युहन्‍ना 14:23 - बान्‍तावा राई

²³ येसुआ अ़लासालोवा, “साङ्‌आ अ़ङ्‌का सोमाअ़तुक्‍ङा, मोसाआ अ़ङ्‌चेम्‍मा य़ङ्‌चि मुचि, खोन्‍कि अ़ङ्‌पापाआ मो सोमाअ़तुक, खोन्‍कि आन्‍काचिआ मोएदा ताच्‍या, खोन्‍कि मोएदा याक्च्‍या।

युहन्‍ना 14:23 ပူးပေါင်းရင်းမြစ်များ

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 14:15

खानानिन्‌आ अ़ङ्‌का सोमात़तुक्‍ङाऩङ्‌नालो अ़ङ्‌लोमाय़ङ्‌चि त़मुम्‍च़म।

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

युहन्‍ना 14:21

अ़ङ्‌का सोमाकातुक मोङा ओ, साङ्‌एदा अ़ङ्‌लोमाय़ङ्‌चि म़युङ्‌याङ खोन्‍कि मोचि मुचि। अ़ङ्‌का सोमाकातुक अ़ङ्‌पापाआछाङ सोमाअ़तुक। अ़ङ्‌काछाङ मो सोमातुक्‍तुङ, खोन्‍कि अ़ङ्‌का आप्‍पि मोएदा खाङ्‌मुङान्‍च़ङ।”

युहन्‍ना 14:24

अ़ङ्‌का सोमामान्‍तुक्‍कादाआ अ़ङ्‌चिन्‍माय़ङ्‌चि अ़मुन्‍चिन। खानानिन्‌आ त़एनुम्‌योम्‌ओ य़ङ्‌चि अ़ङ्‌को आप्‍पिओ माआङ, मेन अ़ङ्‌का काछुत अ़ङ्‌पापादाङ्‌का ओ।

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

युहन्‍ना 16:27

देकिनालो अ़ङ्‌पापा आप्‍पिआ खानानिन सोमाऩतुक्‍तिन, देकिनालो खानानिन्‌आ अ़ङ्‌का सोमा त़तुक्‍ताङ्‌ऩङ, खोन्‍कि अ़ङ्‌का निनाम्‍हाङ्‌दाङ्‌का ताङ्‌ओ निकिना साकोङ्‌छ़ङ त़मुनियुङ्‌नि।

युहन्‍ना 6:56

अ़ङ्‌पोक काचा खोन्‍कि अ़ङ्‌ह़ कादुङ अ़ङ्‌काएदा युङ, खोन्‍कि अ़ङ्‌का मोएदा युङ्‌ङा।

युहन्‍ना 8:51

अ़नुछ्‍या अ़ङ्‌का खानानिन लोनानिन, साङ अ़ङ्‌य़ङ्‌वा च़नालो खो देम्‍खाछाङ अ़स़निन।”

युहन्‍ना 8:52

यहुदिचिआ खोक्‍को अ़लोवा, “हान आन्‍कान्‍का नुछ्‍या सिन्‍तुम्‍का, खाना चाकावालावाआ त़लावाओङा ओ। अब्राहाम सुवादा, निनाम्‍हाङ्‌य़ङ खाकालुचिछाङ म़सुवादा, मेन खाना त़य़ङ्‌याङ, ‘साङ अ़ङ्‌य़ङ्‌वा च़नालो मो देम्‍खाछाङ अ़स़निन्‍दानिन।’

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

एफिसि 3:17

खोन्‍कि साकोङ्‌छ़ङ्‌लाम्‍पा ख्रिस्‍त आम्‍नुओ साकोङ्‌वाचिदा म़याक्‍ने, खोन्‍कि सोम्‍तुक्‍मादा आम्‍नुओ भेन पाक्‍तुओ खोन्‍कि छ़ङ युङ्‌सानुम निम्‍पाङ अ़ङ्‌का यामात्‍ङा।

१ युहन्‍ना 2:24

खानानिन्‌आ बुयादाङ्‌का दि त़एनुम्‌युङ्‌सुम, मो खानानिन्‌एदा युङ्‌युङ्‌ने। बुयादाङ्‌काङा त़एनुम्‌ओ मो य़ङ खानानिन्‌एदा युङ्‌युङ्‌नालो खानानिन निनाम्‍हाङ्‌ओ अ़चुछा खोन्‍कि निनाम्‍हाङ पापाएदा त़युङिन।

१ युहन्‍ना 2:5

मेन साङ्‌आ खोक्‍कोसोओ अ़चुय़ङ लोउ, खोएदा निनाम्‍हाङ्‌लिप्‍पाओ अ़चुसोम्‍तुक्‍मा अ़नुछ्‍याङा ताला। ओ य़ङ्‌दाङ्‌काङा आन्‍कान खोक्‍कोएदा याइन्‌येन्‌निओ य़ङ्‌दा आन्‍कान अ़छ़ङ लिसिन।

१ युहन्‍ना 4:4

सोमातुक्‍नाङ्‌नानिन्‌ओ छाचि ओ, खानानिन निनाम्‍हाङ्‌दाङ्‌का ओ, खोन्‍कि सोज्‍जेओ निनाम्‍हाङ्‌य़ङ खाकालुचिएदा त़छोसिन्‌युङ्‌सिन। देकिनालो खानानिन्‌एदा कायुङ सेङ्‌लावा हेन्‍खामादाओ लावादाङ्‌का तोक्‍पो म़मुयाङ।

१ युहन्‍ना 5:3

निनाम्‍हाङ्‌ओ अ़चुसोम्‍तुक्‍माओ अ़तुप्‌य़ङ ओङा ओ, आन्‍कान खोक्‍कोसोओ अ़चुओ लोमाय़ङ्‌चि काङ्‌सिन। खोन्‍कि खोक्‍कोसोओ अ़चुलोमाय़ङ्‌चिआ म़तिम्‍निन।

२ युहन्‍ना 1:6

खोक्‍कोसोओ अ़चुलोमाय़ङ्‌वात्‍नि आन्‍कान च़माङा सोम्‍तुक्‍मा ओ। ओ लोमाय़ङ खानानिन्‌आ बुयादाङ्‌का त़एनुम्‌ओसा खानानिन अ़क्‍छा निएदा सोमातुक्‍मुमादोत।

खाङ्‌मुमा 21:22

अ़ङ्‌का मो सहरादा खाक्‍कोछाङ निनाम्‍हाङ ब़क्‍खाखिम मान्‍खाङ्‌ङा, देकिनालो झारा सावाकातोक हाङ्‌पा निनाम्‍हाङ खोन्‍कि थुबाछाङा मोदाओ निनाम्‍हाङ ब़क्‍खाखिम म़युङ्‌याङ।

खाङ्‌मुमा 21:3

हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ अ़ङ्‌का एनुङ, “हान, निनाम्‍हाङ्‌ओ अ़चुयुङ्‌खा म़नाचिएनान लिसायुङ्‌सा। खोक्‍को मोचिएदा म़युङ, खोन्‍कि मोचि खोक्‍कोसोओ अ़चुम़नाचि म़लि। खोन्‍कि निनाम्‍हाङ आप्‍पि मोचिएनान म़युङ, खोन्‍कि खोक्‍को मोचिओ अ़चुनिनाम्‍हाङ म़लि।

खाङ्‌मुमा 22:3

हान्‌दाङ्‌का मोह्‍यात्‍नि मो सहरा देम्‍खाछाङ माङ्‌अ़हिम्‍निन। निनाम्‍हाङ खोन्‍कि थुबाछाओ अ़चुहाङ्‌युङ्‌खा मोदा लि, खोन्‍कि खोक्‍कोसोओ अ़चुहारुक्‌चिआ खोक्‍को अ़ब़क।