युहन्‍ना 14:1 - बान्‍तावा राई

¹ “आम्‍नुओ साकोङ्‌वा चाअ़त्‍लो अ़लिनिन्‍ने। निनाम्‍हाङ्‌एदा साकोङ्‌छ़ङ त़मुन, अ़ङ्‌काएदाछाङ साकोङ्‌छ़ङ मुवानिन।

युहन्‍ना 14:1 ပူးပေါင်းရင်းမြစ်များ

युहन्‍ना 11:33

खोन्‍किना येसुआ मो खावाङाओ खोन्‍कि मोएनान काबान यहुदिचिछाङ म़खावाङाओ म़खाचि, खोन्‍कि खोक्‍को अ़चुसाकोङ्‌वादा अ़न्‍नुनु चाअ़त्‍लो म़लिसाकिना अ़न्‍नुनु अ़चुदुखा खारा।

युहन्‍ना 12:27

हान अ़ङ्‌साकोङ्‌वा दुखादा छुक्‍तायुङ्‌सा, खोन्‍कि अ़ङ्‌का देत्‍नि य़ङ्‌मा? ‘आपो, अ़ङ्‌का ओ दुखादाङ्‌का लेन्‍नि’? मेन ओ दुखा तोक्‍माओ निम्‍पाङ्‌ङा अ़ङ्‌का ताङ्‌ओ।

युहन्‍ना 12:44

खोन्‍किना येसुआ अ़धिवा य़ङ्‌आ म़लोचि, “अ़ङ्‌का साकोङ्‌छ़ङ कामुआ अ़ङ्‌काएदा ओन्‍ङा माआङ, मेन अ़ङ्‌का काछुत्‌एदाछाङ साकोङ्‌छ़ङ मु।

युहन्‍ना 13:19

ओ लिमा बुया ओन्‍ग़रि अ़ङ्‌का खानानिन लोनानिन, खोन्‍किना देम्‍खा मो लि, अ़ङ्‌का खोक्‍कोङा ओ निकिना खानानिन साकोङ्‌छ़ङ त़मुन्‍ने।

युहन्‍ना 16:24

ओन्‍ग़रितारि खानानिन्‌आ अ़ङ्‌ऩङ्‌दा दित्‍छाङ मान्‍दोत्‍त़युक्‍तुम। दोरानुम खोन्‍किना खानानिन्‌आ त़तोक्‍तुम। ओवात्‍नि आम्‍नुओ ऩङानुमा तालाने।

युहन्‍ना 16:3

खोन्‍कि मोचिआ ओ काचिचि म़मुचि, देकिनालो मोचिआ अ़ङ्‌पापा मान्‍सिन्‌अ़युक, ना अ़ङ्‌काङा ऩसिन्‍ताङ्‌युङ्‌साङ।

युहन्‍ना 16:6

मेन अ़ङ्‌का खानानिन ओ य़ङ्‌चि लोनानिन्‌ओसा आम्‍नुओ साकोङ्‌वा मिन्‍राक्‌आ भेप्‍तुयुङ्‌सु।

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

२ कोरिन्‍थि 2:7

खोन्‌ओसा हान, खानानिन्‌आ मो लेत्‍माकि अ़सोम्‍सेत्‍मादोत, माङ्‌नालोना मोसोओ चात्‍लो अ़राक स़।

एफिसि 1:15

हाङ्‌पा येसुदा याक्‌याङ्‍ओ आम्‍नुओ साकोङ्‌छ़ङ खोन्‍कि झारा निनाम्‍हाङ्‌ओ अ़चुम़नाचिएदाओ आम्‍नुओ सोमातुक्‍माओ अ़तुक्‌वादा अ़ङ्‌का एनुङ्‌युङ्‌सुङ ओसाआङा,

२ थेसलोनिकि 2:2

हाङ्‌पाओ अ़लेन बुयाङा ताचिआयुङ्‌सा निकिना खा-खाक्‍कोचि म़य़ङ्‌नुछाङ, खानानिन च़क्‍नि त़दोम्‍तिन्‍दान्‍मिन्‍ने माङ्‌लो मान्‍क़दानिन। मोचिआ सेङ्‌लावादाङ्‌काओ माङ्‌लो खालुमाय़ङ्‌दाङ्‌काओ माङ्‌लो आन्‍कान्‍कालाम्‍पाओ छाप्‍लावावाको मुयाङ्‌नि म़य़ङ्‌नुछाङ खानानिन साकोङ्‌छ़ङ मान्‍मुदानुम।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।