानिन ऩङात़छिरिन।

युहन्‍ना 15:19 ပူးပေါင်းရင်းမြစ်များ

मत्‍ति 10:22

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि आङ्‌तुकि युङ, खो लेन।

मत्‍ति 24:9

खोन्‍किना म़नाचिआ खानानिन चाअ़त्‍लो दुखा प़सि निचिओ अ़चुछुक्‌दा ऩप़न, खोन्‍कि खानानिन ऩसेरिन, खोन्‍कि अ़ङ्‌का कात़ङ्‌चिओसा झारा रावाचिआ खानानिन ऩङाऩछिरिन।

लुका 6:32

खानानिन सोमाकातुक्‌चि ओन्‍ङा सोमात़तुक्‍तुम्‍च़म्‌नालो खानानिन्‌आ दिसु सिरिफा त़तोक्‍तुम? खोचि सोमाकातुक्‌चि ना हेवामिचिआछाङ सोमाम़तुक्‍तुचि।

युहन्‍ना 13:18

अ़ङ्‌का खानानिन झारासोओ आम्‍नुओ तुक्‌वादा य़ङ्‌ङाङाओ माआङ। अ़ङ्‌का साङ छेन्‍तुङ्‌युङ्‌सुङ, मो अ़ङ्‌का सिन्‍तुङ। मेन ‘अ़ङ्‌काएनान अ़क्‍नि पेम्‍पाक काचा अ़ङ्‌देङ्‌सालाप्‍पादा पुवालोन्‍ता’ नि साम्‍कालिन्‌दा छाप्‍ताओ य़ङ तालाने निम्‍पाङ ओवात्‍नि लिसा।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 6:70

येसुआ मोचि म़लासुलोचि, “दि अ़ङ्‌का खानानिन बारकापाङ छेन्‍नानिन्‌ओ माआङ कि? मेन खानानिन्‌एदाओ अ़क्‍छा सैतानाआ क़म्‍तुयुङ्‌सु।”

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

१ पत्रुस 4:3

खाराओ लेन्‍चिदा निरावाचिआवात्‍नि खानानिन्‌आ ताङ्‌लान, अ़अ़त्‍पा मिन्‍मा, खाबात्‍सेत्‍चाले, ताकावा च़मा, खाबात्‌दुङ्‌खा रुहुप्‌दा खोन्‍कि चिप्‍माकात्‍तुओ सेम्‍पोक ब़क्‍मादा आम्‍नुओ ग़रि च़लोक त़क़प्‍तुम्‌युङ्‌सुम।

१ युहन्‍ना 3:12

आन्‍कान कयिन्‌वाको लिमा अ़नुनिन, खो अ़अ़त्‍पा लिसाकि अ़निछा हाविल सेरु। कयिन्‌आ देकि अ़निछा सेरु? देकिनालो मोसोओ अ़काचिचि अ़अ़त्‍पा म़याआङा, खोन्‍कि अ़निछाओ अ़काचिचि साम्‌योक्‍मि म़मुवाङा।

खाङ्‌मुमा 12:17

खोन्‍किना मो अ़धिवाङ प़ मो मेत्‍छामाएदा चाअ़त्‍लो अ़च़ऱपाकारा। खोन्‌ओसा मोसाआ मो नि मेत्‍छामाओ अ़छाचिएनान ङेन मुमा पुङ्‌सु। मोचि निनाम्‍हाङ्‌ओ अ़चुय़ङ काकाङ्‌चि खोन्‍कि येसुआ अ़मुवाओ खोन्‍कि म़चिन्‍तुचिओ य़ङ्‌दा सोम्‍कुवा कामुचिओ।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।