युहन्‍ना 14:4 - बान्‍तावा राई

⁴ खादा अ़ङ्‌का खात्‍ङाङा, खानानिन्‌आ मोदा खात्‍खा लाम त़सिन्‍तुम।”

युहन्‍ना 14:4 ပူးပေါင်းရင်းမြစ်များ

लुका 24:26

दि निनाम्‍मादु ख्रिस्‍तओ अ़चुऩङ तोक्‍पो लिमा बुया ओ दुखाचि आङ्‌मा मान्‍दोत्‌याङ्‌चि कि?”

युहन्‍ना 10:9

लाप्‍तिखोप अ़ङ्‌काङा ओ। साङ अ़ङ्‌कालाम्‍पा वाङ्‌नालो मोचि म़लेत, खोन्‍कि खिम्‍हुत बुङ्‌खा लोइसा वाङ्‌सा म़मु, खोन्‍कि नागिदा चान्‍मा अ़तोक।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 14:2

अ़ङ्‌पापाओ अ़चुखिम्‌दा युङ्‌खाचि ब़द्‍धे म़युङ्‌याङ। मोत्‍नि माआङ्‌ओ खाङ्‌दे दि अ़ङ्‌का ‘आम्‍नुओ निम्‍पाङ युङ्‌खाचि चुम्‍सि खात्‍ङाङा’नि खानानिन लोनानिन्‌ओ कि?

युहन्‍ना 14:28

‘अ़ङ्‌का ओदाङ्‌का खात्‍ङाङा खोन्‍कि अ़ङ्‌का खानानिन्‌एदा लाङाताङा’नि लोनानिन्‌ओ खानानिन्‌आ त़एनुम। खानानिन्‌आ अ़ङ्‌का सोमात़तुक्‍ताङ्‌ऩङ्‍ओ खाङ्‌दे अ़ङ्‌का अ़ङ्‌पापाएदा खात्‍ङाङाओ य़ङ त़एनुम्‌हिदा आम्‍नुओ ऩङानुवाओ, देकिनालो अ़ङ्‌पापा अ़ङ्‌कादाङ्‌का तोक्‍पो म़मुयाङ।

युहन्‍ना 14:3

खोन्‍कि खात्‍ङाकि अ़ङ्‌का आम्‍नुओ निम्‍पाङ युङ्‌खा चुम्‍सुङ्‌कि अ़ङ्‌का लाङाताङा। खोन्‍कि अ़ङ्‌का खानानिन खात्‍नानिन। खादा अ़ङ्‌का युङ्‌ङा, मोदा खानानिन्‌छाङ त़युङिन।

युहन्‍ना 14:5

थोमाआ खोक्‍को लो, “हाङ्‌पो, खानानिन खादा त़खारिन्‌येन्‌ओ, आन्‍कान्‍का अ़सिन्‍तिमिन्‍का। खोन्‍नालो आन्‍कान्‍का लाम देत्‍नि सिन्‍मा ऱम्‍का?”

युहन्‍ना 16:28

अ़ङ्‌का अ़ङ्‌पापाएदाङ्‌का ताङ्‌किना हेन्‍खामादा ताङ्‌युङ्‌साङ, खोन्‍कि अ़ङ्‌का हेन्‍खामा छिरुङ्‌दाङ्‌कि अ़ङ्‌पापाएदु लाङाखात्‍ङाङा।”

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”