युहन्‍ना 14:10 - बान्‍तावा राई

¹⁰ अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।

युहन्‍ना 14:10 ပူးပေါင်းရင်းမြစ်များ

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 11:26

खोन्‍कि काह़ङ खोन्‍कि अ़ङ्‌काएदा साकोङ्‌छ़ङ कामु झारा देम्‍खाछाङ अ़स़निन्‍दानिन। दि खाना ओ य़ङ्‌दा साकोङ्‌छ़ङ त़मु?”

युहन्‍ना 12:49

देकिनालो अ़ङ्‌का अ़ङ्‌आप्‍पिओ पाङ्‌दाङ्‌का मान्‍चेप्‍ङा, मेन अ़ङ्‌का दे य़ङ्‌मादोत्‌ओ खोन्‍कि दि चेप्‍मादोत्‌ओ, अ़ङ्‌का काछुत पापा निनाम्‍हाङ्‌आ अ़ङ्‌का ऩलोवाङ्‌युङ्‌साङ।

युहन्‍ना 14:11

अ़ङ्‌का साकोङ्‌छ़ङ मुवाङ्‌ऩङ, अ़ङ्‌का पापाएदा याक्‍ङाङा, खोन्‍कि पापा अ़ङ्‌काएदा म़याक्‌याङ। माङ्‌नालो अ़ङ्‌का मुङ्‌च़ङ्‍ओ म़दोम्‍दाओ बुन्‌चि खानुम्‍च़म्‌कि साकोङ्‌छ़ङ मुवाङ्‌ऩङ।

युहन्‍ना 14:20

मो लेन खानानिन्‌आ त़सिन्‍तुम, अ़ङ्‌का अ़ङ्‌पापाएदा याक्‍ङाङा, खोन्‍कि खानानिन अ़ङ्‌काएदा, खोन्‍कि अ़ङ्‌का खानानिन्‌एदा याक्‍ङाङा ओ।

युहन्‍ना 14:24

अ़ङ्‌का सोमामान्‍तुक्‍कादाआ अ़ङ्‌चिन्‍माय़ङ्‌चि अ़मुन्‍चिन। खानानिन्‌आ त़एनुम्‌योम्‌ओ य़ङ्‌चि अ़ङ्‌को आप्‍पिओ माआङ, मेन अ़ङ्‌का काछुत अ़ङ्‌पापादाङ्‌का ओ।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 5:17

खोन्‍कि येसुआ मोचि म़लासुलोचि, “अ़ङ्‌पापा ओन्‍ग़रितारि काचि म़मुयाङ, खोन्‍कि अ़ङ्‌काछाङ काचि मुङाङा।”

युहन्‍ना 5:19

येसुआ मोचि म़लोचि, “अ़नुछ्‍याङा अ़ङ्‌का खानानिन लोनानिन। अ़चुछाआ आप्‍पि दित्‍छाङ मुमा अ़ऱन, मेन अ़चुपाआ दि अ़मुओ खोसाआ खा, अ़चुछाछाङ मोवात्‍निङा च़।

युहन्‍ना 7:16

खोन्‍किना येसुआ मोचि म़लासुलोचि, “अ़ङ्‌चिन्‍माय़ङ अ़ङ्‌को माआङ, मेन अ़ङ्‌का काछुत निनाम्‍हाङ्‌दाङ्‌का ता।

युहन्‍ना 8:28

खोन्‌ओसा येसुआ म़लोचि, “खाउग़रि खानानिन्‌आ म़नाओ अ़छा धाना त़थेन्‍तुम, मोन्‍ग़रि अ़ङ्‌का खोक्‍कोङा ओ निकिना खानानिन्‌आ त़सिन्‍तुम। खोन्‍कि अ़ङ्‌का अ़ङ्‌पाङ्‍आ दित्‍छाङ अ़मुऩङ, मेन अ़ङ्‌पापाआ ऩचिन्‍ताङ्‍ओ य़ङ्‌चि ओन्‍ङा चेउङ्‌च़ङ।

युहन्‍ना 8:38

दि अ़ङ्‌का अ़ङ्‌पापाओ अ़चुबुदा खाङ्‌युङ्‌सुङ, मो अ़ङ्‌का खानानिन लोनानिन। खानानिन्‌आछाङ दि आम्‍नुओ पाएदाङ्‌का त़एनुम्‌युङ्‌सुम, मोत्‍निङा त़च़न।”

युहन्‍ना 8:40

अ़ङ्‌का निनाम्‍हाङ्‌दाङ्‌का एनुङ्‌ओ अ़छ़ङ खानानिन लोनायुङ्‌नानिन, मेन ओन्‍ग़रि अ़ङ्‌का सेत्‍मा त़लाप्‍ङाङाऩङ। अब्राहाम ओवाको काचि मान्‍मु।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

२ कोरिन्‍थि 5:19

ओवात्‍नि, निनाम्‍हाङ ख्रिस्‍तएदा म़लिसाकि हेन्‍खामादाओ म़नाचि खोक्‍कोएदा म़लासुतोङ्‌सुतारुङुचि। मोचिओ अ़चुहेवाओ अ़फान मान्‍लात्‍माङ, लामातोङ्‌मा काचिओ य़ङ्‌खान खोक्‍कोसाआ आन्‍कान्‍का ऩप़न्‌युङ्‌सिन्‍का।

कलस्‍सि 1:19

देकिनालो निनाम्‍हाङ्‌ओ झारा अ़चुयाक्‍मा ख्रिस्‍तदा याक्‌याङ, खोन्‍कि मो निनाम्‍हाङ्‌ओ अ़चुमिन्‍मावा मुयाङ।

कलस्‍सि 2:9

देकिनालो निनाम्‍हाङ्‌ओ अ़चुयाक्‍मा झारा ख्रिस्‍तओ अ़चुपोक्‌दा म़याक्‌याङ,

१ युहन्‍ना 5:7

खोन्‍कि सालुम्‍स़ङ काप़ ना सेङ्‌लावाङा म़युङ्‌याङ, देकिनालो सेङ्‌लावा अ़छ़ङ म़मुयाङ।