युहन्‍ना 14:28 - बान्‍तावा राई

²⁸ ‘अ़ङ्‌का ओदाङ्‌का खात्‍ङाङा खोन्‍कि अ़ङ्‌का खानानिन्‌एदा लाङाताङा’नि लोनानिन्‌ओ खानानिन्‌आ त़एनुम। खानानिन्‌आ अ़ङ्‌का सोमात़तुक्‍ताङ्‌ऩङ्‍ओ खाङ्‌दे अ़ङ्‌का अ़ङ्‌पापाएदा खात्‍ङाङाओ य़ङ त़एनुम्‌हिदा आम्‍नुओ ऩङानुवाओ, देकिनालो अ़ङ्‌पापा अ़ङ्‌कादाङ्‌का तोक्‍पो म़मुयाङ।

युहन्‍ना 14:28 ပူးပေါင်းရင်းမြစ်များ

मत्‍ति 12:18

“खानुम, अ़ङ्‌काफा अ़ङ्‌का छेन्‍तुङ्‌युङ्‌सुङ। खो अ़ङ्‌का सोमातुक्‍तुङ्‌ओ, खोन्‍कि खोएदा अ़ङ्‌ऩङानुवायुङ्‌सा। अ़ङ्‌का खोएदा अ़ङ्‌लावा पाक्‍तुङ्‌प़ङ, खोन्‍कि खोसाआ रावा-रावाओ म़नाचि तोङ्‌लो छ़ङ्‌छेन्‍माय़ङ खाम़एत्‍तुचि।

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 13:16

अ़नुछ्‍याङा अ़ङ्‌का खानानिन लोनानिन, हारुक अ़हाङ्‌पाएदाङ्‌का तोक्‍पो अ़लिनिन, खोन्‍कि य़ङ्‌खान काखात य़ङ्‌खान काखान्‌दाङ्‌का तोक्‍पो अ़लिनिन।

युहन्‍ना 14:12

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌का साकोङ्‌छ़ङ अ़मुङा, मोसाआ अ़ङ्‌का मुङ्‌च़ङ्‍ओ काचिचि हान मुचि, खोन्‍कि ओचिदाङ्‌का अ़धिवा काचिचिछाङ मुचि, देकिनालो अ़ङ्‌का अ़ङ्‌पापाएदा खात्‍ङाङा।

युहन्‍ना 14:18

अ़ङ्‌का खानानिन हेत्‍छाकुवावा अ़छित्‍नादानानिमिन। अ़ङ्‌का खानानिन्‌एदा ताङा।

युहन्‍ना 16:7

खोन्‍नुछाङ अ़ङ्‌का खानानिन अ़नुछ्‍या लोनानिन, अ़ङ्‌का खात्‍ङाकिना खानानिन नुलोक त़लिसिन। देकिनालो अ़ङ्‌का अ़खात्‍ऩङ्‌नालो यायोक काप़ खानानिन्‌एदा ऩय़निन। मेन अ़ङ्‌का खात्‍ङानालो अ़ङ्‌का खोक्‍को खानानिन्‌एदा छुत्‍तुङ।

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

युहन्‍ना 20:21

खोन्‍कि येसुआ मोचि म़लासुलोचि, “खानानिन सेवाङ्‌नि लिसानिन! देत्‍नि पापा निनाम्‍हाङ्‌आ अ़ङ्‌का ऩछुत्‍ताङ, मोवात्‍निङा अ़ङ्‌काछाङ खानानिन छुत्‍नानिन।”

युहन्‍ना 5:18

खोन्‌ओसा यहुदि बुसुवाचिआ येसु च़लोक सेत्‍मा अ़लाप्‍ता, देकिनालो खोक्‍कोसाआ सावातोम्‍खा-लेन काक्‍मा काचि ओन्‍ङा माआङ, मेन आप्‍पि निनाम्‍हाङ्‌एनान अ़क्‍निओ मुवान्‍चिन्‌कि खोक्‍कोसाआ निनाम्‍हाङ अ़ङ्‌पापानि म़य़ङा।

युहन्‍ना 7:33

येसुआ म़लोचि, “अ़क्‍चित ग़रि अ़ङ्‌का खानानिन्‌एनान युङ्‌ङा, खोन्‍किना अ़ङ्‌का काछुत्‌एदा लाङाखात्‍ङा।

१ कोरिन्‍थि 11:3

हान खानानिन ख्रिस्‍तङा झारा म़नाचिओ अ़चुहाङ्‌पा म़युङ्‌याङ निकिना त़तुप्‍तुम्‍नेनि अ़ङ्‌का मिन्‍ङा खोन्‍कि खिम्‍हाङ्‌माओ अ़मुलो अ़खिम्‍हाङ्‌पा ओ, खोन्‍कि ख्रिस्‍तओ अ़चुमुलो निनाम्‍हाङ म़युङ्‌याङ।

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”